CLXVIII. - Paris, 5 juillet

Rémission à Guerouldin La Boe, marchand de Rouen, impliqué dans le complot qui faillit, en 1424, livrer la ville aux Français.{JJ ij3, n. 742, fol 352 verso.)

Henry, etc., Savoir faisons, etc., nous avoir receu Tumble supplicacion de Guerouldin la Boe, marchant de la ville de Rouen, chargié de femme et de trois petiz enfans, contenant que, trois ans a ou environ, un nommé Laurens Buset, de ladicte ville de Rouen, dist audit suppliant que il vouidroit que celui qui se disoit daulphin feust en ladicte ville (i), et que lui, sa femme et enfans ne povoient pas mourir de fain^ en semblant et demonstrant en disant lesdictes paroles que ledit Buset feust comme désespéré. Desqueles paroles ledit suppliant fut bien desplaisant et en blasma fort ledit Buset, en lui défendant que plus ne les recordast devant lui ne autres, et lui disant que se il avoit neccessité, que il vendist une de ses maisons. Et pour ce que il avoit aucune acointance avec ledit Buset, afin de le oster hors de deplaisance et que il eust argent a fere sa marchandise, trouva voie et manière de lui fere vendre une ou deux de sesdictes maisons, et ne ot onques icellui suppliant congnoissance que ledit Buset eust entencion d*estre consentant de la machinacion et traison pourpensée de ladicte ville, mais lui sembloit que povretéet desplaisance lui faisoient dire lesdictes paroles. Et combien que depuis ilz aient pluseurs

(i) V. au sujet de ce complot, dont il est également fait mention dans les n^ CLXX et CLXXl, G. Lbpèvrb-Pontalis, La Guerre de partisans en Hàute^Normandie (Bib. Ec. des Ch., LVII, 5-54).

foiz parlé ensemble, ce non obstant icelai suppliant n>n oj puis parler audit Buset ne antre, jusques a trois ou quatre jours après ce que noz ennemis orent failli a entrer en ladicte ville de Rouen, que un barbier d'^icelle, surnommé Baudry, lui dist la manière comme ladicte ville avoit esté vendue et cuidée livrer ausdiz ennemis et la cause qui les avoit destourbez de y entrer et que se ilz y feossent entrez ilz n'eussent fait aucun mal aux habitans dicelle ville, excepté aux Anglois, et que ainsi Tavoient promis. Desqueles paroles ledit suppliant fut moult esmerveillié et dict audit Baudry que ce n'estoit point chose a croire, et que se lesdiz ennemis feussent entrez en ladiae ville, pluseurs povres hommes et mauvais d^icelle se feussent aliez avecques eulx et Feussent pillée, robée et destruicte du tout, en défendant par ledit suppliant audit Baudry que plus ne lui en parlast. Lesqueles paroles ledit suppliant ne révéla point aux gens et officiers de nostre justice, doubtant le faire pour Tamour que il avoit a ceulx qui les avoient dictes et que il ne culdoit point que ilz en feussent consentans, mais tantost après les dist et révéla particulièrement a autres ses amis secrez, afin que justice en eust congnoissance par autre que par lui ; par le moien de Tun desquelz la chose a esté révélée a noz gens et officiers de la justice dudit lieu, lesquelz ont mandé deux ou trois foiz ledit suppliant, qui sans contrainte a dit et confessé les choses dessusdictes. Pour occasion de laquelle cause il a esté longuement et encores est détenu prisonnier es prisons dudit lieu de Rouen... Si donnons en mandement par ces mesmes présentes au bailli de Rouen... Donné à Paris, le cinquiesme jour de juillet, Tan de grâce mil quatre cens et vint sept et de nostre règne le quint. Ainsi signé : Par le Roy, a la relacion de mons. le Régent. J. Milki .