CLXXI. — Rouen, 3i août
Rémission à A lexandre de Berneval^ maçon, inculpé de complicité avec Jean Salvart dans le complot ourdi par Richart Mittes pour livrer la ville de Rouen aux Français. (JJ 174, n. 29. fol. 10 verso.)
Henry, etc.. Savoir faisons, etc., avoir esté exposé
a nostre très chier et très amé oncle Jehan, régent nostre
royaume de France, duc de Bedford, de la partie des
pareDs et amis cbarnelz de Aiixandre de «Breneval,
maçon, aagié de Ix ans ou environ, chargié de femme et
de cinq enfons, que, trois ans a ou environ, Jehan Sal-
▼art, maçon, dist audit Aiixandre que un nommé Ricart
Mites, compère dudit Salvart, lui avoit dit que il avoit
or dire que celui qui nagaires se appelloit daulphin,
noftre adversaire, et nostre très chier et très amé oncle le
duc de Bourgoigne estoiem d'acord ensemble et avoient
entencion de (Prendre nostre ville de Rouen. Desqueles
paroles icelui Aiixandre, qui est un très simple homme,
eust esté moult esmerveillié et courroucié, et eust respondu
sur ce audit Salvart ses paroles ou semblables : c Je ne
« croy point que les paroles que vous m^avez dictes soient
« véritables, ne il n'en est aucune apparence et ne sont
« que bourdes et frivoles ; aussi je n^en vueil point ouïr
•« parler ne moy entremectre de teles choses, car au plaisir
« de Dieu, je garderay le serement que je ay fait au Roy
■» mon souverain seigneur tant come je vivray ». Et
atant se départirent lors Tun de avec l'autre sans plus
fat: foi le passage suivant du Journal d'un Bourgeois de Paris (Edit. Tuetcy, p. a 18) : « Le xviij« jour d'aoust ensuivant Tan mil llIl-XXVIl, ftc parti de Paris le régent, qui touzjours cnrichissoit son pais d'aucune chose de ce royaulme, et si n*y rapportoit riens que use caille quant il revenoit... »
parler de la matière. Et depuis ledit Alixandre se trouva avec ledit Jehan Salvartoù ils besongnoient ensemble en nostre chastel de Rouen, lequel Jehan Salvart recorda lesdictes paroles audit Alixandre qui n'en avoit plus aucune souvenance, et en fu très fort courroucié. Et ainsi qu^ilz regardoient ledit chastel, ilz distrent entre eulx que c^estoit un très bel chastel et seroit grant dommage de y faire mal et que ja jour de leur vie ne se entremectroient de teles choses, mais s^il advenoit que Dieu ne voulsist que nostredicte ville feust conquise par force, comme autreÊToiz avoit esté, et qu'ilz feussent contrains par la force de ceulx qui tendroient nostredicte ville, si ne sauroient ilz trouver manière pour grever ledit chastel sinon par faire mines comme Ten avoit autrefToiz fait ou pour asseoir un canon pour abatre la herche ou le pont d^icelui chastel, n^est recors ledit Alixandre lequel ilz distrent. Et lors se depanirent et alerent en leurs aflaires. Et assez tost après, ledit Jehan Salvart monstra audit Alixandre une petite lettre ou cedule, de la largeur et longueur de deux doiz ou environ, et lui dist que ledit Ricart Mites lui avoit bailliées. Lesqueles lettres icelui Alixandre ne pot lire pour ce qu'elles estoient trop menu escriptes et que, quant il lui souvint dudit Mites, ilot le sang tout esmeu et troublé, et par desplaisance les rompi et dessira et ne scet qu'ilz contenoient, et dist audit Jehan Salvart que sur toute Tamour qu'il avoit a lui jamais ne lui parlast de la besoingne. Esqueles choses ledit Alixandre ne pensoit a aucune mauvaistié, ne onques depuis ledit temps de trois ans ou environ il ne oy parler de ladicte besongne ne il n^a eu congnoissance du dampnable propos et mauvaise voulenté que ledit Mites et ses complices ont puis nagaires voulu acomplir ctcommectre. Et pour ce que ledit Alixandre n'a denoncié a nostre justice
les choses dessusdictes ainsi par lui oyes, il a esté et encores est détenu prisonnier en nos prisons à Rouen, où il est en grant povreté et misère, et mesmement a Poccasion d^une grosse bosse qu^il a en une jambe, et si est malade de fièvres et en dangier de briefment finer ses jours esdictes prisons .. . Si donnons en mandement a nostre bailli de Roaen... Donné a Rouen, le derrenier jour cTaousty Tan de grâce mil quatre cens vint sept et de noftre règne le cinquiesme. Ainsi signé : Par le Roy a la relacion de mons. le Régent de France, duc de Bedford.
J. MtLBT.
CLXXIL ^ Paris, 6 septembre 1427.
Rémission à Etienne Drouin, de Familly, qui, dénoncé aux Frmncais par Etienne de la Roche^ habitant de cette paroisse, a, pour se venger , révélé la cachette où ledit de la Roche avait déposé ses biens et a contribué à la faire pi lier par des voleurs. (JJ 1 74, n. 36, fol. i3 recto.)
Henry, etc., Savoir faisons, etc., nous avoir oye Pumble supplicacion de Estienne Drouyn, povre homme laboureur de braz, chargié de femme et de trois petiz enfans, demeurant en la parroisse de Saiat Jehan de Familly (i), ou diocèse de Lisieux, aagié de trente ans ou environ, contenant que, quatre ans a ou environ, ledit suppliant fut prins par pluseurs foiz par noz adverseres et ennemis et mis la première foiz a soixante escuz d'or de raen»;on et de ce lui convint bailler pleige ; lequel lesdis ennemis emmenèrent a la Ferté-Bernard (2), où ilz
(i) Familly, Calvados, arr. Lisieux, cant. Orbec. (s) Sarthe. arr. Mamcrs. ch.-l. de cant.
habitoient lors. Et depuis que il ot délivré sondit pleige de ladicte somme, fut prins de rechief de nosdis ennemis et mené prisonnière Nogent le Retrou, où il fu détenu prisonnier par Tespace de sept sepmaines. Durant lequel temps il fu en la fosse par l'espace d'un mois, et lui firent endurer moult grant destresse de corps, comme froit, fain et autres tourmens, et lui convint paier très grant raençon. En paiant lesqueles raençons, lesdis ennemis distrent audit suppliant et affermèrent que ilz Tavoient prins a r instance et pourchas de Estienne de la Roche, de ladicte parroisse de Familly, et depuis l'ont dit a pluseurs autres personnes. Et tantost après, c^est assavoir environ trois ans et demi a, vint ung autre jeune homme, nommé Robin Marie, varlet servant a ung nommé Rogier Micousins, lors tenant le parti de nosdis ennemis^ qui avoit austresfois demouré par Tespace de trois ans ou environ en ladicte parroisse de Familly, comme varlet servant ou hamel où demeure ledit suppliant, passant par ladicte parroisse de Familly trouva d^aventure ledit suppliant, car onques puis ne l'avoit veu que il s^en estoit aie hors du pais avec nosdis ennemis, et entre autres choses dist audit suppliant que il avoit oy dire qu^il avoit moult souffert de paine et tourment et soustenu moult de dommaiges et tout au pourchas dudit de la Roche. Et adonc ledit suppliant, recordant de ces tourmens, injures et dommaiges, croiant que tout lui eust esté fait par le pourchas dudit de la Roche, et considérant que audit de la Roche ne a autre n^avoit onques fait mal ne desloiaulté, et pour ce enflambé de tristesse et yre, encusa lors audit Robin une muce ou retrait, estant assez près d^iceulx lieux en la parroisse de la Halleboudiere (i), en laquele
(i) La Halboudière, com. de Familly, Calvados, air. Lisieux, cant. Orbec.
ledit de la Roche avoit retrait aucuns de ses biens, et lors se départi de lui ledit Robin et briefment après, lui et sofldit maistre, auquel ledit suppliant paravant n^avoit aucune congnoissance, retournèrent par devers ledit suppliant, afin qu'il les menast a ladicte muce. Lequel par courroux et desespoir, et pour soy vengier dudit de la Roche, lequel y reputoit son ennemi et tempté de l'ennemi, les mena lors a ladicte muce et y prindrent des biens audit de la Roche ^u dessoubz de la valeur de xij a XV 1. ou environ, desquelz biens onquesn^en tourna riens au prouffit dudit suppliant, et s'en alerent et départirent ledit Micousin et sondit varlet, ne onques puis ledit suppliant ne les vit, jusques a ce que ledit Robin s^est venu rendre a nostre parti ; pour lequel cas icelui povre suppliant, doubtant rigueur de justice, s^est absenté du pais. . . Si donnons en mandement a nostre bailli de Rouen... Donné a Paris, le sixiesme jour du mois de septembre. Tan de grâce mil quatre cens et vingt sept et de nostre règne le quint. Scellées de nostre seel ordonné en Tabsence du grant. Ainsi signé : Par le Conseil. Ogek.
