CCXXVI. — Therouanne, 4 avril 1433 (n. s
Rémission à Jean Hauce, du pays de Hollande, pour plusieurs actes de brigandage par lui commis pendant le siège de Louviers par les Anglais. (JJ 175, n. 245, fol. 82 recto.)
Henry, etc., Savoir faisons, etc., nous avoir receu Tumble supplicacîon des parens et amis charnelz de Jehan Hauce, homme d'armes a cheval, aagié de xl ans ou environ, natif du pays de Hollande, nostre homme lige et subgiet, contenant que corne, alors que derrenierement nostre ville de Louviers estoit occuppée par nez ennemis et adverseres durant le siège mis et ordonné de par nous devant ladicte ville (i), ledit Hauce, lors de la garnison de nostre ville d'Evreux, et autres de sa corn-
(i) V. plus haut p. 157, n. i.
paignie, se feussent paniz dHcelle ville d^Evreux par pluseurs foiz ea querant leurs advantages, come hommes d'armes ont acoustumé de faire en tel cas. Et a Tune d*iceles foiz eussent trouvé le bastard du Homme, lors demourant a Heudreville ( i ), qui aloit audit lieu de Lou- ▼iers, lequel ilz eussent arresté et tant fait que icelui bastard, pour estre délivré, leur eust promis paier cinq saluz d'or, dont il leur en eust paie présentement ung, et duquel icelui Hauce en eust eu pour sa porcion vij s. t. A l'autre foiz, durant ledit siège de Louviers, ainsi quUlz aloient vers les parties d'Ailli (2)^ eussent rencontré le herault Paluel, renommé de reciter et administrer vivres a nosdiz adverseres; pour laquele cause ilz eussent prins ; et pour estre hors de leur main leur eust promis paier iiij saluz d'or, dont il ne leur eust paie que ung. Et une autre foiz, se feussent partiz dudit siège et alez à Ambe- ▼07e (3) en l'ostel d'un nommé, du nom duquel icelui Hauce n'est pas recors, où ilz eussent prins un caque de vin, qui eust esté beu audit siège ; et pour recompensacion de ce eussent baillié audit homme une queue vuide, dont il eust esté content. Et a une autre foiz feussent alez vers la Liegue (4), prins et emporté un porc en Tostel d'un bon homme, dont ledit Hauce ne scet le nom, lequel porc eust esté aprisagié a xxx s. t. et eust esté mengié audit siège. Et après ledit siège feussent entrez en icele ville de Louviers et eussent trouvé deux prestres avec deux femmes, desquelz ilz eussent eu Ix s. t., dont ledit Hauce en eust eu x s. t., et avoi ce en icele eussent eu de
(1) Heudreville-tur-Eure, Eure, arr. de Louviert, cant. de Gaillon .
(2) AUI7, Eure, trr. de Louviers, cant. de Gaillon.
(3) AubeToye, Eure, arr. de Louviers, cant. de Gaillon.
(4) LaLiègue, commune d'Autheuil, Eure, arr. de Louviers, cant. de Gailloa.
la poullaille et du poisson, dont ledit Hauce ne ceulx de sadicte compaignie n^eussent aucune chose paie. Lesqueles choses sont venues a congnoissance de nostre justice et mis par noz officiers prisonniers en noz prisons audit lieu de Louviers et depuis admené en noz prisons du Pont de TArche... Si donnons en mandement par ces mesmes présentes au bailli de Rouen. . . Donnés Therouenne,leiiij*jourd'avril, l'an degrace mil CCCCXKXII et de nostre règne le x\^^. Ainsi signé : Par le Roy, a la relacion du Conseil. Oger.
