CXCV. — Paris» 4 avril

Rémission à Jean et Colin le Souldaier, de Saint- Laurent'de^Cuves, pour le meurtre de Jean Guillart, qui s^opposait au passage de leur charrue sur une pièce de terre lui appartenant, (JJ 174, n. 294, fol. 129 recto.)

Henry, etc., Savoir faisons, etc., nous avoir receu l'umble supplicacion de Jehan le Souldaier, chargié de femme et d'enfans, et de Colin le Souldaier, son frère, povres laboureurs de la parroisse Saint Laurens de Cuves (i), contenant comme, environ le viij^ jour de juillet derrain passé, lesdiz supplians pour fere leur labour atthelerent et ordonnèrent leur charue de telz harnois de beufs comme ilz avoient et se mistrent a chemin pour aler avec leurdicte charue labourer en une pièce de terre a eolz appartenante. Et en alant entrèrent en une pièce de terre, appartenant a Guillaume Guillart et a Jehan son filz, quHlz avoient acquise de Jehan le Souldaier, oncle desdiz supplians. Par laquele pièce de terre iceulx supplians avoient droit de voie [>our aler et venir labourer leurdicte terre avec leurs charues et charrectes, ainsi qullz le portent par lettres. Et comme ilz furent entrez en ladicte pièce de terre appartenant ausdis Guiliars, en alant leur chemin a leurdit labour, lesdiz Guillaume et Jehan diz Guiliars, eschauffez et meuz en mauvais et grant courage et ardeur, temptez de Tennemi, survindrent rigoureusement et en grant fureur ausdiz supplians, et estoit ledit Guillaume garny d'un baston et ledit Jehan avoit un coustel sacqué hors de la gayne, lequel il tenoit en son poing tout nu. Et lors lesdiz Guiliars chaudement

ft) Saint- L4iurent-de-Cuves, Manche, arr. Mortain, cant. Saint- PoU.

et de courage merry demandèrent ausdiz supplians qui avoit ce fait, qui par ylec avoitcharié. Lesquelz supplians leur respondirent moult doulcement que s^avoientilz bit et que ilz y avoi[en]t droit de charier et passer pour leordit labour et ne les y devoit on empeschier. A quoi lesdiz Guîllars leur respondirent en ceste manière : c Vous n^y passerez point ; nous l'avons acquise devostre oncle >. Et lesdiz supplians leur distrent : « Il ne nous chault de vostre acquisicion, car nous y avons droit de voie et le porton par lettre ». Et de rechief lesdis Guillars jur^ent l'un par le ventre Dieu et l'autre par la teste au benoist fils de Dieu quMlz n^ passeroient point. Et lesdiz supplians, en gardant leur droit et possession, distrent que si feroient, et se vouldrent mectre a chemin de aler a leurdit labour. Lesquelz Guillars distrent derechief ausdiz supplians : « Vous mentez comme garçon, vous n^ avez nul droit et n^y passerez point >. Et adonc lesdiz supplians respondirent : « Nous ne sommes point garçons ; vous mentez comme villains de ce dire ». Et lors ledit Jehan Guillan, garny dudit coustel tout nu en son poing, vint audit Jehan le Souldaier et le frappa durement par derrière des poins, telement qu^il le fist aler bien loing de lui ; et bientost se retourna ledit Jehan Guillart en persévérant en son mauvais propos pour venir courir sus avec ledit coustel audit Colin le Souldaier qui tenoit et gardoit ledit harnois de beufs, sans nul mal faire ne dire. Et quant ledit Jehan le Souldaier vit ledit Jehan Guillan aler droit a sondit frère, le coustel ou poing, doublant qu'il le voulsist tuer, pour ce que c'estoit un homme de divers courage^ qui en sa fureur faisoit moult a doubter, print un petit baston qui soustenoit les mancherons de la charue, et pour garder que sondit frère ne feust occis par ledit Jehan Guillart dudit coustel qu^il

avoit tout nu ou poing, et venoîttout droit a sondit frère, lui en donna un coup par la teste au dessus de Poreille senestre dudit baston, dont il n'issit point de sang ; et cheut ledit Jehan Guillarta terre sur le costé, et depuis se releva et vint derecbief ausdiz hamois de beufs, et assez tost après se assist a terre et ilec fina ses jours. Et doublent lesdiz supplians que, a Toccasion dudit coup, et pour ce que autresfoiz avoit esté blecié en la teste et ou corps et grandement navré par un nommé Robin RouUandin, la mort se soit ensuie en la personne dudit Jehan Guillart... Si donnons en mandement par ces présentes au bailli de G>ustantin. . . Donné a Paris, le iiij* jour d'avril. Tan de graoe mil quatre cens et vint neuf, après Pasques, et de nostre règne le septiesme. Ainsi signé : Par le Roy, a la reladon du G>nseil. Oobr.