CLXXVII. — Paris, septembre
Rémission à Guillaume le Mire, écuyer, pour avoir tué d'un coup de vouge, lors de la représentation d*un mystère à Fauguernon, un certain Roger Christofle, ancien brigand, auquel il reprochait la mort de son père. (JJ 174, n. 67, fol. 28 recio.)
Henry, etc.. Savoir faisons, etc., nous avoir receu l'umble supplicacion de Guillaume Le Mire, escuier, et extrait de noble lignée, jeune homme de vint ans ou environ, clerc non marié, nostre homme lige et subgect,
demourant en nostre pais et duchié de Normandie, contenant que, comme après la descente oudit pais de feu nostre très chier seigneur et père le Roy d^ Angleterre, cui Dieu pardoint, un appelé Rogier Christofle, charpentier, après ce quMl se fu tenu par long temps en Tobeissance de nostredit feu père et de nous et qu'il fu abulleté et eut fait le serement en tel cas acoustumé, lui demourant en plat pais se feust départi hors d'icelle nostre obéissance et sVn feust aie rendre brigant, adhérant, complice et alié des ennemis et adverseres de nostredit feu père et de nous, avec lesquelz il eust longuement esté et firequenté tenant les bois et par lui ou ses complices ou allez eussent esté faiz pluseurs maulx innumerables et fu icelui Christofle, comme Pen dit, en la parroisse de Livet près Lisieux ( i ), oti il y eut mors vint hommes. Et par especial ycelui Christofle et ceux de sa compaignie pendant icelui temps feussent venuz de nuit en l'ostel du père dudit suppliant et par force de fraccion de huis et de fenestres et qui s*efforçoient de bouter le feu oudit hostel, feussent entrez en icelui, où fu trouvé ledit père d^iceluisuppliant, lors aagié de Ixxviij ans ou environ, qui de sa puissance et possibilité se feust défendu, et telement que en ce faisait fu féru et navré d^une lance, mais a la parfin il fîi menez par lesdis brigans es bois. Et en ce faisant prindrent et emportèrent de ses biens jusques a la valeur décent livres tournoizetplus. Et entre les mains desquelz a fine piteusement ses jours, telement que depuis ladicte prinse sa femme, qui demoura chargée dudit suppliant son filz et d^autres septenfans, ne leurs autres amis n^ont peu avoir aucunes nouvelles ou congnoissance de lui. Et soit ainsi que, long temps après ou au moins depuis ladicte
(i) Saiot-Germain-de- Livet, Calvados, arr. et cant. de Lisieux.
dampiiable prise dudit peredUcelui suppliant, ledit Chrislofle s*en soit retourné en nostre obéissance et en nostredit pais de Normandie, ledit suppliant ne scet par quele manière ne comment, et ilec se soit tenu long temps sans ce qu^il soit venu a amandement devers ledit suppliant ne autres amis de sondit feu père, ainçois se soit tousjours porté rigoureux contre eulx, nonobstant sadicte faulte et ce que dit est, et telement qu^il est avenu que, a un jour de dimenche environ la saint Jehan derrenierement passée, que ledit suppliant s'estoit disposé de jouer un personnage d^un mistere ou d^un jeu de saint, qui estoit ordonné estre joué au Fauguernon ( i ), près ou en la parroissede Moiaude (2), ledit Christofle estant ilec osta le chapperon a un prestre, qui aussi là estoit, disant qu^il paieroit le vin pour le fait d^icelui mistere. Et lors icelui suppliant dist audit Christofle quMl laissast le chapperon dudit prestre et qu'il avoit contenté et paie ledit vin qu'il lui demandoit. Lequel Christofle lui respondi qu*il n'en feroit riens et que tant plus en parleroit moins en feroit. Et pour ce icelui suppliant, veant Toultrage ou haultaineté d'icelui Christofle et lui remambrant ou souvenant de la mort de sondit feu père, qui ainsi piteusement avoit esté emmené par ledit Christofle et ses complices brigans, comme est dit, lui respondi que ce n'estoit pas le premier desplaisir qu'il lui avoit fait et qu'il avoit tué et murtry son père. Dont se meurent «grosses et rigoureuses paroles entre eulx. Et icelui suppliant, esmeuou courroucié, d'un vouge ou faucilion long emmanché, qu'il print ou trouva près de lui, frappa ledit Christofle un cop par dessus les espaules ou par la teste et un autre cop ou horion par
(1) F.)Uguernon, Calvados, arr. et cant. de Lisieuz. (a } Moyaux, Calvados, arr. et cant de Lisieux.
la jambe, dont ledit Christofle dix jours après ou environ soit alez de vie a trespassement. . . Si donnons en mandement par ces présentes a nostre bailli de Rouen.. . Donné a Paris, ou mois de septembre. Tan de grâce mil quatre cens et vint sept et de nostre règne le quint. Scellées de nostre seel ordonné en l'absence du grant. Ainsi signé : Par le Conseil. G. de Marc.
CLXXVIII. — Paris, a3 octobre 1427.
Rémission à Jean Feuillet, écuyer, pour le meurtre de Jean Chrétien, quHl a rencontré un soir sur la route (TAunou-le-Faucon à Argentan et avec lequel il s*est battu sans le connaître, le prenant pour un brigand. (JJ 174, n. 79, fol. 33 verso.)
Henry, etc., Savoir faisons, etc., nous avoir receu supplicacion des parens et amis charnelz de Jehan Feullet, escuier (i), aagié de trente a trente un an ou environ, contenant comme, le dimenche veille de la feste Nostre Dame en septembre derrain passé (2), ledit Jehan se feust parti de la ville de Faloise, en la compaignie de nostre amé et féal Robert Congnier, chevalier^ capitaine dudit lieu de Faloise et lieuxtenant de nostre très chier et amé cousin le conte de Salisbury, et d'autres pour aler a Aunou le Foucon (3) veoir la femme du bailly d'Alençon,
(i) Jean Feuillet avait fait de bonne heure sa soumission aux Anglais. Henri V l'avait remis en possession de ses biens par lettres datées du château de Rouen, le 24 février 14 19. (BRéQUiGNT, Râles Norm. et Franc,, n. 1237.)
(2) 7 septembre 1427.
(3) Aunou-le-Faucon, Orne, arr. et cant. d'Argentan.
auquel lieu il eust convoie ledit lieutenant, et ledit jour s>n retourna a Argenten et ylec coucha. Et le landemain^ qui fu ladicte feste Nostre Dame, feust retourné par devers ledit lieutenant, avecques lequel il eust esté jusques environ jour faillant, a laquele heure se parti tout seul, monté sur son cheval et s^en retourna audit lieu d^Argenten en entencion de soupper avec le capitaine dudit lieu d'Aunou. Et il soit ainsi que en son chemin ledit Jehan eust raencontré un homme a pié qui ne congnoissoit, et pour le breullat qu^il faisoit lors le povoit a peine veoir, auquel il eust demandé dont il venoit, qui lui eust respondu bien arrogamment qu^il venoit dudit lieu d'Argenten. Et aussi lui eust demandé ledit homme, qu'il a depuis oy nommer Jehan Chrestien, dont il venoit, qui lui eust dit qu'il n'en avoit que fere, et ce dit eust ledit Chrestien dit ces paroles ou semblables en substance : c Je regnie saint George, vous demourez d, en prenant ledit FeuUet par la jambe pour le vouloir fere cheoir a terre de dessus sondit cheval. Pour laquele cause ledit Feullet, doublant ledit Chrestien et que ce ne feust un brigant, feust descendu hastivement et eust laissié aler sondit cheval aval les champs, et s'entreprindrent l'un a l'autre au corps et telement se meslerent ensemble que ledit Chrestien en prenant ledit Feullet par son espée lui eust rompu la saincture d'icelle. Laquele chose veant icclui I^euUet, et pour double que ledit Chrestien ne lui ostast sadicte espée et Ten frapast, eust sachée icelc espée, et ainsi qu'ilz s'entretenoient, feust icelui Chrestien cheu a terre, et en ceste chaude cole et fureur lui eust ledit Feullet donné du pommel de sadicte espée sur la teste et le laissié en ladicte place, et après se parti et ala après sondit cheval, et sondit cheval recouvré ala couchier audit lieu d'Argenten. A l'occasion de laquele bateure et
parce que icellui Jehan Chrestien ne fù pas lors visité ne appareillié, et aussi qu'il fu et a esté petitement gouverné ou autrement, le mardi après ensuivant ou environ, ala de vie a trespassement. Et ja soit ce que depuis ce icelui FeuUet ait fait satisfacion a partie et que audevant dudit cas advenu entre lui et ledit Chrestien n'eust aucune haine ne malivolence et ne pensast aucunement a lui quant il s^en aloit sondit chemin, neantmoins il, doubtant rigueur de justice, s'est aucunement desfouy et absenté dudit pais. . . Si donnons en mandement aux bailliz de Caen et Alençon... Donné a Paris, le xxiij« jour d'octobre. Tan de grâce mil quatre cens et vint sept et de nostre règne le sixiesme. Ainsi signé : Par le Roy, a la relacion du Conseil. Oger.
CLXXVni*. — Paris, 14 novembre 1427.
Rémission à Jean Soûlas, de la Hqye-Pesnel, pour le meurtre de Jean le Badet, son voisin, dont la femme voulait r empêcher de ramasser des pommes tombées sur son héritage. (JJ 1 74, n 89, fol. 37 verso.)
Henry, etc., Savoir faisons, etc., nous avoir oyel'umble supplicacion de Jehan Soulas, povre homme laboureur de braz, aagié de xlv ans ou environ, chargié de femme et de pluseurs petiz enfans, demourant en la parroisse de la Haye-Paynel, ou diocèse de Coustances, en la viconté et bailliage de Saint Sauveur Lendelin ( 1 ) contenant comme, le vendredi xxvj^ jour de septembre derrenierement passé, ledit suppliant feust venu sur son héritage pour cueillir des pommes d^un pommier pendant sur
(i) Manche, arr. d'Avranches, ch.-I. de cant.
reritage de Jehan le Badet; et ce pendant y vint Guillemete, femme dudit Badet, demourantenladicteparroisse, en loi disant : c Laissiez a cueillir ces pommes, elles sont c nostres, car le pommier n^est pas vostre ne n'y avez c riens, combien que les pommes soient cheutes sur c vostre héritage, Tarbre est en mon héritage. » Et lors ploya son giron et commença ladicte femme a cueillir lesdictes pommes, et tant que icelui suppliant se tray par devers elle et la frappa du poing ; par quoy elle se recula bien loing. Et là estoit une jeune femme, fille dudit Badet et de ladicte Guillemecte qui commença a crier haro. Et après icelui cri de haro vindrent icelui Jehan Badet, mary de ladicte femme, acompaignié de son filz et une autre fille qui avoient en leurs mains chascun une fourche de bois, lesquelz vindrent courir sus audit suppliant et le commancerent a batre de toute leur puissance. Et quant ledit suppliant vit ce, print un baston de haie pour soy défendre et tant que de fait en son corps défendant frappa icelui Jehan le Badet sur la teste, tant qu'il y eust sang et plaie. Et après ce ledit Badet se parti de là, menassent fort icelui suppliant, et s'en retourna en sa maison où il se fist couchier. Neantmoins a l'occasion dudit cop et par ce qu*il nefu pas tost ne incontinantappareilliéou autrement, ne vesqui après que deux ou trois jours qu'il trespassa et mourut. . . Si donnons en mandement au bailli de Constantin. . . Donné a Paris, le xiiij« jour du mois de novembre, l'an de grâce mil quatre cens et vint sept et de nostre règne le sixiesme. Ainsi signé : Parle Conseil. Greslé.
CLXXVIII". — Paris, 14 février 1428 (n. s.).
Rémission à Wautier Fit:[ Wautier, chevalier anglais^ inculpé de complicité dans le meurtre d*un homme d'^armes de la garnison de Saint-Sauveur^ accusé aussi du viol d^une jeune fille et de plusieurs excès au préjudice des bonnes gens du Cotentin^ et convaincu de désobéissance pour avoir livré aux Français la forteresse de Saint-Laurent'deS'MortierSy en Anjou, dont il était capitaine, (JJ 174, n. 1 14, fol. 47 verso.)
Henri, etc., Savoir foisons, etc., nous avoir receu Tumble supplicacion de nostre amé et féal chevalier Wauter filz Wauter (i), contenant que, pour ce que, ou mois de janvier mil quatre cens vingt six ou environ, un des gens dudit suppliant nommé Guillaume Avant, eust beu en une taverne avec un nommé Foskyn, et après ce qu^ilz orent beu et mengié ensemble, paroles se meurent entre eulx, et telement que ledit Foskyn donna une buffe audit Guillaume, qui incontenant s'en vint au lieu de la Haie du Puis, distant d'ilec a une lieue, et se complaigny audit suppliant de ce que ledit Foskyn l'avoit ainsi batu. Et adonques se partirent incontinant en la compaignie dudit suppliant jusques au nombre de xl gentilz hommes et archiers; lesquelz, pour Tinjure que avoit faicte ledit Foskyn audit Guillaume, se transportèrent au lieu de Saint-Sauveur, où estoit demourant ledit Foskyn, et ba-
(i) Wautier Fitz Wautier, chevalier anglais, avait été nommé capitaine de Vire par Henri V, le 14 janvier 1421 (BRéoyiGNY, Râles Norm. et Franc. ^ n. 912). Le 10 juin 1425, un arrangement fîit conclu entre le duc de Bedford et lui au sujet de la solde et de la direction des troupes, chargées sous ses ordres de la conquête du Maine. Il prend dans ce document les titres de chevalier banneret, seigneur de la Haye-du-Puits et de la Roche-Tesson (Revue histor. et archéoL du Maine, XXV, 25o). Sa mort dut suivre de peu de
tirent et navrèrent aucuns de ceulx dudit lieu de Saint- Sauveur. Et entre les autres advint que ledit Guillaume Avant rancontra un nommé Thomas Moreau, compaignon dudit Foskyn qui l'avoit ainsi féru, auquel Thomas Moreau il donna trois ou quatre cops d^espée, dont mort s'en est ensuie en la personne dudit Thomas Moreau. Et avec ce, a l'occasion de ce que icelui suppliant print ou détint ou fist prendre et détenir une jeune fille nommée Henrie contre sa voulenté, laquele il viola ; pour ce aussi qu'il a fait ou pais de Constantin pluseurs extorcions a pluseurs personnes etsouffen ses gens pillier et desrober pluseurs de noz subgiez, qu^il ne sauroit dire ne declairer, et en oultre pour la désobéissance par lui et ses gens faicte aux gens, officiers, lettres, mandemens patens de nostre très chier et très amé oncle Jehan, régent nostre royaume de France duc de Bedford, de non rendre et délivrer la place de Saint Laurens des Mortiers (i), lors tenue par les gens dudit suppliant, contre la voulenté de nostredit oncle, icelui suppliant ait esté arresté et détenu prisonnier en nostre ville de Paris, où il est en advanture d'estre longuement et despendre ses biens et sa chevance et de entrer en grant dangier de justice a l'occasion desdis cas. . . Si donnons en mandement par ces présentes a noz amez et feaulx les gens de nostre Grant Conseil en France,
temps la délirrance de la lettre de rémission que nous publions ici. En effet, par lenre datée de Rouen le 26 février 1433 (n. s.)» Henri VI confirma le transport fait à Henry Wclton, écuycr, et Alii, ta femme, par feu Wautier Fitz Wautier, seigneur de la Hayedu-Puitt, des seigneuries de Caligny et du Thuit-Simer, confisquées lur Henry de Colombières et Jeanne Campion, sa femme, jusqu'à la valeur de 100 marcs de revenu annuel. (Cf. plus loin n. DCLXXXVllI.)
i^ Cf. au sujet de cette forteresse, n<» CXCVIII, n. i (rémission du 18 septembre 1429).
les gens de nostre Parlementa Paris, de nostre eschequier en Normandie, aux prevost de Paris, bailliz de Rouen, Caenet Coustantin. . . Donné a Paris, le xnij« jour de février. Tan de grâce mil quatre cens et vint sept et de nostre règne le sixiesme. Sigillata de expresso mandato domini R^entis. Signé : Par le Roy, a la relacion de mons. le R^ent duc de Bedford. J. de Rinel.
CLXXVIIl*»». — Paris, 3 mar» 1418 (n, s.).
Rémission à Perrin du Bois, tAveny^ serviteur de Philippot le Moine^ qui est allé dans le pays de Sées en compagnie de son maître et d^un certain Jean le Queux, et s'est rendu complice d^un vol de trois juments commis au préjudice des gens de Marmouillé et d'Almenèches. (JJ 174, n. 117, fol. 48 verso.)
Henry, etc.. Savoir faisons, etc., nous avoir receu Tumble supplicacion de Perrin du Bois, povre homme laboureur de charue, demeurant a Aveny ou bailliage de Gisors (i), contenant que, des xviij ans a ou environ, lui estant jeune enfant, il vint demourer audit Aveny avec un sien oncle nommé Mahiet Farouale, lequel oncle il servy par l'espace de dix ans ou environ. Et après, pour ce que la mère et une suer dudit suppliant y vindrent aussi demourer, il se parti d'avec sondit oncle et ala demourer avec sesdictes mère et suer par aucun temps, et jusques a ce quMl eut mariée icelle suer, que pour ce qu'il avoit grant famine ou pais, il s'en ala demourer a Marmoillé près de Seez en Normandie (2), oîi il se tint par deux ou
(i) Aveny, comm. de Dampsmesnil, Eure, arr. des Andelys, cant. d'Ecos.
(a) Marmouillé, Orne, arr. d'Argentan, cant. de Mortrée.
trois ans ou service d'un nommé Philippot le Moine, et iprès s*en retourna demourer audit Aveny ou service d'un nommé Perrin Morain, qu^ilservy par l'espace d^un an et demi ou environ. Pendant lequel temps ledit Morain bailla et laissa la ferme qu^il tenoit audit Philippot le Moine» qui estoit venu demourer audit Aveny. Pour quoy ledit suppliant, en continuant le labour d^icelle ferme, demoura avecques icelui Philippot. Et assez tost après, c^est assavoir la veille de Noël derrain passé, un appelle Jehan le Queux, qui se disoit estre du pais ou de la congnoissance dudit Philippot, maistre dudit suppliant, vint audit Aveny et se loga en l'ostel d'icelui Philippot, où il fu par trois jours ou environ. Durant lequel temps que ledit Jehan le Queux fu oudit hostel, il ne cessa de exhorter ledit Philippot qu'il alast avec lui audit lieu de Marmoilléeta Demelesche (i) près d^icelui lieu de MarmoiUé, lesquelz lieux de Marmoillé et d'Amelesche sont distans dudit lieu d' Aveny de trente lieues ou environ, pour savoir, si comme disoit icelui Jehan le Queux, s'ilz y trouveroient un homme nommé Jehan Michiel, qui de long temps devoit argent a icelui Philippot et audit suppliant, et tant le pressa qu'il se accorda de y aler. Et partirent ensemble le dimenche ensuivant ledit Noël (2) dudit lieu d'Aveny et avec eulx ledit suppliant, serviteur d'icelui Philippot, qui avant qu^ilz parteissent dist pluseurs fois a sondit maistre qu'il n'y vouloit point aler pour ce qu'il n'avoit point dWgent et que une autre foiz il fcroit plus seur y aler et qu'il auroit plus d'argent, il yroit quérir son paiement de ce que on lui devoit ou pays. A quoy lesdis Philippot et Jehan le Queux lui respondirent qu'il convenoit qu^il y alast, et ilz paieroient ses despens,
(i> Almenêchei, Orne, arr. J'Argcntan. cant. de Mortrée. (a) a8 décembre 1427.
et que aussi bien ne feroit il riens durans les festes dudit Noël, en lui disant oultre teles paroles ou semblables : « Tu dois servir ton maistre, nous achèterons du bestail, tu nous aideras a le amener. » Pour lesqueles paroles icelui suppliant, cuidant bien faire, pour obéir a sondit maistre, y ala avec eulx. Et le jour de Tan ensuivant, au soir, arrivèrent audit Marmoillé où demouroit ledit Jehan Michiel, debteur desdis Phîlippot et suppliant. Et quant iiz furent près de Tostel d*icelui Jehan Michiel, ledit Jehan le Queux fist arrester lesdis Philippot et suppliant es jardins, pendant ce qu'il yroit et que de fait il ala escouter a Tuis d'iceiui Michiel, où il oy quMl y avoit gens d'armes anglois logiez. Si retourna audit Philippot et lui dist qu^il ne faisoit pas bon aler en icelui hostel pour double desdictes gens d'armes. Et ce fait, iceulx Jehan le Queux et Philippot parlèrent et conseillierent ensemble a part, et leur oy ledit suppliant dire que ce seroit grant faulte a eulx d'estre venuz de si loing sans riens fere, et que ledit Jehan le Queux savoit bien où ilz auroient en ladicte ville une jument. Et de fait se partirent d^ilec iceulx Philippot et Jehad le Queux, delaissié ledit suppliant esdis jardins, auquel tantost après ilz amenèrent une jument, en lui disant : « Tien, garde cecy. » Et d*ilec s'en alerent tous ensemble jusques es jardins de ladicte ville d'Amelesche, joingnant de la parroisse dudit Marmoillé. Esquelz jardins ilz firent actendre ledit suppliant jusques à ce qu'ilz eussent esté et que de fait ilz furent en icele ville d'Amelesche, dont tantost après ilz retournèrent sur deux autres jumens et firent icelui suppliant monter sur celle que baillée lui avoient a garder. Et en retournant dudit pays chevauchèrent toute la nuit, et au matin du lendemain arrivèrent en une ville nommée Monte-
reul (i), distant d'ilec de huit liejies ou environ, oti ils se levèrent pour desjeunner et repaistre. Et lors ledit suppliant pensa en soy mesmes que ou fait desdis Philippot et Jehan le Queux avoit mal, et doubta par les conjectures qu^il avbit vues, qu'ilz eussent emblé lesdictes jumens. Et pour ce se délibéra de laissier et de fait laissa leur compaignie, en disant a icelui Philippot, son maistre, teles paroles ou semblables : « Mon maistre, vous créez Jehan le Queux; il me semble que ce n'est pas bien fait, et ne vueil plus estre avec vous. Adieu vous dy et vous laisse la jument que vous m^avez baillée ! > Et de fait s^en vint de pié droit audit lieu d'Avcny. Et deux ou trois jours après, sondit maistre vint a icelui lieu d'Aveny sur Tune desdictes jumens ; lequel maistre avecques icelle jument furent suys et prins par justice. Et a depuis sceu ledit suppliant que après et incontinent qu^il se fu departi audit lieu de Monstereul d^avec lesdis Philippot et Jehan le Queux, icelui Jehan le Queux^ doubtant son larrecin estre découvert, se destourna et laissa la jument qu'il avoit ilec amenée, laquele et celle que ledit suppliant y avoit laissée furent depuis rendues a ceulx a qui elles avoient esté emblées, et que ledit Philippot s'estoit eschappé atout la sienne et avoit esté suivy et prins et icelle jument par lui amenée semblablement rendue a celui a qui elle avoit esté emblée. Et combien que onques ledit suppliant n'eust voulenté de ferc ne avoir fait lesdis larrecins et au temps d'iceulx en feust ignorant et ce qu'il taisoit feust en obéissant a sondit maistre, lequel il laissa incontinent qu*il s*en apperceut. . . et aussi aient esté et soient lesdictes jumens restituées a ceulx a qui elles estoient,
/i) Sans doute Monireuil-rArgillé, Fure, arr. Je Bcrnay, cant. de Brot^Jie.
ou larrecin desqueles il n^eust onques coulpe ne toulenté, ce non obstant il s'est absenté du pays, où il n'oseroit bonnement retourner pour doubte de rigueur de justice... Si donnons en mandement par ces présentes au bailli de Rouen et des ressors et exempcions de Gi-
sors Donné a Paris, le tiers jour de mars. Tan de
grâce mil quatre cens et vint sept et de nostre règne le sixiesme. Ainsi signé : Par le Roy, a la relacion du Conseil. Ogbr.
