CLXXIV. — Rouen, i3 septembre
Rémission à plusieurs habitants de Berjou^ qui, pillés par des A nglais revenant du siège de Pontorson, se sont mis à leur poursuite, et, en assaillant une char" rette où ils croyaient retrouver leurs biens, ont tué par mé garde un jeune enfant. (JJ 174, n. 19, fol. 7 verso.)
Henry, etc., Savoir faisons, etc., nous avoir receu la supplicacion de Jehan Salles, Guerren Hébert, Perrin Martin et Jouvet le Bailli, povres jeunes hommes laboureurs, chargiés de femmes et d^enfans, contenant que, au temps que le siège de Pontorson derrain tenu par nostre très chier et amé cousin le conte de Warrewik ( i), aucuns gens d^armes dudit siège, Anglois et autres, en eulx retournant passèrent par la parroisse de Berjou (2), en la viconté de Condé, ou bailliage de Mortaing, et firent en ladicte parroisse pluseurs grans griefs, especialement en un hamel de ladicte parroisse, nommé le hamel deCoulon, dont sont lesdiz supplians, et ilec prindrent pluseurs biensappartenansausdizsuppliansyeticeulx biens emportèrent et amenèrent avec eulx pluseurs bestaulx et firent pluseurs autres mauix et oultrages excessivement torçonnierement, par manière de pillerie etroberie, contre le gré et voulenté desdiz supplians. Lesquelz furent de ce très grandement courrouciez et merris, pour ce que sans cause et sans raison on leur pilloit, tolloit et ostoit leurs biens, dont ils dévoient vivre et gouverner eulx, leurs femmes et enfans. Et come gens cheuz en desesperacion, par temptacion de l'ennemi, partirent et se mistrent a chemin a
(i) Au sujet du siège de Pontorson, V. plus haut, no CLXIV. (i) Berjou, Orne, arr. Domfront, cant. Athis.
heure d'une lieue de nuit ou environ, pour poursuir leurs biens et cuidans iceulx trouver et recouvrer. Et en cheminant iceulx supplians trouvèrent d^aventure une charrecte chargée de pluseurs biens, harnois et autres choses, estans ensacs et en pouches, qui estoient liez de cordesen la charrecte. Lesqueiz supplians, cuidans qu^il y eust de leurs biens, assaillirent ceulx qui menoient et conduisoient ladicte charreae, sans en touchier ou ferir aucun lors. Et en ce conflict et débat advint que ledit Jouvet le Bailli, qui ne savoit riens, ne cuidoit point qu*il eust aucun enfant ou personne en ladicte charrecte, en coppant une des cordes ou Heures de quoy iceulx biens estoient liez en la charrecte, par cas de meschief et de fortune, et parce qu'il estoit nuit et que Ten n'y veoit comme goûte, frappa et bleça un enfant, natif du pais de Bretaigne, qui estoit envelopé en une robe dedans la charrecte, de Taage de viij a ix ans ou environ, un seul cop telement que mort s'en est ensuie. Et prindrent lesdis supplians partie des biens qui estoient en la charrecte etles emportèrent, en recompensacion des biens que l^en leur avoit toluz et ostez. Lesqueiz biens ainsi prinsen ladicte charrecte depuis lesdiz supplians ont renduz et restituez a Guillaume Hau- Jain, Anglois, pour estre renduz et restituez audit Guillaume et a ses compaignons, a qui Ten disoit que iceulx biens estoient. Desquelz biens ledit Guillaume Haudain print les siens, et les autres, par son ordonnance et consentement, furent bailliez en garde en l'ostel des religieux d'Argenthen, pour estre renduz ausdiz compaignons. . . Si donnons en mandement par ces mesmes présentes au bailli de {sic) et- a tous noz autres justiciers et
officiers. . . Donné a Rouen, le xiij« jour de septembre, l'an de grâce mil cccc xxij et de nostre règne le quint. Ainsi signé : Par le Roy, a la rclacion du Conseil.
J. MiLBT.
