CXCIII. — Paris, 7 février 1429(11. s

Rémission à Jean Du Bois, serviteur de la dame d'O, pour avoiry de complicité avec Jouvet du Buisson et Jean Lamy^ dérobé plusieurs biens à sa maîtresse et pour avoir Jait le guet à Vextérieur de Véglise d'Oy pendant que ses compagnons volaient d^importantes sommes d^argent cachées à Vintérieur, (J J 1 74, n. 2 7 1 , fol. 120 recto.)

Henry, etc.. Savoir faisons, etc., nous avoir receu fumble suppiicacion de Jehan du Bois, povre simple homme, chargié d'enfans, contenant comme, pour le temps que icellui suppliant et Jouvet du Buisson estoient serviteurs de dame Alips, dame de O et de Brieuse (i),

(t) Briouze ou Bnouze-Saint-Gervais, Orne, arr. Argentan, ch.-l. de cant. — O, com. de Mortrée, Orne, arr. Argentan, ch.-l. de cant.

ilz eussent prias en la maison d^icelle dame environ xiiij boisseaux que d^orge que de froment, que ilz vendirent pour boire en compaignie, et en faisant ses besongnes. Et puis un an ença ou environ, ledit Jouvet du Buisson et Jehan Lamy, son nepveu, feussent venuz quérir par pluseurs foiz ledit suppliant en sa maison, faingnans que ilz le voulsissent mener chacer au bois aux taissons ( i ), et tant firent qu*il y ala. Et lui estant avec eulz oudit bois, lui dirent qu^il convenoit que il alast avec eulx en certain lieu où ilz savoient bien qu'il y avoit grant finance. Lequel suppliant simplement, et aussi qu'il ne les eust alors bonnement osé contredire, leur demanda où c^estoit. Lesquelz lui dirent que c'estoit dedans Teglise de O. Et le vouldrent iceulx du Buisson et Lami faire entrer dedans icele église. Laquele chose il ne voult pas faire ne touchier a icele église, mais demoura dehors ; et entrèrent iceulx du Buisson et Lami dedans, où ilz prindrent et desserrèrent cinquante quatre pièces d'or, c^est assavoir trois saluz, huit moutons, un quart de noble etledemourant en escuz d^or, qu^ilz trouvèrent muciez en terre en icele église dedans une salière d^estaing, appartenant a icele dame de O, ou a son chappellain et serviteurs, lesquelz icelui Buisson savoit bien, comme il semble audit suppliant. Prindrent avec ce en ladicte église en une boiste de bois trois escuz d^or et environ trente solz tournois en monnoie, appartenans, comme on dit, a Robert Gassé, prestre, chapelain de ladicte église de O. Prindrent avec ce en une aultre place en ladicte église une pinte d'estaing, pleine de monnoie de blans doubles, de dix

(i) La chasse aux taissons, ou blaireaux, était très fréquente au Moyen-Age. A considérer le grand nombre de lieux dits qui rappellent ce nom, il semble que ces animaux étaient plus nonibreux alors que de nos jours en Normandie.

deniers tournois la piecCi et aussi en une huche dix huit pains blans, du pris de deux deniers tournois la pièce. Et ce fait, issirent iceulx du Buisson et Lami de ladicte église, et rompirent une verrière d'un des costez de ladicte église, afin que on cuidast que ce eussent fait aucuns briganSy qui eussent desrobé ladicte église, et trouvèrent ledit suppliant dehors, qui les ttendoit, et ne s'en estoit oaé aler. Auquel ilz dirent telz mots ou semblables en substance : c Fuions nous en, nous avons de la chevance assez >. Ausquelz ledit suppliant, comme tout esfraié et courroucié de ce, dist qu'il ne s^en fuiroit point. Et quant ilz lui oirent ce dire, oultre son gré et voulenté lui baillèrent huit frans en monnoie et dix huit pièces d^or, c^est assavoir xiiij escuz d'or, un salut, deux moutons et un quart de noble, avecques encores un escu en or, et environ dix solz tournois en monnoie ; laquele icelui suppliant print par crainte et double que, se il ne Peust prise alors, qu'ilz le peussent avoir tué, et aussi en ferme propos et voulenté, lui estant hors dedangier, de rendre et restituer icele finance aux panies a qui il pourroit savoir qu'elle ai^niendroit. Et, ja soit ce que de son propre mouvement et sans contraincte, tantost qu'il fu hors de leur dangier, et avant que la viij°* feust passée et qu'il trouva son point, le plus secrètement et honnorablement qu'il a peu, il ait faicte restitucion a partie, excepté seulement d'un escu et un mouton d'or, et environ six solz tournois de monnoie que il lui convint neccessairement despendre en la coropaignie et avec les dessusnomez, avant qu'il peust ne osast soy séparer ne départir d*eulx, neantmoins, a Poccasion des fais et cas dessusdis et doublant rigueur de justice, il s'est absenté et rendu funif du lieu. . . Si donnons en mandement par ces mesmes présentes au bailli d'Alenfon... Donné a Paris, le vije jour de février. Tan de

grâce mil quatre cens et vint huit et de nostre règne le septiestne. Seellées de nostre seel ordonné en Tabsencedu grant. Ainsi signé : Par le Conseil. Ogbr.

CXCIH*. — Paris, 12 février 1429 (n. s.).

Rémission à Guillaume Choisnety marin des faubourgs de Caudebec^ pour le meurtre de Jean Chambellan, dit Labbé, de Sainte^CroiX'^ur^Ai^ier, son cousin germain^ qui, en dépit du marché conclu entre eux, refusait de labourer une pièce de terre appartenant audit Guillaume. (JJ 174, n. 273, fol. 121 recto.)

Henry, etc., Savoir faisons, etc., nous avoir 07 Tumble supplicacion de Guillaume Choisnet, marinier, aagié de xxxvj a quarante ans ou environ, povre homme chargié de femme ençainte preste d^acouchier et de iiij petiz enfans, demourant a présent es forbourgs de la ville de Caudebec, contenant que en l'an mil quatre cens dix huit ou environ, ouquel temps il estoit demourant en la parroisse de Sainte Croix soubz Aisié (i), ou diocèse de Rouen, il et Jehan Chambellan dit Labbé, de ladicte parroisse de Saincte Croix, et lequel estoit cousin germain dudit suppliant, firent certain marchié entre eulx, par lequel ledit Chembellan promist et fu tenu de labourer les terres et héritages dudit suppliant pour certain pris et somme d'argent convenu entreulx. Sur quoy il receut des lors d*icelui suppliant certaines erres. Mais ce nonobs^ tant, ledit Chambellan ne tint ne acompli pas sa pro' messe dudit marchié, ains laissa lesdictes terres dudit

(I) Sainte-Croix-sur-Aizier, Eure, arr. de Pont-Audemer, cant. de Qptllebeuf.

suppliant a labourer, ja soit ce qu'il le acceptast et en print erres, comme dit est, ot tant que par la faulte dudit Chambellan elles demourerent sans labour pour icele année, en quoy icelui suppliant ot grant dommaige et de ce fil moult intéressé et par ce doulent et courroucié. Et advint que aucun temps après, ledit suppliant, en passant son chemin pour aler veoir sesdictes terres, eust veu aux champs ledit Chambellan, qui labouroit une pièce de terre autre que celle dudit suppliant et en délaissant les siennes a faire, qu'il avoit promis a labourer comme dessus est dit. Par devers lequel il feust aie et lui dist pour quoy il ne lui acomplissoit sondit marchié et ne labouroit sesdictes terres aussi bien que les autres, actendu les erres dessusdictes ; et sur ce eussent eu pluseure paroles ensemble, et tant que icelui suppliant, doutent et courroucié comme dessus est dit, de chaude cole par ce que ledit Chambellan lui respondoit orgueilleusement et malgracieusement, eust sachié son espée qu'il portoit aval les champs et du plat d*icelle espée lui donna un cop sur les espaules. Et adonc ledit Chambellan se retourna et print un baston dont il chassoit ses chevaulx et en donna audit suppliant un cop par la teste, telement que il cheut a terre. Et depuis se releva ; et lui relevé, doubunt que ledit Chambellan ne recouvrast de rechief sur lui, en eulx entretenans et combatant Tun contre Tautre, lui donna ledit suppliant du trenchant de sadicte espée un cop par le jarret de Tune de ses jambes, et cheurent a terre ensemble l'un sur Fautre, car en vérité il n'avoit pas entencion de le tuer ; et en eulx combatant et donnant l'un a Pautre pluseurs horions. Et ces choses ainsi faictes, laissa ledit suppliant ledit Chambellan oudit champ sans lui fere autre mal; et tantost après fut mené en son hostel par aucunes gens de ladicte ville. Et depuis

ÏÎ4

ledit cas ainsi advenu, vesqui par Tespace de cinq mois ou environ, au bout desquelz cinq mois il ala de vie a trespassetnent. Et neantmoins ledit suppliant ne parti depuis le pais mais y a tousjours demouré et encores demeure en bonne paix, sans ce que aucune chose on lui en ait demandé par justice ne autrement, et jusques a ce que puis nagaires par aucuns ses hayneux a esté fait citer contre office. Pour cause et occasion duquel fait et cas ledit povre suppliant doubte de ce estre durement traictié et molesté... [Six livres à payer qui seront distribuées par Taudiencier et un mois de prison au pain et a Peau]. Si donnons en mandement aux bailliz de Rouen et Caux... Donné a Paris, le xij* jour de février, Tan de grâce mil quatre cens et vint huit et de nostre règne le septiesme. Seellées de nostre seel ordonné en Pabsence du grant. Ainsi signé : Par le Con^il. Oger.