CLXXV. — Paris, i5 septembre

Rémission à Etienne Guérard, qui, dans une taverne

tenue à Thiberville par un Anglais^ s'est pris de

querelle avec une femme de mauvaise vie et Pa

frappée mortellement d'un coup de couteau, (JJ 174,

n. 58, fol. 23 verso.)

Henry, etc. Savoir faisons, etc., nous avoir receu Tumble supplicacion des parens et amis charnelz de Estienne Guerard, filz Thomas Guerard, povre jeune homme vefve, chargié d'enfans, nagaires demourant en la parroisse de Saint-Taurin de Thiberville (i), en la viconté d'Orbec, ou balliage de Rouen, contenant comme, le lundi xvij"ie jour de décembre derrenierement passé ou environ, ledit Estienne Guerard, Thomas Lamperierc, de Saint Marc de Fresnes (2) et Marion Piel de ladicte parroisse de Thiberville, estans en Tostel Deais le Chantre, d'icelle parroisse de Thiberville, ob un certain Anglois par lui, ses gens et serviteurs faisoit fere et tenir taverne de vin, par amour et bonne compaignie, pour boire et fere bonne chiere, sans penser a aucun mal, feust survenue oudit hostel dudit Denis le Chantre et en ladicte taverne Agnès, en son vivant vefve de feu Mahieu le Chantre, qui estoit de dissolue vie, petit estât et mauvais gouvernement, qui avoit esté concubinaire à plusieurs, dont elle disoit avoir trois enfans bastars, et qui avoit acoustumé d'avoir et tenir communément en sa maison une ou plusieurs fillectes pour esbatre les compaignons, et mesmement s estoit esbatue plusieurs foiz avec et en la compaignie dudit Estienne Guerard, comme il est

(i) Thiberville, Eure, arr. de Bernay, ch.-l. de cant. (i) Saint-Mards-de-Fresne, Eure, arr. de Bernay, cant. de Thiberville.

voix et commune renomée. Laquelle Agnès, aussi comme toute esmeue, eschaufiëe ou yvresse ou autrement, meue de mauvaise voulenté et feion courage, eust adrecé son regard et sa parolle envers ledit Estienne Guerard, qui ne disoit lors riens a icele Agnès et ne pensoit a aucun mal, mais faisoit bonne chiere avec ceulx de sa compaignie; et eust dit icelle Agnès audit Estienne Guerard ces paroles ou semblables en substance : c Estienne Guermrd, truant, houllier que tu es, il est temps que tu t^en viengnes ; se tu ne t^en viens, je t^en feray bien venir ». A quoy respondi ledit Estienne ces paroles en effect : c Par Tame de mon père, je ne m^en yray ja pour toy ; je ne despens rien du tien ». Oye laquele response, ladicte Angnès, en persévérant en son mauvais courage et propos» dist audit Estienne Guerard : c Si feras maintenant, tu t'en venras ». Et se aproucha icelle Agnès dudit Estienne Guerard et de fait mist la main a lui et a sa robe, et lui donna deux ou trois coups du poing sur la teste et en plusieurs parties de son corps, et tant que pour les paroles, injures et vilennies que faisoit icele Agnes, il convint que icelui Estienne Guerard se levast de la table où il estoit assis, pour cuider évader et résister aux noises et entreprises d'icelle Agnès. Laquele Agnès, voyant ledit Estienne Guerard levé sus de ladicte table, se print au corps dudit Estienne, et ledit Estienne a icele Agnès, et se entreprindrent et tindrent telement que ladiae Agnès se escouy dudit Estienne et le gecta ou bouta contre un degré. Lequel Estienne se redreça et s^en ala seoir derechief a ladicte table ; et lui estant a ladicte table et soy sentant ainsi injurié et vilenné par icele Agnès, corne tout courroucié, dist a icelle Agnès ces paroles en cffea : < Agnès, ne te aprouchcs mais huy de moy, car par Dieu et par l'ame de mon père, se tu te aprouches

mais huy pour moy ferir, injurier ou faire aucun mal, je te donneray du coustel parmy le corps ». A quoy respondi ladicte Agnès ces paroles en effect : c Par lasainae vertu de Dieu, je nete crains riens, ne toy ne ton coustel, et te promect que je te feray destruire ou destruiray du corps ou des biens ». Et en disant ces paroles ou assez tost après, ladicte Agnès^ en persévérant en sa fureur et en son mauvais courage et propos, s'acoursa sur et a rencontre dudit Estienne Guerard et lui donna un coup de poing sur la teste ou sur son corps. Et en ce conflict ledit Estienne Guerard, moult courroucié, par temptacion de Pennemi, et comme marry des injures et vilennies que lui faisoit icele Agnès, et en soy défendant d^elle, tira son coustel en le mectant au devant et entre eulx deux, et en donna un seul coup ou corps et ou ventre d^icelle Agnès, laquele Agnès par ce moien, le lendemain qui fu jour de mardi, ala de vie a trespas. Pour occasion duquel fait et cas dessusdit, ledit Estienne Guerard. . . pour doubte de rigueur de justice, s^est absenté du pais. . . [Ledit Etienne sera puni civilement, tiendra prison fermée deux mois au pain et a Teau et paiera à l'Hôtel-Dieu dix livres parisis.] Si donnons en mandement aux bailliz de Rouen, Caux, Evreux et Caen... Donné a Paris, le xv« jour de septembre, l'an de grâce mil quatre cens et vint sept et de nostre règne le quint. Ainsi signé : Par le Conseil. G. Ferrebouc.