CCIX. — Paris, 19 avril 143a. (n. s

Rémission à Pierre Hamelin^ sergent dTune des par* lions de la sergenterie du Val de Saire, coupable d* avoir falsifié et grossi d^ environ vingt livres tournois le rôle des amendes de la vicomte de Valognes pour le terme Saint-Michel j 42y . (JJ ijS, n. i23, fol. 38 verso.)

Henry, etc.. Savoir faisons, etc., nous avoir receu Tumble supplicacion desparensetamiscbamelzde Perrin Hamelin, nagaires sergent d'une des porcions de la sergenterie du Val de Sere en la viconté de Valongnes soubz Robin le Coq, sergent ordinaire d^icelle sergenterie, povre bomme chargié de femme et de pluseurs enfans, contenant comme pour cueillir et faire venir ens les amendes d'icele viconté du terme saint Micbiel qui fu l*an mil CCCC XXVI 1, certain rôle signé de Lyon Baudouyn, lieutenant gênerai du viconté dudit lieu de Valoingnes, eust esté baiilié audit Hamelin. Et après ce que ledit Hamelin, qui est jeune, de Taage de xxviij ans ou environ, Teust receu, considérant que il avoit moult

grant peine a fere venir ens lesdictes amendes et que les personnes nommez oudit roule estoient plus contens et se plaindroient moins de paier chascun xij deniers ou deux solz oultre et par dessus les dictes amendes que de paier le salaire desdis sergens, par temptacion de Pennemy, par son ignorance ou autrement, fu meu de faire et de fait fist et escrivy de sa main un autre roule et baulsa sur aucunes desdictes personnes nommées en icelui roule le uux ausquelz ilz estoient assis et y mist autres personnes qui n'estoient point oudit roule a lui baillié, et le creust de vint livres tournois ou environ, et contrefist le seing manuel dudit lieutenant dont icelui roule estoit signé. Et ce fait, icelui Hamelin doubla partie dudit roule ainsi contrefait en son papier et bailla ledit roule a un nommé Perrin Trois Solz, aussi sergent d^une autre porcion d'icele sergenterie, pour icelui mectre a execucion, et lui dist que c'estoit le roule qui lui avoit esté baillié par ledit lieutenant. Et il soit ainsi que, pour ce que ledit Hamelin oist dire que icelui Trois Solz se faisoit paier du contenu oudit roule et que le peuple s'en plaingnoitet disoit qu'il n^estoit pas bon, ledit Hamelin, qui encores n'avoit aucune chose receu a son proufit ne autrement de chose qu'il eust haulsé ou escript oudit roule, et soy repentant de ce qu'il avoit fait, ala par pluseurs foiz devers ledit Trois Solz lui demander ledit roule pour le casser et adnuUer, afin que plus ne feust exécuté ne monstre. Lequel respondi audit Hamelin qu'il alast en son hostel le jour NostreDamedes Advens(i) lors ensuivans oudit an mil CCCCXXVIll, ctilzyroient quérir ledit roule en Tostel d'un appelle Jehan le Baus-

(i)La Notre Dame des Avents est la fête de Tlmmaculée Conception de la Vierge, 8 décembre .

cage, qui le avoit pris et mis en sa coqudacbe ( i ). Lequel Hamelin y ala ledit jour au soir, mais ledit Trois Solz lui dist qu'il n'y povoit aler jusqnes au lendemain au matin et qu'il retournast et ilz yrolent. Pour quoy ledit Hamelin, désirant de tout son cuer de adnuller icellui roule, retourna le lendemain et alerent eulx deux ensemble en Tostel dudit Bauscage, lequel ilz ne trouvèrent point. Et atant se départirent, et s^en ala ledit Hamelin aux assises dudit lieu de Valoingnes, que tenoic le bailli de Coustentin. Pardevant lequel bailli ledit Hamelin fu mandé esdictes assises; auquel nostre advocat, a qui avoit esté baillié ledit roule ainsi contrefait, demanda en jugement se c'estoit le roule par vertu duquel il levoit et cueiiloit lesdictes amendes pour ledit terme saint Michiel. Lequel Hamelin, tout espoventé, esmeu et honteux après ce qu'il ot veu ledit roule, dist et afferma par son serement que onques mais il n*avoit veu icelui roule. Pour occasion duquel cas, icelui Hamelin fu lors détenu prisonnier es prisons dudit lieu de Valoignes ; esqueles, après ce qu'il y ot esté par l'espace de douze sepmaines ou environ, doubtant estre durement traictié et de finir misérablement ses jours en grant peine et douleur et que sesdiz povres femme et enfams feussent destruiz et mandiens, ap[>erceut l'uis d'icelle prison ouvert et s'en yssi hors environ heure de vespres et s'en ala hors dudit bailliage en lieu toutesfoiz a nous obéissant.. . Si donnons en mandement... au bailli de Coustentin... Donné a Paris, le xix« jour du mois d'avril. Tan de grâce mil CCCCXXXI avant Pasques et de nostre règne le dixiesme. Ainsi signé : Es requestes tenues par vous,

(i) î.a coqueluche était un bonnet en forme de capuchon ou d*aumutsc. Cette coiil'ure n*était point réservée, comme l'a cru Godefroy, aux ecclésiastiques. (Gay, Glossaire archéologique, 1, 420.)

esqueles les evesques de Beauvais, de Noyon et de Paris, le chastellain de Beauvais, le Premier Président et pluseurs autres estoient. J. Thibssart.