VI. - VII.

Pour obvier à ses dangiers, Mon mieulx est, ce croy, de partir. Adieu! Je m'en voys à Angiers, [P. 9] Puisqu'el ne me veult impartir Sa grace, ne me departir. Par elle meurs, les membres sains; Au fort, je meurs amant martir, Du nombre des amoureux saints!

Combien que le départ soit dur, Si fault-il que je m'en esloingne. Comme mon paouvre sens est dur! Autre que moy est en queloingne, Dont onc en forest de Bouloingne Ne fut plus alteré d'humeur. C'est pour moy piteuse besoingne: Dieu en vueille ouïr ma clameur!