CCXXIX. — Paris, i8 juillet

Rémission à Colin Descharpy, de La Forêt-Auvray, qui, enfermé dans les prisons de Falaise à cause de ses relations avec les brigands^ s^en est évadé à deux reprises et y a été ramené une troisième fois par les Anglais. (JJ 175, n. 243, fol. 81 yerso.)

Henry, etc.. Savoir bisons, etc., nous avoir receu Tumble supplicacion de Colin Descharpy, povre simple homme aagiéde .1. ans ou environ, demourant en la parroisse de la Forest ( i ) en la viconté de Faloise, chargié de femme et de neuf petiz enfans, contenant comme il ait tousjours demouré en ceste obéissance en ladicte parroisse, qui est lieu de boscage et pais de brigans, où souventes foiz iceulx brigans et autres no2 ennemis frequeo' tent et loing de bonne ville et forteresse. Et soubz umbre que les Anglois ou fiutres gens lui meissent assus et imposèrent que il avoit conseillié, conforté ou favorisié lesdis brigans, ce que non a son povoir, mais bien est vray que ledit suppliant demourant en boscage, loing de bonne ville et forteresce, comme dit est, lui a aucunes foiz convenu consentir et malgré lui que lesdis brigans aient repeu, beu et mengié en son hostel, dont aucunes foiz quant il povoit s'enfuioit mussier au bois et autrefoiz n*avoit pas loisir de s'enfuir et convenoit qu'il demourast avec lesdis brigans ; lesquelz par pluseurs foiz lui avoient fait paier rançons d^argent, chevaulz et autres choses qu*ilz povoient prendre sur lui, et lui convenoit ainsi souffrir, voulsistou non, pour ce qu^il ne savoit où aler pour lui vivre, sa femme et enfans sinon par son labour et de son héritage, assis audit lieu de la Forest ;

(1) La Forêt- Auvray, Orne, arr. d* Argentan, cant. de Putangea.

ouquely pour doubte qu^ilz ne le murdrissent, lui a convenu souffrir mainte peine et durté, tant pour doubte de mort corne pour avoir sa povre vie et de sa femme et enfans; iceuiz Anglois le menèrent prisonnier en nos prisons a Faloise» esqueles il fu le temps et espace de six mois ou environ sans lui ouvrir voie de justice. Laquele prison durant» furent admenez et mis prisonniers avec ledit suppliant aucuns brigans, entre lesquelz avoit un larron qui estoit condampné a mort et un nommé Michiel Fauvel, lequel avec ledit larron condampné se descendirent par un trou des chambres aisiées desdictes prisons au fons et par ce trou eschaperem jusques au nombre de sept prisonniers, dont ledit suppliant fu l'un, qui oultre ion gré se y consenti, et pour doubte qu'ilz ne le meisaent a mort ; et lui yssu s'en ala en son hostel sans aler autre pan et sans ce qu'il feust oncques aidant, confortant et favorisant ne en compaignie d'aucun brigant pour fere ne porter dommaige a personne quelconque en quelque manière. Pour lequel cas il fu reprins et ramené esdictes prisons et obtint noz autres lettres de grâce et remission, a lui octroiées ou mois de may Tan mil CCCCXXV, corne par iceles ces choses et autres l'en dit plus a plain apparoir. Lesqueles lettres ainsi par lui obtenues furent présentées a nostre bailli de Caen et requis Teffect et entérinement d'iceles, et avoit sur ce a comparoir a un certain jour es assises de Faloise. Auquel jour il fu prins par aucuns Anglois et mené oultre la ville de Messy (i), a vij lieues ou environ de Faloise, oultre son gré et plaisir. Par quoy il n^avoit peu venir a temps ausdictes assises de Faloise et par ce fu mis en default et depuis remis es prisons audit lieu de Faloise, esqueles il

(i) Mais7, Cahradot, arr. de Ba]reui, cant. d*laigny.

fu par l^espace de long temps. Et pendant ladiae prison les geôliers d'icele lui distrent qu*il partist desdictes prisons et aidas t a mectre en icele geôle du bois qui estoit devant, et a lui en ce faisant vint certaine personne qui lui vint dire qu*il s'en alast. Lequel, considérant la durté de prison, se destourna et ala bouter en franchise en Teglise de la Trinité de Faloise, près de ladicte geôle, où il fu l'espace de vii j ou ix jours, et après leva une verrière et y mist une corde, faignant par ilec s^en estre parti, ce que non, mais actendi bien un jour et s>n yssi de nuit et s^en ala a l'ostel des Cordeliersde Faloise, oii il fu deux jours et s^en yssi environ midi d^icelui hostel, monta sur les murs de la ville de Faloise et print une corde pour mectre a un carnel de la muraille, qui fu trop courte pour venir jusques a terre, 'qui rompi, et il chey a terre tant qu'il fu en dangier de mort. Et s'en ala en sondit bostel en la Forest, ouquel il a esté longuement avec sa femme et enfans, et cependant a esté mis es appeaulx et mis en pluseurs defaulx, et depuis a esté reprinsen sondit hostel en son lit par Anglois et autres gens et ramené es prisons dudit lieu de Faloise, esqueles il est encores de présent prisonnier. . . Si donnons en mandement par ces mesmes présentes a nostre bailli de Caen — Donné à Paris, le xviij^' jour de juillet. Tan de grâce mil CCCC XXXIII et de nostre règne Tunziesme. Ainsi signé : Par le Roy, a la relacion du Q>nseil. Chembaut.