CCXLV. — Paris, i6 avril 1435 (n. s

Rémission à Jean Ballain, de Deauville, qui s^est pris de querelle dans une taverne de Caen avec un valet cordonnier qui avait battu une chambrière et, en se défendant, Va frappé mortellement d'un coup de dague, (JJ 175, n. 33j, fol. 119 verso.)

Henry, etc., Savoir faisons, etc., nous avoir receu Tumble supplicacion de Jehan Ballain, natif de Saint Laurens de Deauville près de Touque ( i ), japieça demourant a Harfleu et de présent a Rouen, contenant comme, le dixiesme jour du mois d'octobre derrenierement passé, lui estant en un hostel de la ville de Caen, icelui hostel assis en la Neufve Rue d'icelle ville, avec et en la compaignie d*un homme qui se disoit estre a nostre bailli dudit Caen, et de deux autres, Pun nommé Guillemin le Landois et Tautre Jehan Sauvage, ouquel lieu et hostel

(1) Deauville, Calvados, arr. et cant. de Pont-l*Ev£que.

ilz se esbatoient et faisoient bonne chiere, ainsi corne a Teure de dix heures de nuit eussent envoie quérir un pot de vin par une femme chamberiere. Laquele en s^en retournant, le pot de vin en sa main, fu rancontrée par un nommé Perrin Paumier, varlet cordouennier, demourant en l'ostel d*un autre cordouennier dMcelle ville de Caen corne varlet gangnant loier ou servant. Lequel Paumier, que Ten dit estre de Dreux et lequel avoit en sa compaignie autres gens, dont ledit suppliant ne scet les noms, jusques au nombre de sept ou huit hommes, frappa, bâti et feri ladicte femme chamberiere. Pour quoy elle s*en vint plaindre audit suppliant et a ceulx de sa compaignie, disant que elle ne yroit plus quérir de vin, pour ce qu^elle avoit esté batue en leur service faisant ; dont ledit suppliant et les dessusdiz ses compaignons furent mal contens. Mais neantmoins icelui Paumier, acompaîgnié desdiz compaignons, se comparu en la sale dudit hostel, en laquele il entra très rudement etesfreement. Et lors ledit suppliant et ses compaignons orentgrantfraieur et grant paour, pour ce que ladicte femme avoit esté batue et se levèrent ledit suppliant et les compaignons de leur table, et vindrent a rencontre dudit Paumier et de sesdiz compaignons, aians doubte qu'ilz ne voulsissent batre ou tuer ledit suppliant ou aucuns de sa compaignie. Pour quoy icelui suppliant demanda qu'ilz queroient a celle heure. Lequel Paumier, meu et eschaufé en courage de mal faire, très rudement et orgueilleusement respondi audit suppliant qu^il vendroit oudit hostel feust de nuit ou de jour, qui que le voulsist veoir, et qu^il y povoit mieulx venir que ledit suppliant pour ce que sa dame par amours y demouroit. Et adonc ledit suppliant dist audit Paumier quUl n avoit pas bien fait de batre ladicte femme ou chamberiere, en retournant de quérir leur vin,

dont il avoit fait espendre partie. A quoy respondi ledit Paumier que se elle n^avoit assez esté batue, que elle la seroit encores. Et après ce dist ledit suppliant audit Paumier quMl sVn alast de leur compaignie. Auquel il respondi que malgré son visage il ne s^en yroit point. Après ce, lesdiz suppliant et Paumier sacherent leurs dagues. Et lors les gens d^une partie et de l'autre se mistrent entre deux pour les cuider départir» et fu mis ledit Paumier ou degré dudithostel, pour et afin quegreigneur inconvénient ne s'en ensuist. Mais ce non obstant, ledit Paumier ne se tint pas atant, et en i)erseverant de mal en pis remonta amont ledit degré, sa dague toute nue en sa main, cuidant ferir ledit suppliant. Lequel aiant doubte que ledit Paumier, qui se adreçoit tousjours a lui, ne le voulsist ferir ou tuer de sadicte dague, mist icelui suppliant la sienne au devant et Ten fery un seul cop en une partie de son corps. Et lors dist ledit PaumierquMlestoit navré. Pour quoy lesdiz compaignons dudit Paumier gecterent ledit suppliant aval les degrez,et lui fîi osté son chapperon, et demoura ledit Paumier oudit hostel avec sadicte dame par amours la nuit^ et le landemain fu porté en Tostel de son maistre qui demouroit en ladicte ville de Caen, comme dit est. A Toccasion duquel cop, trois ou quatre jours après ensuivans, icelui Paulmier ala de vie a trèspassement. Pour occasion duquel fait et cas, qui est advenu après boire et de chaudecole, ledit suppliant, doubtant rigueur de justice, s'est aucunement destourné de ladicte ville. . . Si donnons en mandement par ces mesmes présentes a nostredit bailli de Rouen. . . Donné a Paris, le xvj« jour d'avril veille de Pasques, Tan de grâce mil CCCC XXX II II et de nostre règne le xiij*. Ainsi signé: Es requestes par vous tenues, esqueles les seigneurs de

Lusarches (i), de Clamecy, du Mesnil (2) et pluseurs autres estoient. CHEMBàur.