Jean du Bellay à Montmorency . Londres, 20 décembre

(Orig. : Bibl. Nat., fr. 3oo'3, fol. 17-18 v; 3079, p. ii-i8. — Copie : Bibl. Nat., fr. 5499, fo'- '24 bis i~-i27 r-. — Analyse : Brbwek, Op. cit., vol. IV, part. 11, n« 5o53 et part, m, app. n» 224. — Impr. : Le Grand, t. III, p. 245-258, pour la partie contenue au ms. fr. 3079, seulement).

Monseigiieur('), Jcpuysladépesche que vous feiz du XIII», ay communiequé à monseigneur le légat ce que à sa requeste j'avoye mis par escript; et là où ay peu congnoistre y pouvoir advenir difficulté luy ay mis en avant et premièrement, me fondant en grand partye sur vostre lectre du IIP (=»), qui me y a servy d'instruction, suys venu, comme de moyraesmes et sans riens luy communicquer de ladicte lectre, à luy discovrir les dillicultez et inconvénient/ que veoye en sa délibération quant à ung poinct, luy mectaut devant les yeulx que, estant la chose conditionnée comme elle est, quant à ceste indiction de tresve, je veoye grand dangier à la conduicte des affaires ; car, comme verrez par la lectre du Roy (3)^ ses records chantent que. préallablement et avant que nostre Sainct-Père feist ceste indiclion de tresve, la restitution se feist de Ravenne et Servye et se ordonnast la garde dont est question, en quoy pourroit avoir telle longueur de temps, principalement quant à ladicte restitution, encores que les Vénitiens lussent contens de la faire, ce qui nest toutesioiz bien certain, que seryons tombez au temps qu'il fault ou se niectre bien avant en besongne ou par l'aulte de se y mectre augmenter le cueur et réputation de l'Empereur et totallement diminuer la nostre.

Cela, Monseigneur, à ceste heure est solu par la voye qu'il mect en avant, car scullement il propose que suz le champ soit dépesché le faict de ceste guarde; et pour cest ellect, oultre la commission qu'il en baille au docteur Kenit, il en baille aussi une ample au présent porteur adressante aux ambassadeiu's

(i) Ce début est dans le ms. fr. 3oo3, fol. 17 r et v.

(2) Nous n'avons pas retrouvé cette lettre de Montmorency du 3 décembre qui accompagnait celle du Roi du même jour. (3^ Non retrouvée.

5o6 JEAN DU BELLAY.

[Décembre i5a8

qui desjà sont à Rome ('), aûn que, incontinent qu'ilz l'auront receue, ilz besongnent en l'affaire le plus dUigentement qu'il sera possible, et c'est la cause pourquoy ilz dépeschent cedict porteur en extresme diligence. Ladicte commission vous sera communicquée. Il désire surtout qu'en faciez à voz ambassadeurs une pareille et supplie le Roy et Madame et vous prye, Monseigneur, le plus affectionnéement du monde, qu'il y soit usé de diligence, s'il est ainsi que la trouviez bonne, comme il ne doubte que ne soiez pour faire.

Par ce moyen, après avoir calculé le temps et les jours, il fait son compte que, avant la my-febvrier, facillement aura nostredict Sainct-Père faict signifier lesdictes tresves à tous les princes et, ce faict et icelles acceptées, incontinent fera l'autre indictiou d'assemblée à Nice ou Avignon, comme en mes lectres est contenu. Et, là où par l'Empereur lesdictes tresves ne seroient acceptées, ce qui toutesfois n'est à croire, lors seroit le plus aisé du monde d'amener nostredict Sainct- Père à vostre cordelle, se voyant ainsi desprisé et principallement luy estans restituées Ra venue et Servye ; toutesfois, qu'il dict qu'on ne doibt avoir doubte que ledict Empereur ne fust pour très voulentiers accepter lesdictes tresves, veu mesmes qu'il n'est agresseur et qu'il ne faict que se deffendre. Voylà, Monseigneur, le moyen qu'il vouldroit estre suivy en ceste mactière.

En oultre. Monseigneur, luy ay mis en doubte si nostredict Sainct-Père seroyt pour trouver bonnes toutes ces ouvertures. Il dict le tenir comme pour certain, veu qu'il a offert d'aller en personne vers l'Empereur le supplier de la paix, par conséquent plus voulentiers se trouvera-il en lieu où il l'a commandé, trouvant principallemeut ce grant moyen de gaigner en la chrestienté telle réputation et auctorité envers les princes d'avoir esté aucteur de ladicte paix, joinct que tout d'une voix il espérera pouvoir parvenir à toutes ses prétentions envers les ungs et les autres et, là où on verroit qu'il en feroit difficulté, ou pour ne laisser Rome en dangier ou pour ne voulloir faire W despence à ce voyaige, ou pour

(0 Cf. Breweh, Op. cit., vol. IV, part, ii.n" 5o5o. Wolsey aux agents anglais à Rome, 19 décembre i5a8.

a) Là commence le texte du ms. fr. 3039, p. 11-14, et de Le Grand.

Décembre i5a8J

n'y veoir seurté de sa personne, raondict seigneur le légat est d'advis que, là où aucune de ces dificultez se descouvreroyt. luy debvroit, avant que faillir à ceste entreprinse, estre offert le deffray de sondict voiage par ces deux roys, pour la seurté de son passaige cinq cens hommes tyrez des deux mil susdictz, demourant le reste à Rome, avec ung légat, pour la seurté de la ville, s'il seroit besoing, et pour son passaige luy seroyent à main les gallères de Rhodes ou à ung besoing celles mesmes d'André Doria, tant pour l'amytié qu'ilz ont ensemble que pour estre en ce temps-là bonnes tresves, et en oultre luy seroit baillé par le Roy toute telle seurté qu'il sçauroyt demander de s'en retourner toutesfoix et quantes qu'il luy plairoit. Toutesfoiz que dict bien mondict seigneur le légat que ce seroit le plus fort que de le tenir là, car au demourant on y adviseroit après. Sont, Monseigneur, les difiicultez que luy ay menés et comment il me les a vuydées.

En après, Monseigneur, tombant la chose à propoz, luy suis venu dire, pour retomber suz vostre lectre, que je veoye tout cecy venir à rien et que à grand poine ceste tresve généralle. quelque diligence dont on usast, seroit conclute à la my-febvrier et que desjà je veoye les garnisons assises en France et tout le monde cryer l'alarme suz l'Empereur, s'ennuyans que desjà le temps ne venoit de le combattre et que sembloyent faire le pareil les Flamens de leur costé non envers nous seullement, mais aussi envers eulx mesmes et que, combien qu'il fust dict par le contract de la tresve que, jusques à ce que les parties contrahentes eussent signifié l'ung à l'autre de la vouloir rompre, elle demoureroit en sa force et vigueur, néantmoins, estant le feu une foys allumé par les subgectz, il n'y auroit plus ordre de l'estaindre. Dont il sembloit valoir beaucoup myeulx, voiaut l'autre voye ne se pouvoir à grant paine, quelque chose qu'il deist, si tost conduyre, de bonne heure entrer en délibération ferme et entière de mectre la main à la paste que s'endormir en l'espérance d'une chose doubteuse et dont certaineté ne responce ne se peult si tost avoir, pour y avoir d'icy à Rome telle distance.

Cela estre ung peu débattu, il me dict estre bon et nécessaire que la seurté desdictes tresves et principallement pour les deux

5o8 JEAN DU BELLAY.

[Décembre i528

moys qui sontdaventaige fust reconfei-mée aulcunement entre les parties par quelque asseurance verballe ou ainsy que pour le myeulx il s'adviseroit, actendant la généralle dont à présent est question. Et pour ce, Monseigneur, que je luy débattoye ung peu Ihonnesteté de ce poinct, faisant toutesfoiz tousjours difficulté que le Roy ne la youlust consentir si n'estoyt qu'il voulust comme il a délibéré faire à jamais luy complaire en toutes choses, il me dict que je l'en laissasse faire et que desjà pour cest effect il avoyt envoyé delà la mer le grant chambellan et force gens avec munitions et artillerie pour faire peur aux Flamens, et que par bons moyens il feroit que cela se conduiroit sans qu'il vienne de nostre requeste. Je vous diz cecy, Monseigneur, pour vous satisfaire à voz lectres du IIP.

Or, Monseigneur, j'ay mis paine jusques au bout de luy tirer en toutes ces matières ce qu'il avoyt au ventre. Il monstre par mille raisons que jamais ceste assemblée, dont il est question, ne se despartii'a que la paix ne se facze ; faisant son fondement entre aultres choses d'avoir reguardé par le menu que vous demandez, que demande l'Empereur, que le roy, son maistre, que le Pape, Vénitiens, Florentins et tous aultres potentatz, il trouve que toutes les querelles dcsdictz princes et potentatz en telle et si autenticque assemblée se pevent accorder et estre satisfTaict à chacun, et qu'il veult mourir s'il ne se faict, luy donnant Dieu la vie jusques là, et | qu'on ne s'en soubcye ; retournant néantmoins, là où par envye et art de tous les dyables ladicte paix ne se feroyt, à la bourse commune et entreprinse mise en mes lectres, en laquelle, voulsist ou non, à ceste heure-là nostre Sainct-Père entreroit, car il seroit arresté par le pied.

Je luy demandey qu'il me distprivéement s'il avoit quelque asseurance de nostredict Sainct-Père qu'il feust pour trouver ces ouvertures bonnes. Il me dict qu'il n'en faisoit doubte, conférant nécessité et raison avec tous les propos dont en pareil cas use nostredict Sainct-Père, joinctes les grans persuasions dont par ceste dépesche il use présentement envers luy et pareillement le cardinal Gampège et 1" asseurance que ledict Gampège luy baille que nostredict Sainct-Père le trouvera très bon. Et, combien qu'il me confesse bien qu'il est hon-

Décembre i528]

neste que de luy et nou de nostre costé viennent envers nostredict Sainct-Père les propoz de la tresve, toutesfoiz il vouldroit bien que, après qu'il les aura entamez, voz ambassadeurs feissent par toutes voyes indirectes et honnestes que la chose sortist eflect comme chose très utille et très nécessaire.

Et à propos de ceste tresve, Monseigneur, les propoz, qui en sont assez conformes en la lectre qu'ay receue du Roy du IIP, luy ont l'aict grant bien au cueur, et pareillement en tout le surplus de ladicte lectre il aprins grand goust pour y trouver parolles et substances selon sa fantasie. De ladicte lectre. Monseigneur, je n'en faiz responce, caria plus grande part tant par mon aultre lectre que ceste-cy en est vuydée, n'estant principalement plus de nouvelles de proposer nouveaulx articles de paix ne faire par ceulx de deçà paix à part à l'Empereur pour myeulx praticquer la vostre, car voiant monseigneur le légat que par ce chemyn-là on ne viendroit jamais où l'on demande, estant les choses comme elles sont, il n'en parle plus. Il a pour ceste heure tout remis à l'ouverture et propoz que dessuz.

Il a voulentiers veu ce qui estoit contenu ausdictes lectres des affaires de Naples et a voulu avoir les lectres pour les envoyer au roy qui est à Richemont et y sera jusques à sabmedy, sauf les jours ou les soirs qu'il viendra veoir comment on se porte en ceste ville.

Ladicte lectre du Roy, Monseigneur, combien qu'elle feust du IIP, ne l'ay receue sinon le XIII*. Le pareil m'advient quasi de toutes aultres qui me sont envoyées par la poste ordinaire et n'en actendz autre chose si on ne baille quelque peu d'argent aux postes. Principallement, Monseigneur, se devroit avoir esgard à ceulx de Boulongne, car les pauvres gens, pour eslre au cul du sac, n'ont moyen de gaigner aux courriers passans, principalement monsieur du Biez(i) tenant aux courriers de banque et autres estrangiers la rigueur, que très bien il leur tient, de ne les laisser passer en czà ne en là sans fouiller toutes leurs lectres, qui est la cause qu'ilz vont

(1) Oudart du Biez, chambellan du Roi, capitaine de .Boulogne, sénéchal et gouverneur du Boulonnais depuis janvier i5a3. en remplacement de La Fayette destitué. Le P. Ansklmk, Histoire généalogique...., t. VII, p. 180 seq., dit par erreur qu'il servit en Italie sous Sainl-Pol en i5a8.

5lO JEAN DU BELLAY.

[Décembre iSaS tous passer par Flandres ou Arthois. Et je sçay de vray que, s'il ne contraignoit les rustres à coups de hallebarde et à bonne basse fousse de venir, longtemps a qu'ilz ne vinssent plus ; toutesfoys à la fin tout cela n'y a de riens servy et fault qu'il leur preste argent, ce que toutesfoiz il m'a escript qu'il n'est plus délibéré de faire pour le peu d'actente qu'il a qu'ilz luy rendent. Il me semble. Monseigneur, que c'est chose nécessaire de y pourveoir. Aussi, Monseigneur, ce porteur ('), que congnoissez, prent voulentiers la paine de (2) faire ce qu'il peult. 11 m'a donné à entendre que le bailly de Rouen luy osta à Alexandrie ung pacquet de monsieur de Vaulx commandé de seize escus. Il vous plairra l'avoir pour recommandé.

En tant. Monseigneur, que touche le malcontentement du personnage dont m'escripvez, tenez pour aussi certain que si l'aviez veu qu'il en est malcontent. Assez m'en suys apperceu à ses parolles et ne sçavoye bien dont cela venoyt, car je n'entendoys pas le neu de la matière, et croyez, Monseigneur, que ung jour je parley des grosses dens qui me servyt bien, comme depuis il m'a confessé. Mais ilz font leur compte que, de l'heure que leur faillez à donner, ilz estiment que les pillez et à ceste heure-là ne vous ayment guières. Et quant à ce qu'il sembloyt qu'il eust faict mauvais office, je vous promectz qu'il ne le faisoit par mauvaise voulenté, et les termes dont il usoit il estoit chargé et contrainct d'ainsy faire. Il s'en est bien quelquesfois excusé à moi et je sçay que son excuse estoit véritable ; suz l'heure vous en mandey ma fantasie et me semble. Monseigneur, que ce n'eust esté mal faict de dissimuler tout cela et que seroit très bien faict de le rabiller, veu le lieu qu'il tient.

Je vous veulx bien dire que quelquesfois j'ay bien envers son chief faict le mauvais autant par adventure et aussi avant qu'il a faict envers vous. Il est vray que j'ai tousjours reguardé comment tout devroit tomber. Je ne scey s'il aura faict envers vous le pareil, car sans poinct de doubte il est de nature ung peu haultaine, ainsi comme on l'estime icy. Mais

(1) Thadée, qui passa à Calais le 23 décembre et arriva à Paris le a^. Cf. Bhkwer, Op. cit., vol. IV, part. 11, n- 5o65, 5o66. (a) Ici reprend le texte du ms. Ir. 3oo3, f. 18 r et v.

AMBASSADES EN ANGLETERRE. 5ll

Décembre i5a8]

VOUS povez estre seur qu'il est bien mauvais Espagnol. Aussi

vous ay par cy-devant adverty qu'il dict bien en plusieurs

endroictz vous estre advenu inconvéniens par voz faultes,

dont ne vous useray de redicte.

Aussy je présuppose, Monseigneur, que sçavez que depuys que suys deçà, il n'est venu personne quel qu'il soyt qu'il n'aict eu présent honneste selon son estât ; suz quoy vous povez juger que c'est que de vostre costé vous avez à faire. >

Je ne me suys encores hasté de demander l'acquit de la pension de ceste année, car je ne l'ay veu à propos ; aussy que je pense que sera le meilleur de veoir ung peu s'il commencera par demander celluy de la contribution. Quoy qu'il y aict, il n'y aura riens de perdu.

Au demeurant. Monseigneur, je ne veux faillir à vous raraentevoir de vouloir entendre à ce que le YIIP du passé vous escripviz touchant l'opinion de voz théologiens; dont je m'esbahiz bien que ne m'en avez fait ung mot de responce, si vous serez pour le faire ou non, car j'en suys terriblement importuné. Aussy suis-je de ce que par La Chapelle vous ay mandé touchant l'advis qu'avez communiqué au roy d'Angleterre des machinations à l'encontre de luv ; dont n'av voulu de rechief parler ne dire que de nouveau Madame ne vous m'en eussiez escript, car cela eust esté cause que monseigneur le légat eust redoublé des deux par l'instance et importunité qu'il me fait chacun jour de ceste matière, et j'ay pensé que bien tost me feriez quelque dépesche ou par ceux qui viennent icy pour Hongrie ou autrement, par laquelle pourrez satisfaire à mondit seigneur le légat de ceste ditte matière ou que me manderez ce qu'en auray à faire.

Et à propoz, Monseigneur, de ladicte dépesche de Hongrye, il est venu icy quelques gens d'AUemaigne que disent que pour certain les seigneurs du pays, qui s'estoyent ung peu, comme il sembloit, rapaisez, commancent à ceste heure de nouveau à rentrer en leurs mutineries et qu'il est apparent que ceste année y aura de grands troubles. Je croy que le voyage qui se y dresse, comme j'entendz, les avancera ung peu d'aller et qu'il ne sera de peu de prou(ïit<') et importance,

(I) Ici s'arrête le fragment du ms. 3oo3, f. i8 ; et au mot suivant reprend le fragment du ms. 3o;y, p. i3-i8.

5l2 JEAN DU BELLAY.

[Décembre i528

et à ce que j'entendz les passaiges ne sont si mauvais qu'il n'y ait assez de moyens de se saulver depuys que la mer sera passée. Quant à Bayart<i), je n'en ay riens icy sentu : s'il s'en parle, j'en feray comme me mandez (2).

Monseigneur, voulant fermer ceslectres, le roy m'a envoyé quérir me faisant entendre que la royne a faict venir d'Espagne ung double de quelque brief ampliatif des bulles de la dispense du mariage dacté du jour mesmes des dictes bulles (3), lequel, pour n'avoir esté tenu autenticque par les cardinaux, elle veult envoyer vers l'Empereur demander l'original ; et luy a ledict seigneur roy accordé qu'elle y puisse envoyer ung Espaignol en poste et luy faire donner sauf-conduict par France ; dont il m'a pryé escripre présentement, afin que, venant en court, il soit d'autant plus tost et promptement dépescbé et daventaige qu'il luy vueille bailler, quant il sera prest de partir, quelqu'ung pour le conduyre jusquesvers vous, là où il puysse trouver sa dépesche. Je n'eusse sceu faire autrement que luy accorder sa demande. Je eroy qu'il partira bientost. Ledict seigneur roy espère que ce brief sera trouvé faulx pour beaucoup de présumptions qu'il en a, mais, comment que ce soit, il fault qu'il se veoye avant que procedder à la mactière, et pour ce est besoing de y user d'autant plus grande diligence. Il m'a pai'lé fort au long de ladicte mactière et vous promectz qu'il ne luy fault poinct d'advocat tant bien il l'entend ; mais il désire singulièrement que les advis, dont cy-dessus vous ay parlé, luy en soient envoyez. Et, là où, Monseigneur, verriez que si facillement ne pourroyent estre signez, encores vauldra il mieulx, ce me semble, les envoyer sans signer que ne les envoyer poinct.

(1) Gilbert Bayard venait d'être envoyé secrètement par Louise de Savoie à Malines, auprès de la régente Marguerite, pour lui soumettre les conditions d'un accord avec l'Empereur.

(2) Tout ce paragraphe manque dans la copie du ms. 5499.

(3) Ce bref, daté du a6 décembre i5o3, avait été découvert dans les papiers de Ruy Gonzalez de Puebla, envoyé espagnol à la cour d'Angleterre entre 1494 et iSog, et communiqué par ses héritiers à Charles-Quint, qui en avait expédié un double à don Inigo de Mendoza, son ambassadeur à Londres. Celui-ci s'empressa de le produire devantWolsey et Campeggio. Cf.: Mendoza à Charles-Quint, i8, 19, 23 novembre, dans Calendar of Slale Papers... Spanish (i5Qy-i52ijJ, n- 586, 583, Sga ; et la lettre de Catherine d'Aragon au même, a3 novembre, ibid., n* S^â.

Décembre 1028]

Pareillement. Monseigneur, il m'est venu à parler fort longuement de lestai des affaires communs et du regret qu'il a que mieulx ilz ne se sont portez jusques à ceste heure. Je luy ay débattu par toutes les raisons que j'ay peu qu'il n'y aict eu de nostre faulte. Mais il m'a ramené par le menu tant de choses que je ne sçavoye où m'en mectre ; disant, entre aultres choses, que, oultre les mauvaises provisions de vivres et argent devant Naples, dont la perte et ruyne advint, oultre la faulte qu'on feist d'estrangier André Doria en temps si nécessaire, il a esté encores veu à présent que monsieur de Sainct-Paoul, par faulte de soulde, a esté contrainct de rompre son armée, laquelle estant entière, il povoit faire de bons ertectz; en oultre, que toutes ces belles provisions, que si souvent je chantoys à monseigneur le légat estre données pour Saonne, sont tournées en fumée et cela par faulte de y avoir pourveu de bonne heure, ne laissant par adventure la despcnce à en estre par après faicte aussi grande, etconséquemment s'en estre suivyrompturedelapraticque de regaigner André Doria qui infalliblement feust venue à bonne yssue. Encores m'a ramené que. par n'estre en temps pourveu d'argent à l'armée qui se dressoit ceste année en Normandie, la rompture d'icelle advint, qui fut grant dommaige pour le fruyct qu'elle eust peu porter ; toutes ces choses et assez d'aultres considérées, qu'il ne povoyt, sans un grant et merveilleux regret, veoir que par telles faultes les affaires communs, après estre venuz jusques au poinct de victoire, soubdainement viennent à tomber par terre, à la grant exaltation de l'cnnemy commun et deffaveur des confédérez. de sorte que ceulx mesmes du conseil dudict ennemy disoient qu'ilz n'avoyent que faire sinon temporiser, pour l'asseurance qu'ilz avoyent que nozfaulles nous combattroyent assez sans qu'ilz s'en meslassent et assez de choses à ce propos.

Par quoy il me pryoit, comme celluy à qui seurement et familièrement il se povoit adresser, pour l'affection et fidélité que je porte au Roy, son frère, que, de par luy, je le priasse et supplyasse vouloir ung peu ouvrir son entendement et travailler avec son conseil à la conduicte ou plustost exécution de sesdictz affaires, comme luy estoit déli-

JBAN DU BELLAY. 33

5l4 JEAN DU BELLAY.

[Décembre iSaS

béré de faire de son costé aultrement qu'il n'a faict par le passé et qu'il voulust ung peu abandonner son plaisir pour une bonne année seulement, pour veoir luy-mesmes à plus prompte expédition de ses dietz affaires : ce que pieczà il avoit bien intention de luy faire entendre, n'eust esté qu'il a tousjours différé de le faire craignant luy faire desplaisir et aussy espérant que l'expérience de tant de pertes les unes sur les autres feroyt qu'il n'auroitplus que faire d'enestre admonesté ; mais que, à la fin, voyant les choses en Testât qu'elles sont, et nonobstant la continuation si longue de mauvaises fortunes, congnoissant que encores, veu la grande et indissoluble conjonction et amytié qu'ilz ont ensemble et la bonne voulenté dont ilz sont plains, que quelque chose de bon infalliblement se pourroyt faire estant pourveu et remédiéà la négligence du temps passé et non aultrement, il ne se povoit tenir de m'en dire ce qu'il luy en sembloyt estre nécessaire, à charge et condition que j'en advertysse le Roy, son bon frère.

Voylà, Monseigneur, la substance de ses propoz qui furent de deux bonnes heures, me tenant tout seul en ung cabinet et parlant d'affection fort grande. Du tout je n'en escriptz au Roy ; mais je vous en ay bien voulu mectre ce mot pour ma descharge, et croyez que tout ce que je sçauroye non-seuUement sçavoir mais devyner d'excuses je les luy mectoye en avant. Aulcunes il trouvoyt bonnes, des autres me rejectoit bien loing, disant que bien il confessoyt que je faisoys bien d'excuser mon maistre envers estrangiers, mais envers luy qui est ung second luy-mesraes ilfailloyt que je allasse rondement et moins reguardant à hypocrisies que à la vérité des choses, afin que d'anltant myeulx se peust pourveoir à icelles, et qu'il sçavoit bien au vray et par le menu comme tout en estoit allé ; par quoy ne medisoitces propoz pour débattre de choses esquelles il n'est moins affectionné que moy-raesmes et qu'aultant il vouldroy t envers les estrangiers excuser et excusoit chacun jour, comme tous ses gentilzhommes povoyent estre témoingz, que le meilleur amy du monde sçauroit faire, mais le disoyt afin que en advertisse ceulx à qui il touche pour y remédier comme la nécessité le requiert et demande.

De Londres, le XX* jour de décembre.

Décembre i528]

Ce n'est par raoy, Monseigneur, que mes lettres sont de tant depièczes, car ilmefalloyt attendre le partementde courrier.

Ce jour ay esté vers monseigneur le légat pour la matière de ces navires espaignolz desquels l'ambassadeur de l'Empereur faict grant alarme, et faiz grant doubte de n'y faire tout ce que mondict seigneur le légat voudroyt bien.

Il m'a dict davantaige avoir changé de propoz quant au partement etdespesche de monsieur de Bade, pour ce que, pour quelques causes, principalement pour estre des principaulx conseillers baillez à la royne, on ne se peult bonnement icy passer de luy. A ceste cause, ne veult que vous facze mention de sa despesche, ne mesmcs de celle de Feuguillaume, combien que quant à luy, le propoz ne soyt changé et qu'on soyt en termes de l'envoyer bien tost ; pareillement que ne vous escripvisse encore d'envoyer deczà quelqu'ung, se confyant suz ma suffisance en matière de guerre comme de paix, à raison de laquelle et de l'amytié qu'il me porte, il me parlera plus privéement que à ung aultre ; et là-dessuz, me louant fort à mon visaige et me comptant de mes belles vertuz ; toutesfoyz ne saichant s'il vouldroyt veoir que je diroye, je luy ai louée sa première opinion et en susmes demeurés en suspens. Et pour ce. Monseigneur, qu'il m'a dict que de tout ce propoz n'en escripvisse poinct, vous le tiendrez s'il vous plaist envers leurs gens pour non escript. Je me doubte que ce ayt esté monsieur de Bade mesmes qui ayt rompu son voyaige, et suz l'heure en ay congneu quelque chose par luy-mesmes.

J. DU Bellay, éoesque de Baj'onne.