Montmorencj- à Jean du Bellay. Saint-Germain-en-Laye

24 décembre [1028].

(Copie : BibL Nat., fr. 5499, fol. ijS-ijb. - Analyse : Brewer, Op. cit., vol. IV, part. III, app. n* 225.)

Monsieur, j'ay receu vostre lectre du treizicsme jour de ce P mois par ce présent porteur, le contenu de laquelle ay bien

5l6 JEAN DU BELLAY.

[Décembre iSaS

au long faict entendre au Roy et à Madame, qui aous sçavent merveilleusement bon gré du bon advertissement que par icelle vous faites, encores que ce soit en continuant vostre bonne coustume ; et sera donné si bon ordre au faict des postes du costé de Picardie qu'ilz feront meillevire diligence qu'ilz n'ont faict par cy-devant et que plus souvent aurez de noz nouvelles.

J'espère que nous aurons en brief des vostres et de celles que vous aurez apprinses depuis la dépesche de ce porteur par le docteur Kenit, auquel ne sera faict semblant de riens'; vous advertissant que le Roy, après avoir bien pensé et considéré les propos mis en avant par monseigneur le légat, ne les trouve poinct mauvais, espérant que, si les choses sont conduictes par bons moyens avec le Pape, que l'effect s'en ensuyvra, à quoy de deçà sera entendu le plus diligemment et dextrement que faire se pourra. Et quant au faict de Ravenne et Servye, tenez-vous asseuré que le Roy s'employera et s'efforcera de tout ce qu'il pourra pour les recouvrer et remectre en ses mains, suivant ce qui vous a esté cy-devant escript.

Au regard de la venue de monsieur de Radde de deçà, vous sçavez ce que par cy-devant vous en a esté escript et vous laisse penser comme elle sera trouvée bonne. Vous adviserez là-dessus ce qu'il vous plaira pour le mieulx. L'esleu Bayard n'est poinct encores de retour ; de quoy je vous ay bien voulu advertir, affîn que, si en oyez parler, vous en saichez respondre suyvant ce qu'il vous a esté cydevant escript.

Au demeurant, combien que je saiche assez que vous avez faict toutes les renionstances que vous a été possible de faire pour empescher que la paix, dont il a esté propos entre l'Empereur et le roy d'Angleterre, ne se feist plus tost que la généralle, si semble-il, par une lectre de Jehan- Jacquin que je vous envoyé, que cela soit si avant qu'il y ait apparence grande ; de quoy je vous ay pareillement bien voulu advertir et aussi qu'il n'est jà besoing monstrer aucunement la lectre vous advertissant que j'ay présentement receu la vostre, à laquelle ne gist, ce me semble, aultre responce sinon vous advertir qu'il n'est possible d'avoir plus grand

Décembre lâaS]

contentement que le Roy et Madame ont des honnestes et bons propos que monseigneur le légat a tenuz comme par icelles mescripvez. Et à ce que je voy par vostredicte lectre, les approches sont telles touchant le faict du mariaige que monsieur de Briant fera grande diligence s'il est de retour devant que la consommation en soit faicte.

Je vous envoyé la i*esponce que Madame (') faict à vostre longue lectre, pour faire entendre le contenu d'icelle à mondict seigneur le légat.

En escripvant ceste lectre, la poste est venue de monsieur de Sainct-Pol, par laquelle il escript comme Antoine de Leive est mort dedans Milan (2) ; et en avons eu pareil et semblable advis du costé de Venise et de Florence, qui sont mauvaises nouvelles pour les ennemys, s'il est ainsy.

Pareillement vous veulx bien advertir comme, s'en retournant le duc de Ferrare avec madame Renée, sa femme, a esté dressée entreprinse sur luy par le prothonotaire de Gambre ayant la charge de Plaisance, le guettant avec quatre cens chevaulx et quelques gens de pied en délibération de le prendre et tuer; ce qui a esté descouvert, et vous laisse penser si cela demourera impugny.

Au surplus, je vous envoyé un translat de lectres que j'ay ce jourd'huy i'eceud'Allemaigne<5), aflinquesoiez plus amplement adverty des nouvelles de deçà pour en faire part à monseigneur le légat, vous priant que le plus souvent que vous pourrez vous mectez peyne de nous en faire sçavoir des vostres.

J'escriptz présentement pour le mariaige de vostre frère (^), lequel à mon advis se fera ; vous advertissant au surplus que le Roy, Madame et toute la compaignie sont en très bonne santé, Dieu merey, et s'en part aujourd'huy ledict seigneur pour aller faire ses festes à Paris, priant Dieu....

De Sainct-Germain, le XXIIIPjour de décembre [iSaS] (5).

(I) Nous n'avons pas retrouvé cette réponse.

ta) La nouvelle était fausse. Antonio de Leyva devait mourir seulement en septembre i336, lors de la campagne de Charles-Quint en Provence.

(3) Non retrouvé.

(4) Guillaume du Bellay épousa en septembre i53i Anne de Créquj', iillc d'Antoine de Créquy, seigiieui- de Pont-Rémy, mort en février i5a5. Cf. V. L. BouRRiLLY, Guillaume du Bellay, seigneur de Langey, 1905, p. iio-in.

(5) Cette lettre fut sans doute portée par Jehannot Guyngnier, alias

5l8 JEAN DU BELLAY.

[Décembre 1628