CLXIX. — Paris, 19 août

Rémission à Jean Coacq, écossais, pour le meurtre d'un Anglais faisant partie d'une bande de pillards qui rançonnaient la ville d^Ecouché, (JJ 174, n. 58, fol. î3, verso.)

Henry, etc., Savoir faisons, etc., nous ' avoir receu Pumble supplicacion de Jehan Coacq, natif du pais d^Escoce, contenant comme puis pou de temps ença, ainsi quMl aloit en la ville d^Escouchie (i), qui est près de la ville d^Argenthen et lui estant en icelle, trouva pluseurs compaignons, eulx disans du pais de Gales, qui estoient logiez en icelle ville d^Escouchieet qui n'avoient, come on disoit, adveu d*aucun cappitaine. Lesquelz compaignonspilloient les bonnes gensd*icelle ville d^Escoucbie et leur ostoient pluseurs de leurs biens meubles, comme draps de lit, chevaulx, jumens, chapperons a homme, coctesa femme et iceulx biens raençonnoient et faisoient raençonner ausdictes bonnes gens. Lequel suppliant, ce veant, dist a deux d^iceulx compaignons que c'estoit mal fait a eulxdeainsi tourmenter iceulx bonnes gens, et que, se ce venoit a congnoissance de justice, qu^ilz en seroient pugniz griefment. Lesquelz deux compaignons, ou au moins Tun d^eulx, et desquelz il ne scet les noms, lui respondirent en anglois telz moz: « Wastant toustron, ou je te rompray la teste ». Et de fait tira sa dague Pun d^iceulx et lui en donna ung cop par la joe. Lequel suppliant, veant qu'il n'avoit pas la force contre eulx, se départi et s'en ala en Tostel oti il estoit logié. Et assez

(i) Ecouché, Orne, arr. Argentan, ch.-l. de cant.

tost après qu'il fut en sondit logis, vindrent iceulx deux compaignoQS, et en leur compaigdie pluseurs autres, qui de £ait assaillirent ledit suppliant en sondit logis et en sa chambre. Lequel suppliant, voyant leur maie youlenté, leur dist telz moz ou semblables : a Messires, vous ne entrerez point céans pour le présent » . Lesquelz cornpaignons lui respondirent : « Si ferons a tes despens et y morras > . Et adont quant icellui suppliant vit que il ne povoit de eulx eschapper, dist en soy : « Cy me fault vivre ou mourir ; Dieu me soit en aide! » Et lors iceulx compaignons le commancerent a assaillir fort et ferme, et il suppliant, en soy défendant, en navra ung et a 1 autre il donna ung coup ou deux d'un baston appelle vouge, dont mon assez tost après s'en ensuy. Lors lui, veant les autres persévérer aleur assaultet emprinse, dist : • Je requier, s'il y a en ceste compaignie gentil homme, qu^il me mené a justice >. Adont en y ot ung, qui fist cesser les envaissemens, et mena ledit suppliant es prisons d'Argenthen, esqueles il a tousjours depuis esté et encores est de présent... Si donnons en mandement par ces mesmes présentes au bailli de Caen. . . Donné a Paris, le xix< jour du mois d^aoust. Tan de grâce mil quatre cens et vint sept et de nostre règne le quint. Ainsi signé : Par le Roy, a la relacion du Conseil. J. de Drosay.