Jean du Bellay à Montmorency. Londres, 21 octobre

(Orig. : Bibl. Nat., fp. 3o;S, p. 121-129. — Iiupr. : Lk Grand, Op. cit., t. III, p. i;5-i8;. — Analyse : linEWER, Op. cit., vol. IV', part. 11, u" 4865.)

Monseigneur, j'ay tant faict que arsoir euz mon audience de monseigneur le légat, qui ne fut sans plusieurs et divers propoz des alfaires du lloy.

Et quant à la contribution, je le trouvay terriblement froyct et faisant le renchéry, alléguant que, pour leur part

[Octobre iSaS

de rentretènement du nombre de trente mil hommes de guerre six mois durant, ladicte contribution estoit ordonnée, duquel nombre y avoit tousjours eu assez à dire et a voit encores à présent plus que jamaiz, concluant là-dessuz que grant rabaiz s'en debvoit faire. J'entendiz assez là où tout cela vouloit tendre, et depuis quelque temps l'avoye assez présumé, comme vous escripviz par mes lecti'es du XVII® là où je vous parloye de la venue de Montpesat. Et pour ce débattiz par raisons, autant que me fut possible, que nulle innovacion ne rabaiz ne se debvoit faire, en sorte que à la fin il me dist qu'il me contenteroit, mais non pas comme par obligacion, et encores qu'il luy failloit en parler de reclîief au roy, son maistre, qui jusques à présent n'entendoit que les choses deussent passer en ceste sorte. Je ne me vouluz atacher à ce propoz d" obligacion pour n'estre contrainct ou de luy confesser la debte ou de ne riens conclurre ; mais seulement le chargeant de commémoracions des bénéfices qu'avon receu de luy par tant de manières, tournay le propoz ailleurs jusques à ce que l'opportunité vint de le y remectre. Et à ceste heure-là me promist de me dépescher dedans cinq ou six jours; se plaignant toutesfoiz que de ce qu'il a baillé du premier quartier on ne luy avoit voulu envoyer la quictance en la sorte qu'il l' avoit demandée, qui est luy troubler l'ordre de ses affaires, et disant que, encores que à ma grant instance il se soyt contenté de la commission que j'avoye eue, toutesfoyz luy avoit esté grant fascherye de ne l'avoir selon son intention, dont il disoit n'estre content, veu que à luy en satisfaire ne vous eust non plus costé que à faire aultrement. Je luy ay promis qu'il l'aura tout en la mesmes sorte qu'il la vouldra demander, le pryant cependant de se contenter de la commission susdicte. Elle ne luy plaist poinct pour n'estre chose selon leur stile. Mais il m'a donné parole de me dépeschersuz ma promesse comme il feist à l'autre foix; en quoy je ne le laisseray endormir, combien que ses affaires soyent pour ceste heure si grans qu'il n'est possible de plus. Et du tout souvent vous manderay nouvelles.

Au demourant. Monseigneur, il me fîst ung grant narré, et là fut le commancement de son propoz, des affaires du

Octobre iSaS]

Roy tant en Italie qu'ailleurs, et me compta que messire Silvestre (') n'avoit encores eu responce de l'Empereur ; lequel s'estoit monsti'é, au coramancement qu'il arriva, comme l'on povoit veoir, assez enclin à la paix, et d'autant plus qu'il avoit entendu que son hérault n'avoit peu avoir saufconduyt, dont il veoyt la matière du combat estre ramenée à telz termes qu'elle ne seroit pour empescher ladicte paix; mais que, depuis qu'il avoit sceu que sondict hérault estoit passé, il faisoit bien semblant d' estre fort picqué et monstroit d'avoir changé de volunté. Et ainsi le mandoyt messire Silvestre à monsieur de AVigorne et à l'Aumosnier qui estoyent encores ordonnez à se tenir loing dudict Empereur (2), très mal traictez et très mal contens. Davantaige avoit demandé ledict Empereur audict Silvestre s'il avoit commission du Roy, qui luy avoit respondu que non. Et à ce propoz dict monseigneur le légat que, comme il avoit esté convenu au partement dudict Silvestre, le Roy doibt faire, si desjà ne l'a faict, que à Rayonne y ait commission preste pour incontinent s'en ayder si les choses en viennent à ces termes.

Aussi, Monseigneur, dict mondict seigneur le légat avoir esté certainement adverty que le général des Cordcliers, ce bon prophète que nostre Sainct-Père a faict cardinal, a cappi tulé au nom de nostredict Sainct-Père avec l'Empereur d'entrer avec luy en alliance, sans estre toutesfoiz tenu à prendre armes pour luy ne le secourir d'aulcune chose, sinon là où il se trouveroit assailly au royaume de Naples ; et luy rend l'Empereur Civita-Veche et ce qu'il peut encores tenir de luy. ensemble les cardinaulx qu'il tient en ostaige. Et dict monseigneur le légat que, estant monseigneur de Pistoye arrivé en Espaigne (3), H eut nouvelles de ladicte ca-

(i) Silvestre Darius était parti de Paris vers le milieu du mois de mai (Clerk à Silvestre Darius, i6 mai, Brkweh, Op. fi7.,vol. IV, part, u, n" 42^9)- Après avoir séjourné prés d'un mois à Bayonnc, attendant un sauf-conduit, il put enfin entrer en Espagne et atteindre Charles-Quint ; mais celui-ci différa de jour en jour sa réponse et ne la donna que le a;;! septembre. Cf. la lettre de Darius de ce jour et celle de Charles-Quint à Wolsey, avec sa réponse aux articles, Brkwbr, Op. cit., vol. IV, part, ii, n»* 47^i 4'85, 4^8;. Au moment où écrivait J. du Bellay, ces nouvelles nVtaient pas encore parvenues en Angleterre.

(a) Les ambassadeurs étaient à Valladolid, tandis que l'Empereur était à Madrid.

(3) Antonio Pucci, évéque de Pistoia, après avoir été obligé de revenir de

424 JEAX DU BELLAY.

[Octobre iSaS

pitulacion, ensemble de la révocation de la commission qu'il avoit de nostredict Sainct-Père de capituler en tout aultre manière, comme il avoit monstre aux ambassadeurs de deczà; dont il eut grant déplaisir, voyant que les affaires alloyent de ceste sorte. Et incontinent, à la requeste desdictz ambassadeurs, partit, pour en toute diligence venir vers nostredict Sainct-Père, afin de mectre peine de le tenir en bonne voye avant l'arrivée dudict général ; se plaignant merveilleusement ledict Pistoye qu'on le arresta en France quant il y fut pour passer en Espaigne, car il avoit charge expresse d'enhorter l'Empereur à paix raisonnable et selon les articles qui luy estoient offers, pour incontinent procéder à censures à rencontre de luy là où il en eust esté reffusant.

Monseigneur, mondict seigneur le légat dict présumer qu'il y ayt en ces capitulacions quelque chose de caché plus desraisonnable. Et pour ce est d'advis que, à toute diligence, on y pourveoye en la meilleure sorte qu'on pourra ; disant meilleur moyen ne se povoir trouver que de faire à nostredict Sainct-Père les ouvertures qu'il sçayt le Roy luy avoir envoyé faire : c'est assavoir de mectre le seigneur Hercules en la duché de Millan ('), avec charge de composer à sa satisfaction de Rège et Modène ; desquelx offres dict mondict seigneur le légat nostredict Sainct-Pèi'e avoir eu advertissement, mais n'en faire semblant, actendant qu'on luy vouldra dire. Mondict seigneur le légat est d'advis qu'on y doibt adjouster Raveune et Servye ; sans quoy nostredict Sainct- Père n'est pour jamais riens faire qui vaille, comme clèrement il se peut veoir, et nomméement il l'a cogneu par le cardinal Gampège. Aussi est d'advis qu'on facze toute et extresme diligence de surprendre le Général susdict soit par mer, là où il passera, avec ung brigantin ou deulx, ou par terre, s'il se pourra faire, pour sçavoir par luy plus amplement du traicté de toutes les choses ; à quoi le roy, son maistre, auroyt d'autant plus grant plaisir que luy est cause de quoy l'affaire de son mariage ne va du tout comme il le demande, et qu'il list promectre à nostredict Sainct-Père, avant que

France en Italie, était allé en Espagne par une autre voie: il y était arrivé en juillet.

(I) En chiffre dans le texte.

AMBASSADES EN ANGLETERHE. 4^5

Octobre 1028]

sortir de prison, qu'il ne passeroit jamaiz ce poinet. Je ne failly, Monseigneur, à mectre au nez à mondict seigneur le légat la belle démonstracion (jue par telz actes faict nostredict Sainct-Père de sa bonne voulenté. Il me respondit ne s'en esbahir trop, veu ce que d'autre part on luy a faict jusques à ceste heure. Car on luy a toujours monstre, tant par mauvaises parolles tenues de luy que par l'arrcst de Pistoye et aultres manières de faire, l'extresme dediance qu'on avoit de luy ; dont il a mille foix protesté qu'il s'en trouvoit en désespoir, voyant que tous ses actes estoyent interprétez en mauvaise part et que, quelque chose qu'il peust faire ne dire, jamaiz aultre chose n'en povoit rapporter; et qu'en oultre il ne veoyt une seule apparence de t'ruyct, qu'il peust percevoir, à estrc du bon costé, sinon belles parolles, principalement quant à Ravenne et Servye ; qui est la chose du monde qu'il a plus à cueur, maiz dont il se veoyt entièrement hors d'espoir de vostre costé, puys que, monstrant estimer beaucoup son amytié pour les affaires où vous retrouviez, l'en laissiez en derrière; à quoy se povoit facilement présumer que, voz affaires estans tant asseurez par cy-après que son amytié vous fusl de légière importance, jamais ung seul moyen il nauroyt de rentrer en la possession desdictes villes, qui ne luy seroit chose mains griesve que la mort, ne mains supportable. Suz cela concluant mondict seigneur le légat n'avoir en ceste matière failly de jugement, et disant que qui eust voulu au commancement des choses et à la venue de Gambres croire son opinion, les affaires n'en fussent réduictz à Testât qu'ilz sont à présent.

Et à ce propoz, Monseigneur, me vint par longs propoz et plusieurs raisons remonstrer que, si le Roy ne vcult aultrement reguarder à ses affaires, principalement quant à l'exécution d'iceulx et à l'entretènement de ses amys et serviteurs, qu'il a faict jusques à ceste heure, il veoyt évidentement advenir une telle ruyne à sesdictz affaires qu'il ne sera en la puissance des hommes de la réparer ; disant, après force protestacions qu'on print en bonne part tous ses propoz, s'csbahir le plus merveilleusement du monde que delà ne le voyez clèrement, veu que c'est chose si très manifeste que tout le monde le crye; à quoy si le Roy ne

[Octobre i5a8

pourveoyt et mecte peine d'aultrement contenter ceulx qui sont pour luy faire service, il ne se peult dire sinon que Dieu luy veult oster ou à son Conseil l'entendement pour l'abismer et confondre ; et pour l'honneur de Dieu qu'il y pourveoye et que, suyvant ce que tant dernièrement il luy en remonstra, estant à Gompiègne, il use du sens si bon et si excellent que Dieu luy a donné et facze que ses tant bons et tant singuliers advis, lesquelx passent tout entendement humain tant sont guarniz de raison et prudence, ne tombent parfaulte d'exécution en vent et fumée, comme pour grant partie ilz ont faict jusques à ceste heure, dont tant le roy, son bon frère, que luy et tous ses amys dedeczà sont en telle et telle peine et ennuy quilz ne sçavent plus à qui s'en plaindre.

Voylà, Monseigneur, partie des propoz de mondict seigneur le légat, lesquelx il me tenoit d'ung visaige si fasché qu'il n'est possible de plus. Quoy qu'il y ait, la larme luy en venoit quelque foiz à l'œil. Je mys bien peine d'excuser tout ce qui est advenu de mal le myeulx qu'il me fut possible. Mais je vous promectz qu'il ne prinst pas toutes mes excuses en payement, et m'allégua assez, entre aultres choses quant au faict de Naples, que, si monsieur de Lautrec eust esté tousjours en temps et à propoz secouru d'argent et gens fraix quant il demandoit, l'yssue de son voyage n'eust esté telle, disant le sçavoir parle menu et m'en faisant une belle légende. Aussi m'asseura du traicté de monsieur de Gueldres tel que, par mes lectresdudictXVIP,vousay mandé, y adjoustant la restitution de tout ce qu'il avoit perdu et pension de l'Empereur de vingt mil llcurins par an. Je luy en voulu ung peu charger les espaulles, à cause qu'il ne fut comprins en la tresve. Pour résolution il me prinst à tesmoing de ce qu'il avoit faict pour le y cuider faire comprendre, alléguant au demeurant que, si au commancement il en eust esté parlé plus, il eust eu moyen de le pouvoir faire, mais que, quant on en parla, les Flamens sçavoyent et veoyent bien les choses en estre si avant que nous estion contrainctz de prendre les eondicions de ladicte tresve à leur fantasie. disant qu'en cela nous feismes une grande et irréparable faulte.

Octobre iSaS]

Puys après, Monseigneur, il me vint remectre suz Ravenne et Servye, disant le roy, son maistre, s'estre trouvé et encores retrouvé en la plus grande perplexité du monde, pour se veoir ainsi desprisé du Roy, son bon frère, auquel il avoit entièrement mys toute sa fiance, et lequel, par toutes les raisons du monde, encores que ce n'cust este chose si équitable et à luy-mesmes pour plusieurs causes prouffitable. debvoit en cest aflaire marcher d'autre pied qu'il n'a faict; disant estre certain et bien adverty que, s'il eust voulu eflectuellement et non dissimulléement procéder audict aflaire, les Véniciens n'eussent faict ung seul semblant de l'en refl'user, et que par aucuns mesmes desdictz Véniciens s'est sceu et cogneules choses estre en ceste sorte dont dict mondict seigneur le légat, [et enj estre advenu grant fascherie audict seigneur roy, non-seulement pour le retardement de son mariage, mais pour la diminucion de sa réputacion, veu la seureté qu'il avoit baillée à tout le monde que ledict seigneur. Roy, son bon frère, nestoit pour le desdyre de chose qu'il peust luy demander. Et quant à nostre Sainct-Père, il estoit venu à conclurre ou que ladicte seurté n'estoit telle qu'il se disoit ne l'amytié si unye, ou que ces deux princes par commune intelligence l'abusoyent et menoyent de paroUes : dont de Tung des poinctz s'ensuyvoit grant defl'aveur aux affaires communs, de l'autre totale aliénation de nostredict Sainct-Père à la rompture dudict mariage; laquelle rompture, encores que la perte de nostredict Sainct-Père ne fust pour riens comptée, est de telle importance, ce dict mondict seigneur le légat, que tout homme en pourra juger qui sçaura et cognoistra que les premiers termes du divorce ont estez mys par luy en avant alin de mectre perpétuelle séparacion entre les maisons d'Angleterre et de Bourgogne, à quoy vouloyent tendre les propoz qu'il tenoit à Madame estant à Compiègne que, si elle vivoyt ung an, elle verroyt conjonction perpétuelle d'ung costé et disjunction de l'auti'e telle que plus grande ne plus certaine ne sçauroyt demander, luy disant qu'elle mist bien ce mot en sa mémoire pour en temps et lieu le reprendre.

Audemourant, Monseigneur, mondict seigneur le légat est d'advis que par voyes indirectes, comme par monsieur de

[Octobre i538

Lorraine (') ou autre, on rentre en praticques avec monsieur de Gueldres pour le persuader de demourer en bonne voulenté afin que, retiré qu'il aura ses villes et fortiffié, le temps et occasion s' adonnant, il monstre par effect que ce qu'il a faict a esté par force et que ce pendant il ne facze chose qui soit à nostre dommaige. Et de tous les propoz qu'il m'a tenuz m'a pi'vé advertir le Roy, après toutesfoiz que encores une foix en aurion communiqué ensemble. Ce pendant. Monseigneur, en ay bien voulu vous en donner advis, car je voy qu'il est en tant d'affaires et sera le surplus de ceste sepmaine, veu mesnie que demain le roy vient en son logys de la ville où le viendra trouver le cardinal Gampège, que la chose pourra ung peu aller à la longue.

Ledict cardinal ne bouge encores guèrez de son lict pour les gouttes desquelles, combien qu'il soyt ung peu myeulx, toutesfoiz il en est encores de ce qu'on peult veoir fort tourmenté.

Monseigneur, je me recommanderay....

De Londres, le XXP jour d'octobre.

Vostre....

J. DU Bellay, éi'esque de Baj'onne.