XXIV. - XXV.

Si ne crains avoir despendu, Par friander et par leschier; Par trop aimer n'ay riens vendu, Que nuls me puissent reprouchier. Au moins qui leur couste trop cher. Je le dys, et ne croys mesdire. De ce ne me puis revencher: Qui n'a méfiait ne le doit dire.

Est vérité que j'ay aymé Et que aymeroye voulentiers; Mais triste cueur, ventre affamé, Qui n'est rassasié au tiers, Me oste des amoureux sentiers. Au fort, quelqu'un s'en recompense, Qui est remply sur les chantiers, [P. 29] Car de la panse vient la danse.