Jean du Bellay à François I". Londres, 8 novenil)rc

(Copie : Bibl. Nat., Ir. 5499, fol. 99 v»-io5. — Analyse : Brkweu, Op. cit., vol. IV, part, ni, app. n» 212.)

Sire, samedy dernier d), monseigneur le légat trouva moien de desrober le loisir, entre ses si grandes occupations

(i) Le 6 novembre, ou plus probablement le 3o octobre, car, comme J. du Bellay l'indique dans sa lettre du même jour à Montmorency, il avait gardé pendant huit jours la lettre au Roi, attendant d'être flxé sur le paiement de la contribution.

Novembre i528]

dont par cy-devant vous ay escript, de nie donner audience et de lire et relire mot à mot voz lectres du vingtiesme du passé, pour y avoir gousté choses à son jugement de grande importance. Et en certains propos les trouva correspondantes aux advertissemens quilz avoienteuz d'Espaigne, principalement en ce qui concerne le bien de la paix universelle et de la délivrance de messeigneurs voz enffans.

Et après, Sire, il me nionstra le deschiUrement de la responce faicte par lEmpereur à messire Silvestre touchant ladicte matière de paix ; qui est en substance, — après quelques remonstrances du peu d'apparence qu'il y auroit qu'il usast du roy d'Angleterre en aucune manière ne pour médiateur, ne qu'il peust prendre seurté en luy ou pour les obligations esquelles vous auriez de vous mectre ou pour ostaiges qui seroient à recevoir, estant ledict seigneur roy avec luy en inimitié, après aussi avoir allégué qu'il u'y auroit propos ne raison que audict Silvestre, n'aiant aucune commission de vous, il ouvrist son cueur et sa t'antasie, mesmement en matière où il est question de nouveaulx partis et ouvertures oultre celles qui furent l'aictes à Burgos, — que si ledict seigneur roy d'Angleterre veult préalablement venir en amytyé avec luy, affin que. comme le prenant en ce titi'e d'amy et médiateur et non en liltre dennemy, il y puisse avoir quelque fiance, il luy donnera par eirect à congnoistre combien généralement il désire la paix et union de la chrestienté et particulièrement couibien en cest endroict , pour amour et considération de luy , il se vouldra forcer et estendre.

Là-dessus. Sire, me vint mondict seigneur le légat à reprendre et récapituler fort au long et tout par le menu tout ce qu'il luy semble se debvoir faire en ceste mactière, rassemblant en la disposition de son discours tant le contenu et .substance de ceste responce que les propos touchez en vosdictes lectres, et pareillement autres plusieurs fondez sur advertissemens quilavoyt auparavant euzdcdivers lieux et mesmes d'italye et d'Espagne, qui est. Sire, en substance ce qui s'ensuyt.

C'est asçavoir, Sire, quant à ladvis qui vous est venu par voye du magnificque Salviati, — veu que c'est chose tant

[Novembre i528

requise et nécessaire pour le bieu universel de la chrestienté, et particulièrement pour celluy de voz affaires que de trouver un bon moyen de conclusion de paix, — que, de quelque part quelle puisse s'otfrir ne prendre fondement, elle ne doit estre reffusée. Par quoy, s'il vous semble le moien de nostre Sainct-Père touché par vozdictes lectres estre bon et à propos pour conduire à eflect ceste mactière, non-seullement il est content que le suiviez, mais encore le vous conseille; et fera que, là où ledict moien vous plairra, le roy, vostre bon frère et perpétuel allyé, envoyera pour sa part pouvoir et commission à ceste fin en telle et si ample forme qu'elle se pourra et devra demander.

D'autre part, Sire, semble à mondict seigneur le légat que, pour ne laisser en arrière ung seul poinct ne bon moyen de paix de tous ceidx qui s'en pourront adviser, et afin que justement et méritéeraent vous puissiez dire avoir mis le bon droict, au jugement de Dieu et des hommes, de vostre costé et l'ejecté le tort sur la teste de vosti^e adversaire, ne se debvra obmectre le moien mesmes que l'Empereur propose ; modifié toutesfois de si bonne sorte que, là où il auroyt envye de venir à quelque cavillation soubz coulleur de ceste ouverture, elle ne peust retomber sinon sur luy à son grand deshonneiu^ et désadvantage. Car mondict seigneur le légat seroit d'advis que se missent les propoz et traictez de paix en avant telz qu'avez advisez et conceuz ensemble et, afin de ne laisser audict Empereur ceste branche d'excuse, où il se veult attacher, de l'inimytic du roy, vostre frère, se feist entre eulx deux vme paix, non pas riens changeant ne aucunement innovant, mais seullement remectant entre eulx deux les choses aux ternies qu'elles estoient avant l'intimation de la guerre, tout ainsi que si ladicte intimation nauroit point esté advenue.

Il semble, Sire, à monseigneur le légat qu'il ne seroit à craindre qu'aucun danger ne inconvénient en peust avenir aux affaires communs, mesmement estans les deux cueurs de vous et du roy, vostre bon frère, si liez et resserrez d'un estroict et indissoluble lien d'amytié et parfaicte confidence qu'ilz sont ; et, au contraire, en pourroit advenir le bien tant et tant désiré, non par vous deux seullement mais par l'univer-

Novembre iSaS]

sel de toute la chrestienté : ne vouUant toutesfois mondict seigneur le légat, comme dict est, suivant ce chemin, habandonner l'autre de nostre dict Sainct-Père là où l'on verroit qu'il pourroit mieulîi procedder ; confessant bien néanmoins que cestuy-cy seroit à trop plus grande seurte de vous deux, pour n'estre de vous que une mesme chose et mesme voulenté, et conséquemment ne se pouvant riens gecter en la praticque de ladicte paix qui ne fust spécialement selon voz desseins et à vostre commun bénéfice ; ce qu'il uest du tout asseuré, Sire, se devoir si purement et sincèrement faire par la voye de nostredictSaint-Pcre, tant poumon estre luy une chose si très parfectementunye avec vous que vous estes vous-mesmes, que pour estre sa praticque menée par tiers, lesquelz est aisé à croyre vouUoir tousjours, l'occasion se y adonnant, mesler quelque chose du leur avec l'autruy ou pour le moins avoir quelque indirecte intention tendante à l'adventage ou leur ou de ceulx qui les auront mis en besongne ; vous suppliant, Sire, mondict seigneur le légat, en toute humilité, que veuUez prendre de très bonne part ce que purement et sincèrement il vous présente de ses advis et recordz, lesquelz ne luy partent et ne partiront jamais d'autre source que de l'abondante et extresme alfection qu'il porte à vous et au bien de voz ailaires, principalement en ce que concerne la délivrance de messeigneurs voz enftans, comme il pense en tous les prccédens recordz, dont il s'est enhardy de user envers vous, vous avoir à son possible tousjours donné à congnoistre.

Et au demeurant, Sire, il s'est trouvé nierveilleusement content et satisfaict de l'article de voz lectres, par lequel monslrez bailler asseurance de faire changer à la Seigneurie de Venise la mauvaise et damnable voulenté qu'elle a eu jusques à présent en la tant injuste et desraisonnable détention de Ravenne et Servj'e, non seuUement pour estre chose naifvement appartenant aux tiltres de Très Chrcslien et de Défenseur de la foy, mais pour estre à vous deux particulièrement chose si importante qu'il est évident autant vous en pouvoir infalliblemcnt redonder de proulfict en le faisant faire que pour ne l'avoir faict faire vous est en parlye advenu de dommage, comme par autres plusieurs foys, Sire, il m'a

[Novembre iSaS

tant prudemment et saigement déduict que je laisseray pour ceste foys à plus avant m'y estendre, considéré les longs advis et records que, par son ordonnance, vous en ay laict par mes précédentes lectres. Pareillement, il trouve, Sire, très boa et très nécessaire que faciez, comme avez délibéré faire, que nostredict Sainct-Pcre soit rendu content et satisfaict de l'affaire de sa petite niepce, vous conseillant et suppliant faire que bonne et prompte expédition se puisse ensuyvre de l'un affaire et de l'autre.

Sire, je ne veulx oublier à vous dire le bon office que a faict mondict seigneur le légat, entendu qu'il a que le Général des Cordeiliers nouvellement faict cardinal avoit apporté d'Espagne la conclusion faicte par luy entre nostre Sainct- Père et l'Empereur; qui est d'avoir promptement et en toute diligence dépesché courrier exprès vers messire Grégoire de Casai pour luy faire entendre que incontinent il eust de se retirer vers nostredict Sainct-Père, ne luy blasniant, mais louant plus tost l'accord qu'il a faict avec ledict Empereur, s'il est tel qu'il se dict : c'est assavoir qu'il demeure neutre et ne monstrant se mesler plus d'ung costé que d'autre, sinon que, là où vous, Sire, tenant le royaulme de Naples,il seroit forcé de prendre les armes avec vous ; luy estant par moien de ce traicté rendu les cardinaulx ostaigers avec Ostie et Givitaveche. Car, demourant ledict traicté en ces termes, il est tout en la mesme sorte et manière que pour ceste heure on le sçauroit demander. Mais, d'autre part, luy reraonstrera ledict de Casai que, là où au contraire il auroit à part et secrètement capitulé ne traicté chose qui pcust redonder au détriment ou dommaige de deux tant puissans et si estroictement confédércz princes et mesmes tant affectionnez à Sa Saincteté, comme par effect non parparolle seuUemeiit ilz luy ont assez donné à congnoistre, il pourroit estre asseuré qu'ilz feroient ensemble telle entreprinse, joinctz avec eulx les Vénitiens et le duc de Ferrare, que la moindre ruync qu'ilz luy causeroicnt seroyt dcstablir perpétuellement Icsdictz Vénitiens es villes de Raveune et Servye sans luy laisser un seul espoir de jamais y pouvoir revenir, et pareillement ledict duc de Ferrare en Rège et Modène ; avec apparence que, estant en oultre le seigneur domp Hercules

Novembre i528]

mis en Testât de [Milan] ('), comme la praticque facilement seroit pour se conduire, il luy rongneroit à leur instigation et ayde les ongles de si près, que, perdues qu'il auroit Parme et Plaisance, encores pourroit-il tenir à grand bien qu'on luy laissast Boulongne en repos ; pour ce, qu'il eust à bien considérer, avant que plus avant entrer en la dauce, de ne faire chose qui peust causer totale ruyne à luy et dommage irréparable à l'Église, estans deux telz princes, contre toute raison, oultragez par luy et contrainctz à faire au contraire de leur voulenté. D'autre part, aura ledict de Casai à desduire bien au long et luy remonstrer les grans biens qui luy pourront advenir d'entretenir vosti'e amytié par bons et raisonnables moiens, comme est la seurté qu'il aura en ses estatz et seigneuries; n'aiant. au moyen de vostre support, craincte que l'Empereur vienne à le ravaller si bas, (jue, encores que chacun s'en tcust, il est cler et manifeste qu'il veult et prétend faire, et autres grans adventaiges que ledict de Casai luy sçaura bien, suivant l'instruction de ses lectres, prudemment et saigement remonstrer; qui sera, comme il semble à mondict seigneur le légat, plus à propos que si par voz ministres mesmes se faisoient lesdictcs remonstrances, principalement en ce que concernent les dangiers susdictz à luy proposez, afin que, s'en meslans voz gens, il ne se peust plaindre qu'ayez envers luy usé de menaces, mais plustost le prenne pour une honncste et amiable remonstrance, procédant de la singulière dévotion que tousjours mondict seigneur le légat luy a portée ; communicquant toutesfoys le tout ledict de Casai à vosdictz ministres et se y gouvernant entièrement par leur sceu, advis et conseil, et néanmoins estant d'autre part poursuivy tant par le bailly de Rouen, que freschement y avez envoyé, que par autres ayans charge par delà de voz affaires, le chemin et voye de remonstrer toutes choses servantes à l'efiect d'entretenir nostredict Sainct-Père en bonne voulenté, ainsi que voz lectres monstrent leur avoir esté baillé en charge.

Par ces moiens. Sire, semble à mondict seigneur le légat que infalliblement vous pourrez aider de nostredict Sainct-

(i) Le mot est resté en blanc dans la copie.

[Novembre iSaS

Père, estant mesmement advenu, comme il ne double que par vostre bon moyen bien tost il ne se face, l'effect de Ravenne et Servye, comme d'un bien bon amy et bien nécessaire poui' le redressement de voz affaires, comme trop myeulx, Sire, l'entendez que nul ne vous sçauroit ne dire, ne exprimer; estimant mondict seigneur le légat que là-dessus se peult très bien et très utillement dresser une bonne conclusion de paix à votre honneur et sans vostre desadvantaige, suivant par degrez les moiens que j'ay bien voulu mectre en ung petit abrégé par manière d'esclaircissement de ceulx que a portez Silvestre, afin. Sire, de ne vous ennuyer de si longue lettre. Lesquelz moyens et articles ne changent ou innovent, en aucune chose qui soit à vostre préjudice, la propre dépesche qu'avez envoyée par ledict messire Silvestre et ne vous ramènent à conditions autres ne plus dures que celles que consentistes estre par luy proposées, n'estans toutesfois à la vérité voz affaires pourceste heure du tout si florissantes ne en telle facilité qu'ilz estoient pour lors, et conscquemment se pouvant conclure que devrez prendre à grand bien que puissiez, ce nonobstant, avoir la paix à pris aussi raisonnable que à ceste heure là vous la vouliez actendre. En quoy. Sire, mondict seigneur le légat pense bien ne vous estre nécessaire mectre devant les veulx, veu la grand prudence et sain jugement dont autant estes garny que homme qui pour ce temps se puisse trouver, et en oultre la congnoissance d'affaires telle que si grande expérience des choses vous a jusques icy peu bailler, quel goust vous devez prendre à la conduicte de cest aftaire de paix, qui monstre s'oflrir telle et si à propos qu'elle semble plus des mains de Dieu que des hommes vous estre présentée.

Si veult-il bien, Sire, vous requérir et supplier en toute humilité que, prenant ses ad vis et records tout de la mesme sorte que si par Madame, sa bonne mère, ilz vous estoient présentez, et pensant fermement qu'elle ne vous sçauroit. non pas vous-mesmcs, porter affection plus entière au bien de voz affaires que luy y porte, veullez ung peu remectre en vostre ménioyre les grans pertes et dommages tant de gens que de temps et d'argeut qu'il vous a convenu faire depuis quelque temps en çà au moyen de ceste mauldicte et très

Novembre 1628]

pernitieuse guerre, sans qu'encores se puisse veoir eflfect de y avoir en aucune façon proullicté ne augmenté le bien ou estât ne de vous ne de pas ung de vos aiuys, et que, là où vous vous remectrez en continuation de guerre et dentreprinses sur entreprinses, comme il vous sera forcé de faire, n'embrassant à présent ceste doulceur si grande d'appoinctement et de paix, autre fruict n'en pourrez rapporter que tel qu'avez rapporté par le passé. Car, encores que fussiez certain de pouvoir par temps, ou au royaulme de Naples ou ailleurs, redresser voz affaires et les remectre en la prospérité mesmes qu'ilz ont esté ceste année, sans y compter pour riens tous les dangiers et hazards qui vous y poui*roient survenir et empescher que ne parvinssiez à la victoire, si ne sçauriezvous veoir une seuUe yssue de toutes les prospéritez susdictes qui se puisse dire ne proullictable ne plaisante, présupposant que ce que pourrez avoir gaigné ou conquis à si grand peyne et travail, si grand perte et de gens de bien et d'argent, comme il est forcé en telles choses qu'il se face, le fauldra rendre à celluy qui ne vous en sçaura gré ne grâce, et qui ne vous récompensera de voz frais ne pertes en façon nulle du monde, ne vous demeurant pour tout le fruict de voz victoires, sinon ung grand rcgrect, que par la raison vous devriez avoir, de laisser ce que à si grand labeur aurez acquis et une obligation grande envers ceulx, tant estrangiers que domesticques, qui vous y auront faict tel service, que ne leur pourrez honnestement dénier récompense ; concluant mondict seigneur le légat là-dessus que, trouvant à présent le chemin ouvert pour parvenir à la paix plus court, plus aisé et, sans comparaison, plus certain que par lesdictes entreprinses de guerre il ne sçauroyt estre, vous ne devez aucunement différer d'y entrer et le poursuivre si dextrement et si diligentement que vous en puissiez trouver bonne yssue.

Car en tant. Sire, que toucha les articles qui succinctement vous sont touchez, il ne semble y avoir chose ne déroguant au bien de voz affaires ne qui soit de difficile conduicte. Vray est que, estant dépesché messire Silvestre, pour aller faire les offres, sur lesquelz il est à présent, à l'Empereur, le poinct de la retraicte de l'armée de monsieur

[Novembre i5a8

de Lautrec estoit encores en la mesme dificulté ou plus grande que au temps mesmes que, estant là monsieur de Tarbes et le Président, elle fut cause de rompre la conclusion de la paix. Par quoy méritéement et à bonne cause avoient esté baillées plusieurs ouvertures audict Silvestre pour faciliter des deux costez ladicte retraicte ; et pour ce faict se mectoient en avant propos d'ostaiges et autres provisions semblables. Mais à présent ceste dificulté, qui estoit le seul empeschement de la conclusion de paix, est du tout ostée. Par quoy estant la mactière esclaircye en cest endroict, il ne reste que procedder à la conclusion des choses. Et, là où on vouldroit dire que pareille dificulté se trouveroit à présent en la retraicte de monsieur de Sainct-Paoul et de l'armée qu'il a en la Lombardye, cela semble fort aisé à souldre, veu qu'en ladicte retraicte n'y peult avoir aucun dangier, estans principalement conduictes et achevées les praticques de paix cest yver, comme facillement elles peuvent estre. Car, laissant bonnes garnisons es villes que vous et vos alliez tenez en ladicte Lombardie, vous ne debvez avoir craincte que, durant le temps qui pourra courir depuis ladicte retraicte, présupposé qu'elle sera préallable à la restitution de messeigneurs voz enffans, jusques à ce que nouvelles vous seront venues de ladicte restitution, y puisse advenir aucune perte ne dangier. Et si ne pourront alléguer voz confédérez d'Italye que, par ladicte retraicte, ilz peussent tomber en inconvénient, estant en ladicte Lombardye l'armée de l'Empereur si foible qu'elle est et n'ayant celle de Naples, encores qu'elle fust bonne et entière, ce qu'elle n'est pas, le inoien de pouvoir venir leur courir sus ou faire aucun dommage, principalement se conduisant les choses cest hyver comme dict est, qui n'est temps propice pour faire entreprinse sur ceulx qui demeurent garnis de ce qu'il leur fault dedans les bonnes villes. Et encores pour plus grande asseurance de toutes lesdictes choses se pourroyt, durant ledict temps et actendant la certaineté de la restitution de mcsdictz seigneurs les enfans, tenir ledict seigneur de Sainct-Paoul au Daulphiné, soubz coulleur d'estre en son gouvernement et garder autour de luy partyc de ses forces, afin de donner espaule à vosdictz confédérez et les tenir en seurté plus grande.

Novembre iSaS]

Quant est de Gennes, il semble. Sire, à mondict seigneur le légat en estre les choses plus réduictes à vostre utillité, combien qu'il vouldroit bien pour vostre contentement qu'autrement eu fust advenu, qu'elles n'estoient auparavant. Car, puisque vous consentiez de la mectre, par appoinctement faisant, es mains de l'Empereur, il vous sera beaucoup moins dommageable qu'elle demeure en neutralité. Et ne vous pourra aucunement ledict Empereur l'aire instance que la luy mectiez es mains, comme il faisoit par ci-devant, veu que c'est chose plus en sa puissance et disposition qu'en la vostre, et que luy-mesme a accordé aux Genevoys lestât où ilz sont à présent, et est cause de les y avoir faict mectre ; dont semble à mondict seigneur le légat que la despence, que feriez au recouvrement dudict Gennes, comme monstriez par voz lectres du vingtiesme du passé, encores qu'eussiez seurté d'en venir à chef, seroyt chose totalement perdue. Et, pour ce, vous conseilleroit laisser ceste entreprinse pour ceste heure et dissimuler la pugnition des mauvais tours, qui en ce vous ont par voz subjectz esté faictz, jusques en autre temps qu'aurez assez de moiens, recouvertz que seront messeigueurs voz enfans et voz afl'aires ung peu rabillez, de leur en faire porter la pénitence.

Et pour la cause mesnie ou pareille, seroit pareillement d'avis que, là où auriez quelque fantaisie de faire entreprlnse sur la ville de Millan, encores qu'en trouvissiez occasion bonne et preste, pensissiez bien deux foys avant que l'exécuter. Car, là où vous tomberiez à ceste heure en praticque de paix, comme il présuppose que ferez, et l'Empereur vouldroit demourer fiché en son oppinion de recouvrer ladicte ville, et mesmes vous y demanderoit assistance, comme il est à présumer qu'il pourra faire, il vous seroit beaucoup plus facille et aisé de promectre ladicte assistance et moins dommageable pour l'advenir que d'actuellement la bailler, comme par advautare, l'aiant recouverte, il vous conviendroit faire pour avoir messeigueurs voz enfans, oultre le danger qu'il y aura que, se conduisant ladicte cntreprinse de Millau et venant à effect, là où l'on seroit sur quehjue bonne conclusion de paix et surviendroient à l'Empereur nouvelles de la perte d'une telle ville, il s'en aigrist et fascheast d'une

[Novembre i528

telle sorte que cela interrompist l'effect de la praticque commencée. Est bien néanmoins d'advis mondict seigneur le légat que ne se doit cependant laisser que mondict seigneur de Sainct-Paoul ne se tienne en la Lombardye avec teste de gens si bonne qu'il puisse servir d'asseurance aux confédérez et de terreur à la part contraire.

De Hesdin et d'Ast ne veoyt, Sire, mondict seigneur le légat qu'il y ait mactière de dificulté , veu que l'offre d'iceulx est parmy les offres que messire Silvestre a de présenter pour estre délivrez avant la restitution de messeigneurs les enfans et permutation de leurs personnes avec l'argent; laquelle permutation semble la plus aisée du monde à conduire, comme de vous-mesmes. Sire, assez pouvez veoir, et aussi que, cest esté, tant par Morette retournant d'icy en avez esté suffisamment instruict, que par ce que par ordonnance de mondict seigneur le légat vous en ay faict entendre suivant ses bons et longs records ; par quoy n'est besoing de plus avant vous en dire.

En oultre, Sire, ayant mondict seigneur le légat employé tout son entendement à discourir et penser tous les moiens de la paix et ouvertures que à présent se peuvent trouver, et au contraire ce qui pourroit entrevenir pour rompre ceste tant bonne et louable entreprinse, m'a monstre, par plusieurs raisons, qu'il seroit convenable et merveilleusement à propos que. durant le temps de ladicte conduicte, se feist une tresvc générale, pour quatre ou cinq moys, sur la forme de la particulière qui est faicte par deçà; desquelles raisons la principalle est, que, estans les propos de paix rais en avant, et là où on en seroit en bons termes, il ne fauldroit que venir une mauvaise nouvelle de costé ou d'auti*e pour empirer les choses commencées, comme mutation de quelque estât de l'un des contrahens ou changement de party par aucun des confédérez de l'un ou l'autre, dont se pourroient remectre les choses au commencement et pour le moins s'en diférer la procédure jusques à ce que là-dessus nouvelles capitulations se consceussent entre Icsdictz contrahens ; qui vous pourroit estre longueur dommageable et retardant de plus en plus la restitution de messeigneurs voz enfans. Aussi bien ne se faisant ladicte tresve générale et demourans les

Novembre iSaS]

choses comme elles sont à présent, il n'est apparent que, en lieu quel quïl soit, aucun advancement ne adventaige en peust avenir en voz affaires, ne guières désadvantaige à ceulx de l'Empereur, mais au contraire vous fauldra tousjours faire despence au double pour le moins dudict Empereur, veu le train qu'avez commencé de tousjours nourrir gens à voz despens, et l'Empereur d'entretenir les siens de pilleries et aux despens daultruy. A quoy il vous supplie, Sire, vouloir bien et meureraent penser et au plus tost vous en résouldre. Car, là où l'ouverture de ladicte tresve vous semblera bonne et vous plairra luy en faire donner advis, incontinent par moiens indirectz, comme par celluy du cardinal Gampège, ou de soy-mesmes, ou d'autre qu'il verra estre pour moins donner de souspeçon, il fera que nostredict Sainct-Père fera procéder à ceste dicte conclusion de tresve, sans que luy ne autre puisse juger ne présumer que cela soyt venu de vostre costé. Et pour encores, Sire, retomber sur le poinct de la paix et de l'ouverture icy dessus touchée aucunement conforme à la demande de l'Empereur, il semble à mondict seigneur le légat que, estant suivy ce chemin tel qu'il est mis au petit abrégé d'articles que je vous envoyé, là où il seroit besoing pour la déliATance de messeigneurs vos enfans de le suivre, il ne seroit à craindre qu'aulcun,...

161. — « Abrégé faict de l'esclarcissement qui se pourroil faire es articles portez par messire Silvestre pour estre proposez à l'Empereur » [8 novembre 1628].

(Copie: Bibl. Nat., fr. .5499, fol. 3o-3i v: — ibid., fr. 298a, fol. 60. — Analyse : Brewer, Op. cit., vol. IV, part, m, app. n° 170) (i).

Il est premièrement à présupposer qu'en deux choses estoit demourée la dificulté de la conclusion de paix, lorsqu'on vint à l'intimation de la guerre, c'est assavoir en la révocation de l'armée de monsieur de Lautrec, et restitution des villes de Gennes et Ast et conté de Hesdin ; car là estoit le

(i) A la date inexacte du 16 mai i5a8.

/\5o JEAN DU BELLAY.

[Novembre iSaS

poiat de sçavoir si avant la délivrance de raesseigneurs les

enfans lesdictes révocation et restitution devroient estre

faictes.

Quant à ladicte révocation, la difficulté en est ostée; par quoy n'est besoin d'en faire autre dispute.

Quant à la restitution des villes : en tant que touche Gennes, le doubte pareillement en est osté, comme il est évidentement monstre es lectres du Roy ; en tant que touche Ast et Hesdin, le Roy avoit desjà avant le parlement de messire Silvestre consenty qu'il les rendroit, la paix conclute, avant l'actuelle délivrance de messeigneurs les enfans ; par quoy demoure cest article en la forme qu'il est contenu en l'instruction dudict Silvestre,

Reste seullement es demandes de l'Empereur non vuydées le paiement de deux millions d'or ; desquelz semble que tel offre se devroit faire qu'il a esté conceu par cy-devant, c'est assavoir VIII<^ ou XII" M escuz argent comptant, montant ausdictes sommes par degrez, et prenant la meilleure condition qu'on en pourroit obtenir, puis venant à l'extrémité à la plus grande ; et pour le reste du paiement, les obligations d'Angleterre pour une partye et pour le surplus seurté de bancquiers ou des biens de madame de Vendosme ou d'ostaiges, ou obligation du roy d'Angleterre mesmes, ainsi qu'en l'instruction dudict Silvestre est contenu.

Vray est que l'Empereur, comme il est contenu aux lectres du Roy, demande avoir préalablement paix avec le roy d'Angleterre, pour pouvoir user de luy comme de médiateur, et pareillement pour pouvoir prendre seureté de luy, là où il sera besoing qu'il luy en serve, pour le Roy très chrcstien, et réciproquement pour luy envers ledict Roy très chrestien.

En cecy est à considérer que, se traictant les choses comme il est contenu es lettres du Roy, c'est assavoir retirant l'armée de monsieur de Sainct-Paoul et baillant avant la main Ast et Hesdin, il n'est besoin à l'Empereur de prendre ledict seigneur roy d'Angleterre pour seureté en aucune chose; et conséquemment ceste mention de paix avec luy seroit superflue, sy n'est que le Roy très chrestien pour le parpaiement de la somme des deux millions voulust bailler ostages entre ses mains cl non entre celles de l'Empereur,

Novembre iSaS]

qui seroit toutesfoys, comme il semble, moins à propos que des autres seurtez cy-dessus mentioauées.

Néanmoins, là où il fauldroit venir à ce point de bailler ostages es mains dudict seigneur roy d'Angleterre ou par l'un des princes ou par l'autre, ou qu'il s'obligeast pour quelque reste de paiement envers l'Empereur, et pour cest effect le conviendi'oit mectre premièrement, quant à forme et apparence plus qu'autrement, en une espèce de neutralité, qui est ce que l'Empereur monstre voulloir prétendre, il fauldroit en ce cas-là que ledict seigneur roy d'Angleterre feist une paix avec ledict Empereur, qui ne l'ust pour changer ne innover aucune chose de Testât où elles sont à présent, sinon que ladicte paix les remectroit en amytié tout ainsi et en la sorte et manière qu'ilz estoient avant l'intimation de la guerre, à condition que, là où la paix entre le Roy 1res chrestien et ledict Empereur ne s'ensuyvroit, ladicte paix particulière dudict seigneur roy d'Angleterre seroit de nulle valleur et tenue pour non faicte, retournans les choses en Testât qu'elles sont de ceste heure.

Et quant à la permutation de messeigneurs les enfans avec l'argent tant comptant que obligations et seurtez susdictes pour le résidu, seroit suivy le chemin déclaré par Tinstruction de Silvestre, qui est mis si au clair qu'il n'est besoing le redire.

Estant suivy le moien mis en ces articles, se peult facilement veoir que, pour parvenir au bénéfice de la paix, le Roy ne mectra chose du monde eu hazart, si hazart se peult appeller, sinon Ast et Hesdin. Car de la révocation de l'armée de monsieur de Sainct-Paoul, s'il la faudra faire, ne fault compter cela pour hazart, comme plus amplement est monstre es lettres du Roy ; et Targent ne se baillera sinon quant et quant qu'on recepvra messeigneurs les enfans.

Clairement donc et manifestement se veoit la conclusion de la paix ne dcmourer plus sinon en la permutation susdicte de messeigneurs les enfans à Targent, qui souloit estre estimée la moindre difficulté. En quoy si le Roy veult mettre son entendement, y tenant Madame la main et messieurs de son Conseil, il ne passera Noël ou au plus tard la Chandeleur qu'il n'aict en ses mains messeigneurs ses enfans, qui Iny sera un trésor incomparable.

[Novembre i598

Sy ce chemin semble audict seigneur Roy estre bon et raisonnable, il n'a que d'envoyer en Espagne se joindre avec messire Silvestre et les autres ambassadeurs ung sage et advisé homme des siens avec bonne instruction de cest affaire et commission de conclurre, déclarant monseigneur le légat à l'Empereur avoir faict dépescher ladicte commission et avoir dépesché l'homme pour en ce satisfaire à sa demande, afin qu'il ne se puisse vanter que le Roy soit venu à luy demander appoinctement, et conséquemment qu'il l'aict amené à la raison.

D'autre part, s'il luy semble y avoir plus grand seurté en l'ouverture mise en avant par Salviati, mondict seigneur le légat est très bien d'avis qu'il la suive, suppliant ledict seigneur Roy que, de quelque lieu que vienne la délivrance de messeigneurs ses enfans, il la prenne, comme il est contenu aux lettres qui luy en sont envoyées, où plus à plein est traicté de ceste matière.

162. — Jean du Bellay à Montmorency. Londres, 8 novembre [1628].

(Orig. : Bibl. Nat., fr. 8037, p. 157-163. — Copie : Bibl. Nat., fr. 5499, fol. 10.S- ,oj v». — Impr. : Le Grand, Op. cit., t. III, p. 193-209. — Analyse : Bhbwsr, Op. cit., vol. IV, part. 11, n» 4916.)

Monseigneur, depuys mes lectres du XXVIP dupasse, j'ay faict ce que le plus importun et fascheuz homme du monde sçauroyt faire pour avoir de l'argent, et par troys foix, quelques empeschemens qui fussent par pays, me suys présenté à monseigneur le légat, auquel. Monseigneur, je ne sçauroye nyer que lesdictz empeschemens ne doibvent tenir quelque lieu, comme assez de foix vous ay escript ; mais cela n'est payement (').

L'une des foix, img grant temps s'en alla en discours des

(i) C'est sans doute à ces laborieux pourparlers que se rapporte le billet écrit par J. du Bellay à Wolsey et reproduit dans Brewer, Op. cit., vol. IV, part, m, appendice, n- 2i3, d'après l'original très mutilé du Brit. Mus., Calig., D. X, fol. 235. Autant qu'on en peut juger par des fragments, du reste à peu près informes, il s'agit de l'argent de la contribution.

Novembre i528]

grans lectres que j'eavoye, l'autre à les veoir; et à ehascune desdictes foix, je feiz pour la matière d'argent plus qu'il ne m'estoyt possible. La cause bien plaidoye; mon bon droyct la me feist gaigner, avec la bonne voulenté que je tiens que mondict seigneur le légat y a. Si ne ni'a-il jamais bien franchement [mené] jusques à hier qu'il fut exprès vers le roy pour ceste matière. Et, à ce que je puys entendre, y a eu quelque peu à débattre, et sçay qu'il avoyt porté avec luy toutes les lectres et papiers qui peuvent servir à monstrer les fraix que de ceste heure vous faictez en Italie.

Et notez, Monseigneur, que cela s'est gouverné comme se gouverneront toutes choses pareilles là où on aura à besongner à luy, c'est-à-dire entièrement selon la grant lectre où tant de foix vous remectz, dont je vous prye ne vous ennuyer, car plus voys en avant et plus la trouve véritable. J'avoye escript, ces jours, ung mot, me trouvant tant empesché, à monsieur de Bade et avoye parlé à quelques aultres, qui par advanture aura servy à abattre le mauvais vent. Je vous diz. Monseigneur, tout cecy à fin que cognoissez entièrement comme les choses passent. Pour conclusion mondict seigneur le légat m'a asseuré suz sa vie de me dépescher dedans troys ou quattre jours et desjà y avoir donné ordre. Je me contenteroye bien de six et qu'il n'y eust plus de faulte.

Au demourant. Monseigneur, oultre les longs records que verrez es lectres du Roy, mondict seigneur le légat me dist hier que le roy, son maistre, et luy trouvent très bon vostre moyen de praticquer la paix par voye de nostre Sainct-Père, n obmectant toutesfoiz la leur, si y voyez apparence. Mais pour vous dire ce qu'il m'en semble, je souloye veoir évidentement que la leur beaucoup plus plaisoyt à mondict seigneur le légat; et ne se fault esbahir s'il eust voulu avoir ung tel et si grant honneur. Mais je le voy venir à ceste heure franchement à la voye de nostre Sainct-Père. Et de faict pensent desjà d'envoyer homme d'estat à Rome se joindre avec voz ambassadeurs, à fin que là on besongne à bon escient, et désirent que au plus tost ilz puyssent entendre la voulenté du Roy là-dessuz. Je présuppose. Monseigneur, qu'ilz veoyent facilement que, estant ce divorce es termes qu'il est, n'en fault de leur costé actendre asseurance; et davantaige,

[Novembre 1628

voyans que nostre Sainct-Père désire fort cest honneur, ilz seront contens pour ladicte matière de en cela luy complaire. Quant à nostredict Sainct-Père, Gampège presche tant et tant la grant voulenté qu'il en a et ce qu'il est délibéré de faire, endurer et comporter pour cest effect que je ne me puys guarder d'en croire quelque chose, joinct que par toutes les raisons du monde il doibt estre en ce propoz. Monseigneur, hier, après que mondict seigneur le légat se fut bien courroucé de la grant importunité que luy faisoye pour ceste expédition d'argent, laquelle importunité, il fault dire, ne luy estoyt petite, considéré les affaires où il est, et que, nonobstant cela, nous feusmes à la fin accordez, il me vint à demander si avoye advisé à ce que, ung jour auparavant, il m'avoyt tant pryé d'adviser, c'est asçavoir si je pourroye trouver que le mariaige du roy n'eust jamais rien valu et que le Pape n'en ayt sceu dispenser. Or notez, Monseigneur, que, après force discours et disputes qu'eusmes ledict jour, nous vinsmes à tomber suz ce divorce, monstrant luy la grant disjonction qui en viendra avec l'Empereur et confirmation perpétuelle de nostre amytié, qui sera entièrement selon ses desseings et entreprinse. Et me vint, comme parlant à celluy qu'il tient des plus féaulx conseillers du roy, son maistre, et autant pour son amy que son propre frère (ce que j 'avoye acquis envers luy pour mes science, vertuz et tout plain d'aultres belles choses), compter Testât où ilz en estoyent, qui est, Monseigneur, ce que, par mes lectres du XXVIP, vous manday, car de lieu bien certain l'avoye entendu. Puys me dist avoir sceu par aulcuns,tant prélatz que docteurs de deczà qui avoyent eu communication avec moy, que j'estoye ung grant théologien ; me pryant là-dessuz luy vouloir dire ce qu'il m'en senibloyt et si je pourroye monstrer le mariaige qui est de présent estre tel que le Pape n'en ayt peu dispenser, car ce seroyt ung des plus seurs poinctz qu'ilz eussent et là où ilz sont le plus fondez. Combien que de cela. Monseigneur, quattre jours auparavant vous en avoye mandé ma fantasie (0, toutesfoiz, après quelques

(i) La lettre à laquelle Du Bellay fait allusion ici serait du 3 ou du 4 novembre. Nous ne Tavons pas retrouvée.

Novembre iSaSJ

excuses suz mon aage et peu de science, luy respondiz n'y

avoir jamais bien pensé et n'en povoir facilement respondre.

Nonobstant il me prva très fort y vouloir adviser et sans

faveur ne aultre esguard luy mectre par mémoire ce qu'il

m'en sembloyt, suyvant purement et simplement la Saincte

Escripture, sans y mesler opinion de docteurs ne de gloses.

Voylà ces termes. Pour abréger, Monseigneur, je ne luy eusse sceu reliuser de le faire. Et par ma foy je luy en ay mys ce qu'il m'en semble en ma conscience ; et, là où l'eusse autrement pensé, je m'en feusse teu ou demouré en suspens. Je n'ay eu loysir de le rescripre. car je n'ay eu que img jour de terme. Par le prochain le vous envoiray, afin de vous rendre compte de tous mes actes. Monsieur de Bourges (0 lentendra myeulx que vous ; sil luy plaist, il vous y servira bien de truchement. Estant ceste dernière foix avec mondict seigneur le légat, en ce qu'il a eu loysir d'en veoir, il a monstre y prendre goust. Je croy bien que c'estoyt pour ma présence.

Et après beaucoup de mercyemens et belles loucnges me prya de la part de son maisti'c escripre bien seurement et secrètement à Madame ce que je luy escriptz (=>) touchant ceste matière, comme vous pourrez entendre. La cause pour quoy il faict à madicte Dame ceste requeste, il dict estre pour mouvoir le cardinal Campège et luy povoir monstrer que non-seulement ceulx de deczà, qu'il se pourroyt présumer estre afTectionnez, mais cncores ceulx de delà, sçavans hommes, se conforment en cest advis; pour autant que, estant la vuidange de l'affaire remys suz la forme que vous ay escript, il ne faict doubtc que la royne, qui a mandé quérir du conseil, ne facze faire force belles et grandes remonstrances audict cardinal Campège, principalement y ayant de longue main pourveu comme il s'entend. Et pour ceste mesmes cause m'a pryé mondict seigneur le légat de la part de son maistre que, me trouvant avec ledict Campège, je trouve

(i) François de Tournon, né en 1489, archevêque d'Embrun en iSij, pourvu du siège de Bourges en i52.5 ; la même année, il avait été chargé de négocier en Espagne, avec le président de Selvc, le traité de Madrid. Il obtint en décembre iSag le chapeau de cardinal. Nous le retrouverons ambassadeur à Rome de novembre i532 à septembre i533.

(2) Nous n'avons pas retrouvé cette lettre.

[Novembre iSaS

moyen de faire tomber la matière à propoz et luy monstre comme de moy-mesmes les raisons qu'il me semble estre en ceste matière, ayant, comme il dict, congneu que ledict cardinal feroyt estime de ce que je luy en diroye. Et pour monstrer, Monseigneur, audict Gampège que ce qui en seroyt envoyé de delà ne fust chose controuvée, mondict seigneur le légat désireroyt que ce qui m'en seroyt envoyé fust signé des mains des ouvriers. Là-dessuz, Monseigneur, j'ay pensé, et suz l'heui'e mesmes qu'il m'en fut parlé, qui le povoit mouvoir de me tenir telz propoz, et en partie pour cela ne me vouluz haster d'en respondre.

Il n'est rien plus vray que aulcuns de ceulx de deczà qui ne trouvent la chose bonne disent que, quoy qu'on facze, qui espousera la princesse sera après roy d'Angleterre ; et pour ce je doubtoye qu'il voulust venir par moyens indirectz à nous faire confesser le mariaige estre nul, à fin de par cyaprès ne nous en povoir ayder là où le mariaige de monsieur d'Orléans tireroyt oultre, combien qu'il monstrast parlant à moy de y venir bien ouvertement et rondement. Vous y adviserez, Monseigneur. Quant à moy j'ay pensé ne pouvoir faillir à luy en satisfaire, car je ne luy en ay riens signé ; et encores que je luy eusse baillé soubz mon seing, n'estant mon opinion fondée en i*iens suz mandement ne vouloir du maistre, elle ne sçaiiroyt jjorter préjudice ; par quoy, voyant qu'il m'en pressoy t si fort, ne povoye faillir de luy eu bailler ce que ma conscience m'en juge, dont je ne pense riens avoir guasté.

Pour le surplus vous y sçaurez adviser à ce qu'il demande d'en avoir de delà, Ce qu'en puys faire est de vous dire pour meilleure information ce que j'en voy, à fin que myculx y puissiez asseoir jugement. Il est riens plus vray, Monseigneur, qu'ilz s'en trouvent bien empeschez, comme aultresfoiz vous ay escript, et principalement que peu de leurs docteurs veulent condescendre à leur opinion, et si ne sont pour y condescendre, encores qu'ilz pensassent le povoir faire et debvoir, pour les causes qu'aultresfoiz vous ay mandées. Les cardinaulx ont bien entière et plaine puissance d'en cognoistre, et croy que c'est avec la clause conjoinctement ou séparément. Mais, encores que celluj' de deczà le

Novembre i528]

peust faire, si ne le feroyt-il jamais sans l'autre ; car, en estant la matière si avant qu'elle est, seroyt pour l'advenir grant destruction de la cause, si l'autre, soubz quelque couleur ou excuse qu'on y peust forger, n'en eust pareillement donné sa sentence. Et de luy il n'est riens plus certain, et le sçay d'ailleurs, qu'ilz ne s'en tiennent asseurez. Car il tient ces termes que entièrement il ensuyvra le jugement de sa conscience et que, là où il pourra cognoistre le divorce se povoir faire, il franchira le sault, non aultrement; etne sçayton encores à quoy s'en tenir de luy, qui pourroyt estre la cause, comme je croy qu'elle est, qu'ilz vous demandent secours. Si parmy cela y a aultre chose de caché je n'en puys juger plus avant. Voylà tout ce que j'en sçay. Quoy qu'il y ait. Monseigneur, si on veult complaire au roy et à mondict seigneur le légat en cest affaire, pour Dieu que la chose soyt tenue secrette ! Je croy que sçavez bien ce qu'ilz disent faire de la princesse là où le divorce procédera; c'est de luy donner bon et gros mariaige, ne luy laissant en ce qu'ilz pourront y remédier droict ne prétension ou royaulme. L'article suz quoy il fault avoir les opinions dont je parle, je le vous ay mys en ung billet en ceste lectre(i). Monsieur de Bourges, comme je vous disoye cy-dessuz, l'entendra myeulx que vous ; aussi fera bien, monsieur le Président (2), Pour ce, le vous ay mys hors de vostre lectre. Bien vous veulx dire qu'en la matière monseigneur le légat y va à ceste heure courant, voyant les choses si avant qu'il ne sçauroyt en toutes fuczons aultrement faire.

Au demourant, Monseigneur, monseigneur le légat m'a pryé vous escripre que teniez la main que bonnes provisions soyent faictes en la Lombardie pour le passaige des courriers qu'ilz ont si souvent d'envoyer ; je croy qu'on leur en a tué quelqu'ung. Aultrement ne leui's affaires ne les communs où ilz mectent la main ne se pourroycnt conduyre. Freschement ilz ont envoyé vers le Pape pour l'advertir de lestât où ceste matière est à présent; mais à graut paine trouvoyent-ilz courrier qui le voulust entreprendre.

<i) Nous n'avons pas retrouvé ce billet.

(2) Probablement Jean de Calvimont, président au parlement de Bordeaux.

[Novembre iSaS

Quant aux couleurs que demandez, il y en a de deux sortes. Je croy bien que ne voulez les communes. Les myeulx aymées sont noir, jaune et violet, je ne diz pas jaune doré. Plus tost le vous eusse mandé, mais il me faschoit trop de vous faire dépesche sans avoir meilleure asseurance d'argent, qui a esté cause que si longtemps ay guardé les grans leclres du Roy que j'ay faictes pour monstrer à monseigneur le légat, comme pourrez veoir; et dez le lendemain de Toussains les lu^ monstray.

Je vous envoyé ung double des dernières lectres qu'ilz ont eues de Viterbe. Il est icy quelque bruyt que grant mutinerie a esté à Millan et les Espaignolz mal traictez, mesme Antoine de Lesve (i) tué. L'ambassadeur de l'Empereur le disoyt hier secrètement à quelqung. Le Roy en a eu quelque vent et en faict grant feste; et vous promectz, Monseigneur, que plus grande démonstration d'amytié il monstre et plus apertement beaucoup par tous ses propoz envers le Roy qu'il ne feist jamais.

De l'homme dont Babou m'a escript encores ne se sçayt riens, car on me parloyt de l'envoyer en Espaigne en poste dresser les affaires, ou mon frère (2), pour avoir entendu qu'il est bien saige et bien froyct. Voylà les motz, je croy bien que de l'ung c'estoyt pour me cuyder faire plaisir. Et le tout actendant que monsieur le Président (3) se y peust acheminer, qu'on désireroyt fort manyer telles choses. Je vous laisseray beaucoup de parolles à ce propoz ; car, quant tout est dict, elles vous seroyent superflues. Je paye comptant le plus que je puys de telles matières pour ne vous en mectre en paine. Je m'advantureray, Monseigneur, de vous dire ce mot que vous prendrez de bonne part. Je présume par la lectre de Babou ce que je ne sçay si je doibz présumer ; mais il vous sçaura bien suzvenir que voz marchans sont dangereux. Je debvroye quant et quant confesser que c'est d'autant plus grant sottye à moy de le vous dire;

(1) Antonio de Leyva était gouverneur du Milanais et chef des troupes impériales opposées au comte de Saint-Pol en Lombardie.

(2) Guillaume du Bellay, qui se trouvait en ce moment à la cour.

(3) Jean de Calvimont avait déjà été envoyé en Espagne; parti le 25 avril i526, il en était revenu le 3o juin précédent. Cf. i3ibl. nat., fr. 10406, fol. 55 bis v-56; Clairambault, vol. iai5, fol. 63 ; Arch. nat., KK 96, fol. 606 v".

Novembre iSaS]

mais je le faiz pour quelque vent que j'ay eu de choses tendantes là-dessuz, dont plus certainement vous sçauray dire par mes premières lectres.

Monseigneur, je me recommanderay....

De Londres, le VIII' de novembre.

J. DU Bellay, évesque de Bayonne.

163. — Jean du Bellay à Montmorency. Londres, 17 novembre [1028].

(Orig. : Bibl. Nat., fr. 3o7j, p. i6:-ij3. — Impr. : Le Grand, Op. cit., l. III, p. 209-221. — Analyse : Breweh, Op. cit., vol. IV, part. 11, n' 494^)

Monseigneur, jeudi dernier <'), je receuz les lectres du Roy et trois vostres du premier de ce moys^^), lesquelles ne monstray à monseigneur le légat, pour me sembler les choses nestre du tout en termes de trop les poindre pour plusieurs raisons : entre aultres que desjà j'avoye asseurance de toucher deniers, qui est matière si chattolleuse que, la trouvant en bons termes, on ne la doibt estranger ; davantage que auparavant luy avoye monstre vostre advertissement du XXVIIl* du passé touchant les mutinemcns qui monstroyent par là se brasser, et ung article des lectres du Roy venoyt quasi directement le poindre là-dessuz, disant que. Dieu mercy, son royaulme estoyt bien entier et en union, et aultres choses de mesmes semblans quasi retomber en faczon de reproche, estant l'autre matière passée par leurs oreilles si freschement quelle estoyt.

Par quoy, voyant que plus povoit avoir de dangier à monstrer lesdictes lectres que à les guarder, aymay myeulx faire l'ungquel'aultre. Cognoissant, Monseigneur, ma conception, je croy que ferez que la chose ne sera mal prinse, et

(i) Le n novembre.

(2) La lettre du Roi et deux de celles de Montmorency n'ont pas été retrouvées.

46o JEAN DU BELLAY.

[Novembre i528

d'autant plus que je ne failly à bailler à mondict seigneur le légat, la substance du surplus desdictes lectres le plus dextrement qu'il me fut possible et vous promectz que luy touchay en passant bien vivement de la perte de monsieur de Gueldres, àquoyilne s'accrocha, et voyant ce, je passay tout oultre pour ne monstrer de chercher tout exprès querelle.

Ce fut après que je luy euz justifié la cause du Roy en tant que touche Ravenne et Servye entièrement selon le contenu de ses lectres, et pareillement que luy euz faict l'ouverture d'envoyer vers nostre Sainct-Père. s'il le vouloit ainsi, avec la dépesche contenue esdictes lectres ; luy remonstrant que, combien que le Roy, par trop malcoutenter les Véniciens, peust tomber en dangier évident de les perdre, et que desjà ung des meilleurs amys et serviteurs qu'il eust en ce monde il eust perdu pour en avoir tenu trop peu de compte et pour l'avoir abandonné en la tresve à la grande et extresme instance du roy, son bon frère, et de luy, ce qu'il n'eust faict pour tout le reste du monde, encores néantmoings estoyt-il prestet appareillé de se mectre en pareil ou plus grant dangier envers lesdictz Véniciens, là où il se trouveroyt quaultrement l'affaire dudict seigneur roy ne se pourroyt vuyder, pourveu toutesfoiz que telle provision y fust donnée que, au cas que telle alliance et si importante pour les affaires communs se perdist, on en recouvrast une aultre sinon telle et si grande, à tout le mains en quelque chose prouflitable, c'est assavoir que nostredict Sainct-Père, avant la main, vint à entrer en la Ligue et à se y déclarer ; auquel cas le Roy estoyt prest. pour en toutes choses complaire au roy, son bon frère, et audict seigneur légat, de faire tout envers lesdictz Véniciens pour les ramener au poinct qu'il demande.

A cela, Monseigneur, il me respondit, mercyant très humblement le Roy de sa bonne voulenté et affection, qu'il y adviseroyt et en parleroyt au roy, son maistre, puys après m'en feroyt responce. Il me semble bien. Monseigneur, que le choix party n'est pas mauvais à leur présenter pour leur monstrer le tort n'estre de vostrecosté ; et, s'il est ainsi offert à nostre Sainct-Père, il ne fault avoir craincte qu'il soyt pour l'accepter. Si tiendray-je bien termes à ceulx de deczà

Novembre i528]

que, ce faisant, vous estraignez terriblement et verray qu'ilz m'en respondront.

Je diz à mondict seigneur le légat, que, estant adverty par moy desEspaignolz quitenoyent toute ceste mer destroussans tous les Françoyens qui se y trouvoyent, ne m'aviez voulu escripre de chose de tel poix sinon en chiffre qui estoyt la cause que ne luy monstroye l'original de mes lectres.

Au demourant. Monseigneur, mondict seigneur le légat, tant au nom du roy, son maistre, que du sien, vous mercye de vostre bonne adection envers eulx et de l'amytié que leur monstrez qu'il n'est possible de plus grande, tant que je ne sçauroye suffisamment l'exprimer. Et ont merveilleusement poisé et calculé vostre advertissement, y voulans mectre soing et diligence telle que l'affaire le requiert, mais vous pryans davantaige, suz tous les plaisirs que jamaiz leur voulez faire, que vueillez, sans y riens espargner ne de despence ne d'arays, enfoncer la chose pour sçavoir plus avant que c'est, à lin de y venir par le menu à vérification des choses et de y donner tel ordre qu'il est requis et nécessaire. Et là où en pourrez plus avant cognoistre, ilz vous supplyent que me vueillez le révéler en confession pour le leur bailler secrètement ; et, suz leur honneur et serment, que du personnaige de qui le tenez ne pareillement de celluy de qui il prent fondement, jamais n'en sera nouvelle ; qui est chose qui beaucoup leur pourra ayder, avec aultres moyens, à esclarcir plus avant la matière, se fyans bien en vous que, en chose qui leur touche de si près, leur ferez ce bon tour d'en user envers eulx comme ilz feroyent envers vous en cas pareil. Il vous plaira, Monseigneur, y adviser et au plus tost en faire responce, car cependant, à ce que je voy, ils en seront en grant paine.

En brief, Monseigneur, ilz envoyront le docteur Alain (0 vers nostre Sainct-Père avec commission de traicter de la paix avec voz gens si les choses sont en ces termes. Ledict docteur a esté depuys naguères faict chancellier et vice-

(i) John Alen, archevêque de Dublin depuis le mois d'août précédent. C'était un familier de Wolsey, qu'il avait suivi dans son voyage en France (juillet-août iSaj), servant de courrier entre le cardinal-légat et le roi d'Angleterre. Sa nomination à la charge de chancelier d'Irlande datait du 19 septembre.

[Novembre i5a8

légat d'Irlande avec une bonne archevesché au pays. Je croy bien qu'il la fera expédier ce voyaige et pareillement l'évesché de monseigneur le légat tout d'une venue, aussi qu'il aura quelque charge des matières qui sont en termes, car il est homme qui les entend et s'en mesle. Mondict seigneur le légat ne trouve icy aiséement moyen de y faire tenir argent pour son expédition ; il m'a pryé sçavoir de vous au vray en quel temps et par quel moyen en ferez tenir au seigneur Rence, à fin de l'en advertir. Vous luy ferez fort grant plaisir si luy y povez faire tenir XV ou XVI"' escuz seurement sans qu'il luy coste guèrez ou rien. Il me semble, Monseigneur, que, si en avez le moyen, ne luy debvrez faillir. Il a cherché toutes les banques d'icy, mais c'est une chose trop bestiale de l'intérest qu'ilz demandent à cause qu'ilz disent ne se trouver argent comptant à Rome. J'ay donné charge à ce porteur de vous en faire souvenir, lequel vous rendra bon compte de l'argent que j'ay receu, rabattant ce que le Roy m'a ordonné faire tenir à Morette et à mon frère, et pareillement, selon ce qui m'en a esté mandé, ce qui me restoyt de mon estât.

Vous sçavez. Monseigneur, quant audict estât, que tant le Roy que Madame vous ordonnèrent le moysde juing, Morette retournant d'icy, que fusse mys à quinze francz par jour, comme je ne faix doubte que n'ayez faict, car je suys seur que ne m'auriez voulu faire ce tort de n'avoir en chose si raisonnable ensuivy leur bon vouloir. Pour la confiance que j'en ay, je compte lesdictes XV livres du commencement de juillet jusques à ceste heure. Vous povez hardyement croire qu'il ne faict mains cher vivre icy que quant y estiez, mais la moyctié davantaige ; et d'autant plus fera que la court n'y fut si grosse il y a vingt ans, et est apparent qu'cncores elle continuera d'estre.qui n'est pas, comme assez entendez, sans que j'aye compagnye. Et quant tout est compté, j'ay faict. Monseigneur, jusques icy tout ce qu'avez voulu, mais je vous promectz que je ne sçauroye plus guèrez porter le faix, comme aussi bien le sçavez que moy-mesmes, et desjà bien le sçaviez quant me bailliez de troys moys qui desjà me sont convertiz en quattorze, non pas sans trop plus grant honneur qu'il ne m'appartient, mais il fauldroit que ma

Novembre i3a8]

force fust de mesmes ma voulante. A quoy je vous supplye, Monseigneur, vouloir penser le plus tost qu'il vous sera possible, car je suys à but de tous costez fors que de Bayonne où je suys payé au temps qui court eu belles gambades (0. C'est trop de ce propoz, mais je ne me puys tenir de vous en bailler quelques foix souvenance. *

Quant, Monseigneur, au mariaige de deczà, on actend ce conseil de Flandres dont vous ay escript qui est en partie d'Espaignolz. J'en ay esté en propoz avec le cardinal Gampège long temps. Il monstre estre dur à l'esperon, et croy que peu de gens sçavent où l'on en est. Par bons moyens nous entrasmes en matière et longuement en débatismes, me mectant luy les termes en avant et me monstrant les dillicultez et me pryant suz chacun poinct luy en dire ma fantasie. A la fm nous en demourasmes qu'il deist des deux opinions, la mienne estre invincible, l'autre néantmoings estre fort soustenable, mais que d'en venir là de dire que le Pape n'ayt peu dispenser seroyt subvertir sa puyssance qui est infinie, comme monstrant craindre qu'on vueille prendre la chose par là. Par quoy, monseigneur le légat voyant ces termes, vouldroyt qu'on Iun»^ poussast cela royde, à fin de le faire tomber à déclarer la dispense mal fondée plus tost que de tomber en l'autre inconvénient. Ce qu'en feray. Monseigneur, en cesl endroict sera sans m'y mectre trop avant et, si je puys, sans riens y guaster. Ce que, à l'instance de mondict seigneur le légat, en ay mys par escript en peu de parolles, je l'envoyé, suyvant ce que vous manday par mes aultres lectres, à monsieur de Bourges, et ung petit mémoire par lequel pourrez cognoistre où l'afFaire est à présent et en quel estât (2).

Dimanche y eut huyt jours, le roy feist dudictaffaire grande et longue remonstrauce au maire de la ville et tous ceulx de son conseil (^*, — qui est, comme sçavez, grant nombre

(t) On trouve Bibl. nat., Cr. 3o";, p. 85, une requête adressée à Montmorency par les bénéticiers du diocèse de Bayonne, pour se faire exempter du paiement des décimes que Clément VII avait autorisé François I" à lever sur le clergé de France (i5a7). Les termes de cette requête confirment l'état de pauvreté et de misère auquel fait ici allusion Du Bellay.

(a) Nous n'avons pas retrouvé ces documents.

(3) Voir à ce sujet Hall's Chronicle, p. 8o5.

[Novembre i528

appeliez tous ensemble, car non-seulement y avoit faict venir ceulx de son estroict conseil mais la plus part des gros seigneurs du pays et aultres personnaiges ayans en divers lieux charge de ses affaires, — n'espargnant en ses propozles bons tours dont luy a par le passé et à présent usé l'Empereur, et au contraire la grande amytié et honnesteté qu'il avoyt trouvée au Roy, son frère ; leur déclarant en oultre le scrupule de conscience où de long temps il s'est trouvé de l'affaire susdict, qui terriblement luy a augmenté depuys qu'ung évesque françoys, grant personnaige et sçavant homme, signifiant monsieur de Tarbe, estant pour lors ambassadeur deczà, en avoyt tenu en son conseil termes terriblement exprès (i). Par quoy vouloit pour myeulx asseurer la succession de son royaulme et pourvoir au bien et repoz de ses affaires, pareillement de ses bons subgectz et amys, sçavoir et entendre au vray ce que par droict et raison s'en pourroyt et debvroyt juger ; laquelle raison il estoj^ délibéré d'entièrement suyvre, et que, si ce pendant se trouvoyt homme quel qu'il fust qui en tint aultres termes qu'il ne fault tenir de son prince, il donneroyt à cognoistre qu'il est maistre, et croy qu'il usa de ces termes qu'il n'y auroyt si belle teste qu'il n'en feist voiler.

Et quant à ung article. Monseigneur, où dernièrement par mes lectres me remectoye à plus amplement m'en informer, c'est que depuys peu de jours la royne disoyt à quelqung bien son familier qu'on laissast faire et le Roy et le roy d'Angleterre, que à la fin l'Empereur appoincteroyt comment que ce feust, mais qu'on se pourroyt tenir seur que ce qu'il feroyt seroyt pour mieulx venir à ses actaintes ; qui est quasi le mesmes langaige que une aultre foix elle avoit dict, comme vous manday en chiffre. Or entendez, Monsei-

(1) Sur ce qu'il faut penser de celte imputation que les ambassadeurs français au printemps de iSa^j auraient insinué ou fortifié en l'esprit de Henry VIII l'idée du divorce, voir : James Gakdiner, New Lights on the divorce of Henry VIII, dans VEnglish lUstorical Heview, i8ç)6, p. 6:^3-680 ; A. Drklx, Le premier divorce de Henry VIII et les relations entre la France et l'Angleterre de lôjy à if)34^ dans Positions de thèses de l'Ecole des chartes de igoo, p. 43-62; St. Ebsbs, Die pupstliche Dekretale in dcm Scheidungsprozesse Ilcinrichs VIII, dans Historisches Jahrbuch, i888, p. 6ii-6i3. Il n'y a rien dans les documents qui sont restés de cette ambassade qui permette d'affirmer que l'idée du divorce ait été suggérée à Henry VIII par les agents de François I".

Novembre i5a8]

gneur, que depuys six jours s'est mys parmy la court ung grant bruyt que le Roy et l'Empereur appoinctent ensemble et laissent cestui-cy derrière et que tout retombe suz ses espauUes. Je présume qu'il n'est pas semé par gens qui bien nous viieillent; vous entendez. Monseigneur, pour quoy c'est que je le vous diz. Aultre bruyt est qu'avez faict tresves en Italie et en Espaigne et en a eu le roy quelque advertissement depuys troys jours ; je ne sçay s'il l'a eu de lieu certain. Pareillement se dict que monsieur de Sainct- Paoul est en France, dont beaucoup de gens s'csbahissent, sinon qu'il feust vray de la tresve. J'entendz que ceulx de deczà, vovans les Flamens faire les braves et user de force menasses, veulent envoyer à Galays milord Feuvastre(') estre le lieutenant du roy et pourveoir que rien ne se facze à leur préjudice. Quant au pays de deczà, il n'y a personne qui bransle ; bien se faict quelque guerre suz la frontière d'Escossc pour le comte d'Angouz, auquel le roy a donné quelque ayde d'argent et de gens, comme j'entendz, pour le remectre en ses terres, ce que le roy d'Escosse ne veult souffrir, sinon qu'il abandounast certains parens qu'il a, plus Angloys de cueur qu'Escossoys et gens plains de mauvaise voulenté. Grosse assemblée se debvoyt faire à Barvich'^) à ceste Toussains et force ambassadeurs d'Angleterre et d'Escosse pour accorder de toutes choses.

Au surplus, Monseigneur, j'ay faict entendre à monseigneur le légat ce qui m'estoyt mandé touchant le seigneur domp Hercules. Il me respondit qu'il ne vouloyt ne conseiller ne desconseiller le Roy de mectre l'ouverture en avant, et que ce qu'il en avoyt dict n'estoyt sinon par manière d'advis, et que les raisons que le Roy alléguoyt estoyent très bonnes. Quant tout est dict, Monseigneur, il pensoyt qu'eussiez desjà donné charge de mectre le propoz en avant au Pape, et en avoyt advertissement de quelque part, et vous vouloyt donner à cognoistre qu'il ne le trouvoyt maulvais ; c'est ce qui luy en feist tant dire.

Hier le roy retourna à Grinvich où six jours au paravant

(i) Peut-être Robert RadcIiT, vicomte de Fitzwalter, plus tard comte de Sussex.

(2) Berwick-sur-Tweed (comté de Berwick).

[Novembre ibaS

estoyt allée la royne, laquelle monstre bien à ceste heure estre triste plus beaucoup qu'elle ne souloyt; toutesfoiz elle demoure ferme de ne se rendre poinct et consulte fort ses matières.

Je n'ay, Monseigneur, encores prins quictance de monseigneur le légat pour la pension de ceste année comme il est tenu de la fournir, pour ne luy bailler au pourchaz d'icelle à quoy s'attacher et prendre occasion de longueur; qui est pareillement la cause que ne luy ay touché de ce qui m'estoyt mandé touchant la quictance qu'il demandoyt. Je pourchasseray la sienne incontinent que l'argent sera party et verray de l'autre qu'il vouldra dire.

Monseigneur....

De Londres, le XVII' de novembre.

Vostre....

J. DU Bellay, évesque de Bqj'onne.