CCXXV. — Rouen, 24 mmrs 1433 (n. t

ission à Robin Le Longuet, boucher de la paroisse de Lieusaint, qui, manquant d'argent pour s^acquitter d'une dette de six livres tournois envers Jean de Hennot, dit Colomby, et pour payer les frais de ses noces^ s'est emparé de deux bœufs errant dans la forêt de Brix et les a vendus â Montebourg. (JJ. 175, n. 232, fol. 75 verso.)

Henri, etc.. Savoir faisons, etc., nous avoir oye Tumble supplicacion de Robin le Longuet, de la parroisse de Lieui Sains 1 1 ), es bailliage de Coustantin et viconté de Valoingnes, simple homme bouchier, aagié de xxv ans ou environ, chargié de jeune femme, contenant que, puis deux ou trois mois ença ou environ, ledit suppliant, Godefroy et Raoul les Longuetz, ses frères, et Robine leur mère, se sont trouvez ensemble en certaine nuit, dont il n'est recors. Et en parlant de leurs besoingnes et affaires, entrèrent a parier comme ilz pourroient finer a Jehan de Hennot dit Colombie, qui avoit sur ledit suppliant un gaige ou obligacion montant à la somme de six livres tournois, a cause de ce qu'il avoit plegié Simon Marie de ladicte somme envers ledit Hennot, et si y avoit encores a cause de ce certains despens ; de laquele somme et despens icelui suppliant avoit tousjours cuidié que ledit Simon le delivrast envers icelui Hennot, come tenu y estoit. Et disoient entre eulx ledit suppliant et sesdiz mère et frère qu'il convenoit faire grans fraiz et mises tant pour les nopces d'icelui suppliant, qui avoit nagaires fiancée femme et estoit le terme près de espouser, comme autrement. Et toutesfoiz doubtoient que ledit Hennot les

(1) Lieusaint, Manche, arr. et cant. de Valognes.

fist exécuter pour ladicte somme, non obstant quMlz n^eussent de quoy faire lesdiz fraiz et mises ne dont ilz se peussent acquitter ; et ainsi se complaignoient les ungs aux autres. Lequel Raoul, frère dudit suppliant, leur dist qu'il avoit en la forest, vers Peaue de Clere ( i ), un beuf esgaré et qu^il avoit demandé a aucuns des pasteurs ou bergiers qui gardoient les bestes a qui il estoit, lesquelz lui avoient dit qu^ilz ne savoient. Pour quoy commencèrent a dire qu'ilz l'auroient et le yroient quérir et que se il venoit a congnoissancea qui ilfeust ilzlerendroient. Et sur ce prindrent terme que le mercredi ensuivant, ledit Raoul yroit quérir ledit beuf, et ledit suppliant le jeudi ensuivant yroit au soir au devant de lui en ladicte forest. Et ainsi le firent et admenerent ledit beuf en leur hostel et ylec le tuèrent et en fu la char mengée aux nopces dudit suppliant. Lequel après ce en vendi le cuir au marchié a Montebourg (2), le prix et somme de xix s. vij d. t. Et XV jours après ou environ ledit cas ainsi advenu, ledit suppliant et ledit Godefroy, son frère, temptez de Tennemi, voians qu'ilz ne povoient avoir de quoy eulx acquicter audit de Hennot, alerent en ladicte forest et en icele prindrent un autre beuf, qui appartenoit a certaines gens nommez les Mesnagiers. Lequel beuf ledit suppliant, qui est bouchier, comme dit est, tua et le porta vendre audit lieu de Montebourg et icelui distribua ainsi qu'il peust a pluseurs personnes, dont il receut les deniers unt de la char come du cuir, et valoir bien icelui beu

(1) La carte de TEtat-Major mentionne encore deux lieux dits de ce nom, la Petite-Claire et le MouIin-de-Claire, sis commune de Brix (canton de Valognct), prêt du hameau appelé le Lieu- Jourdain, à gauche de la route nationale de Paris à Cherbourg. La forêt dont il est question ici ne peut £tre que la forêt de Brix.

(a) Manche, arr. de Valognes, ch.-l. de cant.

Ix s. t. ou environ. Et il soit ainsi que depuis lesdiz cas ainsi faiz et commis par ledit suppliant et sesdiz frères, il soit venu a leur congnoissance que lesdiz deux beufs appartenoient ausdiz Mesnagiers. Pour laquele cause» recongnoissant leur meffait et pechié, voulans aussi de ce fere restitucion comme raison estoit et est, leur en ait ledit suppliant fait satisfacion et paiement et tant quUlz en sont contens, mais ce non obstant pour ce que lesdiz faiz et cas sont venuz a notice de justice, ilz doubtent la rigueur d'icele justice. . . Si donnons en mandement au bailli de G)ustantin. . . Donné a Rouen, le xxiiij^ jour du mois de mars, Tan de grâce mil CCCCXXXII et de nostre règne le xj^*. Ainsi signé : Par le Roy, a la relacion du Conseil. Oger.