François I" à Jean du Bellay. Fontainebleau

20 octobre 1628.

(Copie : Bibl. Nat., fr. 5499, fol. ija-i74' — Analyse : Brewer, Op. cit., vol. IV, part. III, app. n* 2a5) (3).

Monsieur de Bayonne, j'ay veu, par ce que vous avez escript à mon cousin le Grant Maistre, l'arrivée là du cardinal Gampcgio et le recueil et bonne chère que l'on se délibéroit de luy faire avec les propos que vous avoit tenuz monsieur le légat, mon bon amy, tant de la praticque qu'il disoit vouloir reprandre pour avoir André Dorya à nostre

(i) Richard Fox, évêque de Wiachester, ancien protecteur deWoIsey, étant mort au milieu de septembre, Wolsey avait, le 6 octobre, demandé à Henry VIII d'être mis en possession de ce siège (State Papers, 1. 1, p. 328).

(2) L'évêché de Durham ne fut résigné par Wolsey qu'au début de i53o, alors qu'il était déjà en disgrâce. Ce fut l'évèque de Londres, CuthbertTunslall, qui en fut pourvu. Le siège de Londres passa alors à John Stokesley (mars i53o).

(3) A la date inexacte du 20 décembre.

4l6 JEAN DU BELLAY.

[Octobre i528

dévotion que de ce qu'il luy sembloit qu'il se debvoit faire pour tousjours mectre peine d'entretenir nostre Sainct-Père en la bonne volunté en laquelle il estoit envers moy et mes affaires, et les moyens que pour ce faire il mectoit en avant que j'avois à tenir.

Et combien. Monsieur de Bayonne, que, en toutes choses qui me sçauront jamais toucher ny le bien de mes dictz afïaires, j'ay délibéré et suys résolu de toujours suivre et m'ayder principalement des bons records, conseil et advis de mondict sieur le cardinal, mon bon amy, comme venant de personnaige, duquel oultre la grande prudence et si longue expérience qu'il a en toutes choses, je congnois l'amour et affection estre telle en mon endroict qu'il me semble ne pouvoir mieulx faire que d'entièrement ensuyvre ce qu'il me vouldra recorder et conseiller, toutesfois en ceste praticque dudict André Doria je voy si peu d'apparence ny fondement que je ne puys penser que, par les moiens qu'il vous a pour ce mis en avant, il feust possible, estant les choses comme elles sont de présent, qu'il en sceust sortir nul bon eftect ; combien que pour cela je ne laisse à le tenir à grande obligation de mondict sieur le légat, mon bon amy, saichant sa vraye bonne intention en ce faisant ne toulcher à autre fin que à redresser et racoustrer les choses à l'honneur et prouffict de moy et de mesdictz affaires, de quoy bien fort vous le mercix^ez.

Mais quant au faict de nostredict Sainct-Père et aux propos que sur ce il vous a tenuz, vous luy pourrez en cela dire que, suyvant sondict bon conseil et advis et le record qu'il vous en a donné, dont pareillement je le remercye, que j'ay bien voulu dépescher l'ung des gentilshommes de ma chambre, qui est le bailly de Rouen (^), pour aller en diligence devers nostredict Sainct-Père pour les raisons que je a'^ous en ay bien voulu mander, à celle fin de les faire entendre

(i) Jean d'Estouteville, seigneur de Villebon, conseiller du Roi, gentilhomme de sa chambre, bailli et capitaine de Rouen et de Thérouanne, prévôt de Paris le 7 mars i533, lieutenant général en Normandie et Picardie, mort à Rouen, le 29 avril i5ti6. Sa mission dura environ deux mois. Il arriva à Rome vers le milieu de novembre. Voir, sur les négociations dont il fut chargé et leurs résultats, la lettre de J.-J. de Passano au Roi du iS novembre (Bibl. nat., l'r. 3096, loi. 78), et « La responce que Nostre Sainct-Père a faicte d Villebon sur ses instructions, présens les ambassadeurs » (Ibid., fr. 3oio, fol. ii2-ii5).

AMBASSADES EN ANGLETERRE. /\l'J

Octobre iSaS]

entièrement à mondict seigneur le légat, mon bon amy, qui sont en effect pour remercyer Sa Saincteté, le plus aflectionnéement qu'il luy sera possible, de la bonne et honneste démonstration dont il a pieu à Sadicte Saincteté user envers ceulx qui se sont retirez de l'armée de devant Naples, en les faisant recueillir et traicter par toutes ses terres et leur donnant seur passaige, comme si se eust esté pour ses propres subjectz, principalement du bon conseil et advis qu'il a pieu à Sadicte Saincteté tonsjours donner à mes ambassadeurs estans autour d'elle des choses qui luy sembleroient estre à faire pour le bien, prospérité et redressement de mes affaires de delà, où il s'est tousjours montré, quoy qu'il soyt survenu, tout autant enclin et affectionné qu'il eust peu faire en ses propres choses. Plus a charge ledict bailly de très humblement supplier de ma part Sa Saincteté de vouloir continuer et persévérer en ceste si bonne et honneste volunté, comme je y ay ma totalle seureté et fiance ; l'asseurant bien, encores qu'il ayt peucongnoistre par expérience ce que jay jusques icy faict pour Sadicte Saincteté et pour la seureté et deffense de ses cstatz et du Sainct-Siège apostolique, qui a esté de n'y voulloir espargner ny mes forces ny facultez en quelque manière que ce soyt, mais les préférer à tout le reste qui m'a peu toucher, et encores quoy que soit par la permission de Dieu peu survenir, si n'ay-je changé ceste volunté, mais suis aussi prest et appareillé d'y emploier tout ce que jay comme je feiz jamais, ne [le] vouUant toutesfois forcer ne contraindre à aultremcnt se déclairer que le temps pour ceste heure le peult permettre et consentir, mais seullement me garder et conserver ceste si bonne et paternelle amour et affection en son secrect jusques à ung aultre temps, demourant cependant père neutral et universel sans plus ouvertement encliner en l'autre partie qu'il a peu faire jusques à présent, ainsy que la raison le veult et que j'ay bien grande espérance que par sa bonté et prudence elle sera pour faire.

Et pour ce que je sçay que le faict de Servye et llavenne touche autant au cueur de Sa Saincteté que nulle aultre chose quelle qu'elle soit, oullre les dépesches que jay faict par cy-devant pour en faire satisfaire à Sa Saincteté, j'escriptz

/Jl8 JEAN DU BELLAY.

[Octobre i5a8

présentement à la Seigneurie de Venise de sorte et ay parlé à son ambassadeur qui est icy autour de moy, que j'espère que bien tost ilz se rangeront à la raison, car aultrement je leur ay nommément dict et signifïié que je ne serois pour plus longuement le pouvoir souffrir ny endurer. Et quant à la Seigneurie de Florence qui luy détient pareillement sa niesse ('), la petite duquesine, j'ay semblablement donné expresse charge et commandé audict baiUy de Rouen leur vouUoir bien et vivement faire entendre de ma part que je les prioys se vouUoir résouldre ou de la bailler et mectre es mains de Sa Saincteté comme la raison le veult, ou bien de la m'envoyer et faire bailler, alïin que par après j'en puisse faire ce que je vei*ray et congnoistray estre à faire pour le bien d'elle et de toute sa maison, qui est chose que je ne faiz aulcun doubte qui ne soit pour grandement satisfaire et contenter Sadicte Saincteté, estant asseuré qu'ilz ne sont pour y faire aulcun reffuz ou difliculté.

Et pour ce que le magniûcque Jacques Salviati, qui est auprès de Sa Saincteté avec le crédit que vous sçavez, a icy escript au cardinal Salviati, son filz (='), que nostredict Sainct- Père, qui de tout son cueur et plus que nulle aultre chose désireroit povoir s'emploier à trouver quelque bon moien pour povoir parvenir à la paix, a tant faict par ses ministres, qu'il a envoyez en Espaigne, et mesmement par le général des Cordeliers, qu'il a naguères faict cardinal (3), qu'il luy semble que venant à partiz honnestes et raisonna-

(i) Catherine de Médicis. A la suite de la révolution qui venait de s'opérer à Florence et de l'expulsion des Médicis, Catherine était demeurée comme une sorte d'otage entre les mains du nouveau gouvernement. Elle avait été confiée d'abord aux religieuses bénédictines du couvent des Muratc. (A. dk Rkumont, La Jeunesse de Catherine de Médicis, 1866, p. 85, 95 et suiv.)

(a) Giovanni Salviati, né à Florence en 1490, neveu de Léon X, cardinal depuis iSij ; il était venu en France comme légat du Pape à la Hq de i5a6.

(3) Francesco de Quiiïones, de la maison des comtes de Luna, appelé de los Angeles, du nom de la custodie franciscaine des Saints Anges, province franciscaine de Caslille, où il lit profession (probablement au couvent de Santa Maria de los Angeles à Fornols, aujourd'hui province de Lérida), général des Franciscains, employé depuis i52() par Charles-Quint dans ses négociations avec le Pape. Il essaya d'abord de faire accepter à Clément Vil les propositions de Ugo de Moncada et de Lannoy, puis, après la prise de Kome, il s'enti'emit entre le souverain pontife et les Impériaux pour amener l'accord du 2G novembre 1527 et la mise en liberté des cardinaux captifs. Il fut fait, en septembre iSaS, cardinal du titre de Sainte-Croix et mourut le aj octobre i54o. Cf. sur ce personnage Ciaconils, Vitae et rcs gcslae pontijicum. t. III, col. 496- 499, et L. Wadding, Annales Minorunt, t. VIII, pag. 200, 336, 3-5, 402, 4<8, etc.

Octobre i5aS]

bles qu'il se trouvera à ceste heure plus de moien de parvenir à ladicte paix qu'il ne s'est encores sceu faire jusques icy, et que, pour en povoir traicteret capituler, il y avoit là si ample povoir que y envoyant le roy d'Angleterre, mon bon frère et perpétuel allyé, etmoy gens avec puissance dey besongner qu'il espéroit avec l'ayde de Dieu qu'il se y fcroit quelque bonne chose, me priant et cxliortant de la part de Sadicte Saincteté de ne vouUoir rejecter ny relfuser si honneste occasion qui s'ofl'roit de présent pour parvenir à ladicte paix, dont toute la chrestienté avoit tel besoing et nécessité, — et combien, Monsieur de Bayonne, que je soys adverty d'ailleurs qu'il y a quelque fondement en l'ouverture dessusdicte, loutesfois pour ne vouUoir, comme je suys tenu et obligé, quelque chose qui me puisse advenir, aucunement entendre à praticque ny ouverture qui me sceust estre présentée sans r ad vis et conseil dudict roy, mon bon frère et perpétuel all5^é, par les mains duquel et non d'aultre je suys délibéré et résolu de praticquer et moyenner les choses, j'ay seuUement, pour n'estre veu reffuser aulcunes occasions ny offres qui me seront présentées pour le bien de ladicte paix, commandé audictbailly de Rouen, allant vers Sadicte Saincteté, mectre peyne d'entendre et sçavoir les conditions telles qu'elles seront proposées et mises en avant pour ladicte paix et les recevoir et recueillir, pour après m'en sçavoir faire le rapport ; de quoy je vous ay bien voulu semblablement advertir, à celle fin que vous le puissiez dire et faire entendre au roy, mon bon frère et perpétuel allyé, et pareillement à mondict sieur le légat, mon bon amy, sans le sceu et consentement desquelz, comme dict est, je ne suys jamais délibéré penser ny entendre à aulcun party ou moien qui me sceust estre offert et présenté, mais en tout et par tout me conduyre et gouverner selon leur bon conseil, opinion et advis, les asseurant que c'est entièrement toute la charge et commission que j'ay baillée audict bailly de Rouen devers nostredict Sainct-Père où je l'envoyé, comme dict est.

Et pour aultant que les choses de Gênes n'ont prins si briefve et courte yssue que l'on eust peu penser, pour s'estre mon cousin de Sainct-Pol retrouvé si affoibly de gens, à cause de la prinse de Pavye, qu'il ne l'a voulu seul entre-

[Octobre lâaS

prendre, de peur de n'en venir à chef, comme il eiist bien désiré, j'ay bien voulu, sur ce, vous faire entendre la délibération que je y ay prinse ; cpii est en effect que, voyant l'armée de mondict cousin de Sainct-Pol se retrouver alToiblye, tant pour l'assault de Pavye que pour avoir esté habandonné d'une bande de Suisses après avoir receu argent, de sorte qu'il ne se trouve assez fort avec ce qu'il a de présent pour oser essayer seul le faict de ladicte emprinse, j'ay faict acheminer deux mil lansquenetz qui sont jà passez Lion (0 une bonne et belle bande pour s'aller joindre avec luy, et daventaige luy mander que, en toute diligence, il veuille faire [lever] jusques à troys ou quattrc mil Italiens liarquebuziers, qu'il pourra facilement lever, aiant argent pour ce faire comme je luy ay envoyé, à celle (in que avec toutes ces forces, qui seront pour le moings dix mille bonshommes, et ce que la Seigneurie de Venise m'a promis d'y emploier (2), comme il est très raisonnable qu'elle face pour m'ayder à recouvrer le myen, mondict cousin de Sainct-Pol puisse s'eflbrcer de recouvrer et ravoir ladicte Aille de Gennes que j'ay délibéré, avant nulle autre entreprinse, de reconquérir, quoy qu'il me doibve couster; ce que j'espère avec telle compaignie qu'il pourra faire très aisément, n'estant encore pourveuc d'aultres gens que de ceulx que a peu mectre à la haste André Dorye, qui ne sont que gens commandez et paisans d'autour ladicte ville. Vous advisant que, pour plus tost faciliter et abbréger la chose, j'ay dépesché le sieur de Barbezieulx (3) qui pourra ceste semaine prochaine faire voille avec treize de mes gallères et six ou sept grosses barques, comme la Grand Maistresse et la Bravoure de feu frère Bernardin et quelques autres galions bien armez et équippez, sur lesquelz il portera quinze cens ou deux mil hommes do guerre, qui est armée telle qu ilz espèrent, quoy

(i) Ces lansquenets, au nombre de i,5oo, étaient passés par Lyon dans les premiers jours d'octobre (Bibl. nat., fr. 10406, fol. jj v»).

(2) Le Roi et son Conseil étaient fort mécontents de l'attitude delà Seigneurie etMontmorency s'en était plaint très vivement à Sebastiano Giustiniani, ambassadeur de Venise à la cour de France. Voir les résumés des lettres de celuici des 4 et i3 et 14 octobre, dans Sanuto, Diarii, t. XLIX, col. Sg, ia3.

(3) Voir sur ces préparatifs maritimes les lettres de Charles de Morette qui était alors à Marseille, attendant l'arrivée de liarbézicux (Bibl. nat., fr. ao5o4, fol. 145, 142 (20 septembre), 187 (23 octobre), i34 (29 oct.) ; ibid., fr. SogC, f. 4.

Octobre i528J

qu ilz rencontrent sur la mer, qu ilz parleront pour le moings à eulx, en grande espérance, s'ilz trouvent ledict André Dorye avec tout ce qu'il a de gallères, quilz se feront faire place, en danger de luy faire belle peur; et par ce moien niadicte armée de mer non-seulement asseurera Savonne et toute ceste coste mais pourra donner telle aide et faveur à la dicte emprinse de Gennes que je ne faiz aulcun doubte, avec Tayde de Dieu, qu'elle ne preigne fin et yssue telle que je le désire.

Monsieur de Bayonne, je ne vous escriptz poinct du propos que l'on vous a tenu de retenir par deçà le seigneur domp Hercules, car il est jà si avant en pays oultrc la montaigue que je ne saiche excuse que je seusse trouver raisonnable pour le faire à ceste heure retourner par deçà.

Et quant au faictde la contribution, je suys si asseuré que on n'y fera faulte par delà, veu les affaires qui journellement croissent et me viennent sur les bras, que je n'en escripray aultre chose par delà, si n'est vous prier, Monsieur de Bayonne, de continuer à la soliciter, comme vous sçavez que je en ay besoing, continuant à me faire sçavoir tout ce qui sera survenu par delà depuis l'arrivée du cardinal Gampegio, comme vous avez très bien faict jusques icy.

Et à Dieu, Monsieur de Bayonne....

Escript à Fontainebleau , le XX* jour d'octobre MV'^