IV. - V.

Et, se je pense à ma faveur, Ces doulx regrets et beaulx semblans De très decepvante saveur, Me trespercent jusques aux flancs: Bien ilz ont vers moy les piez blancs Et me faillent au grant besoing. Planter me fault autre complant Et frapper en un autre coing.

Le regard de Celle m'a prins, Qui m'a esté félonne et dure; Sans ce qu'en riens aye mesprins, Veult et ordonne que j'endure La mort, et que plus je ne dure. Si n'y voy secours que fouir. Rompre veult la dure souldure, Sans mes piteux regrets ouir!