CLXX. — Rouen, a8 août

Rémission à Jean Saivart, maçon, inculpé de complicité avec Richard Mittes et Alexandre de Berneval dans le complot qui avait pour but de livrer la ville de

Rouen aux Français, au moment de la bataille de VerneuiL (JJ 174, n. 14, fol. 6 recto.)

Henry, etc.. Savoir faisons, etc., avoir esté exposé a nostre très chier et très amé oncle Jehan, régent nostre royaume de France, duc de Bedford, de la partie des parens et amis charnelz de Jehan Salvart (t), maçon, demourant en nostre ville de Rouen, que certain temps au devant de la bataille de Vernueil, un nommé Ricart Mictes, lors demourant en nostredicte ville de Rouen, s*adreça audit Salvart et lui dist que nostre adversere Charles, nagaires soy disant daulphin, et nostre très chier et très amé oncle le duc de Bourgogne estoient en bonne paix et accord et avoient traictié entre eulx et que nostredicte ville de Rouen seroit bientost prise par force, en advertissant ledit Salvan que, se il advenoit que nostredit adversere ou ses gens feussent dedans ladicte ville, que il advisast comment Ton pourroit faire du chastel. A quoi ledit Salvart respondit audit Ricart Mictes que il advisast bien ce qu^il disoit et que c^estoit un grant fait a fere et que il ne creoit point que tele chose se peust fere, veu comment les choses que nostredit adversere et ses gens entreprenoient se portoient. Sur quoy lui dist ledit Mictes que la chose se feroit et que certainement il Tavoitoy dire

(i)Jean Salvart avait succédé, en 1398, à Jean de Bayeux, comme maître juré des œuvres de maçonnerie de la ville et de la cathédrale de Rouen ; il coopéra aux travaux de cette église, en même temps qu'il construisait une des chapelles de Téglise des Cordeliers et qu'il continuait Tédification ou la restauration de la porte Martainville. Il fut remplacé comme architecte de la cathédrale par Jean Roussel. Alexandre de Berneval était maître des œuvres de maçonnerie du roi, et son nom reste attaché aux travaux de Téglise Saint-Ouen. (V. Gkrmain LKPàvRE-PoNTALis, loc. Cit., m V Inventaire de Pierre Surreauy édit Félix, p. iSy.)

a certaines personnes qui le disoient bien savoir, et que ledit Jehan Salvart n*en feist aucune double. Et certain temps après, ledit Salvart et un nommé maistre Alixandre de Breneval, maçon, se trouvèrent ouditchastel de Rouen, où Ton besongnoit sur le fait des taches de maçonnerie, et parlèrent ensemble de ce que ledit Ricart Mictes avoit dit audit Jehan Salvart et dont ledit Salvart avoit parlé audit maistre Alixandre, et regardèrent et adviserent que, se il advenoit que nostredicte ville de Rouen feust prinse et conquestée par force et qu'il faulsist fere nouvel serement et changier seigneur, que Ten pourroit bien remédier contre ledit chastel par faire mines et par asseoir anons pour rompre les pons et la porte, afin que ceulx qui seroient dedans ledit chastel ne peussent issir et saillir dedans la ville. Et en après ce, ledit Ricart Mictes trouva ledit Jehan Salvart et maistre Alixandre, et demanda audit Salvart se ilz avoient advisé ensemble sur ce dont il avoit paravant parlé a lui. Lequel lui respondi que oyl, ou cas que ladicte ville seroit ainsi prise et conquise comme ledit Ricart Mictes avoit donné a entendre audit Salvart, qui dist audit Mictes qu'il ne creoit point que il se peust fere. Et assez tost après ladicte bataille de Vernueil, ledit Jehan Salvart eut souvenance de ce que ledit Mictes lui avoit dit |ue nf>siredicte ville de Rouen seroit conquise par force par nosiredii adversere, et pour ce ala devers ledit Mictes et lui dist et remonstra que ce qu'il lui avoit dit ne povoii csire vray et que c'esioii mauvaise semence a semer par la ville et qu'il gardast bien qu'il ne lui en parlast plus ne a nul autre. Et au temps que ledit Mictes parla premièrement audit Salvart du fait de nostreJit adversere, icelui Mictes bailla audit Salvart unes lettres en lui disant : « Regardez que il y a dedans ». A quoy ledit Salvart respondi qu'il n'estoit point clerc et que il ne les sauroit lire

et que il ne sauroitque il y avoit dedans. Pour quoy ledit Mictes lui dist que il les fist lire audit maistre Alixandre. Et pour ce icelui Salvart porta lesdictes lettres audit maistre Alixandre sans ce quMl sceust se il les lut et que elles contenoient ne en quel nom elles estoient faictes. Mais quant ledit Alixandre les ot veues, il dist que c^estoient des lettres dudit Ricart Mictes et que aucun mauvais garçon les avoit faictes, et tantost les dépêcha. Et nagaires, c*est assavoir devantquaresme derrain passée un nommé Jehan Blondel vint devant ledit Salvart et lui

demanda se il venoit aucunes gens ou gens d^armes, qu^ilz voulsisscnt entrer a Rouen, se il y vouidroit entendre et que son compère Ricart Mictes lui mandoit. Lequel Salvart lui dist quMl ne lui en parlast plus et que jamais il ne seroit en place où il ne tenist le serement qu'il auroit fait a nous, comme autresfoiz avoit respondu. Pour lesqueles causes ledit Jehan Salvart a esté pris, arresté et détenu prisonnier en noz prisons a Rouen et son procès sur ce fait, moiennant nostre justice, a esté par sentence de nostre bailli de Rouen condempné pour estre décapité et son corps mis a nostre justice et par icelc sentence ont esté tous ses biens declairez estre a nous acquis, forfaiz et confisquez, et par vertu de ladicte sentence et pour icele mectre a execucion a esté mené au lieu publique de nostredicte ville de Rouen, oti il eust misérablement fine ses jours se sur ce nostre grâce et miséricorde ne lui estoit par nosiredit oncle impartie. . • Si donnons en mandement a nostredit bailli de Rouen... Donné a Rouen, le xxviij* jour d'aoust. Tan de grâce mil ccccet vint sept et de nostre règne le cinquiesme. Ainsi signé : Par le Roy, a la relacion de mons. le Régent le royaume de France, duc de Bedford (i). J. Milet.

(i) Bedford émit parti de Paris pour Rouen le i8 août, ainsi qu*ea

SI