XXVI. - XXVII.

Bien sçay se j'eusse estudié Ou temps de ma jeunesse folle, Et à bonnes meurs dedié, J'eusse maison et couche molle! Mais quoy? je fuyoye l'escolle, Comme faict le mauvays enfant... En escrivant ceste parolle, A peu que le cueur ne me fend.

Le dict du Saige est très beaulx dictz, Favorable, et bien n'en puis mais, Qui dit: «Esjoys-toy, mon filz, A ton adolescence; mais Ailleurs sers bien d'ung autre mectz, Car jeunesse et adolescence (C'est son parler, ne moins ne mais) Ne sont qu'abbus et ignorance.»