Jean du Bellay à Montmorency. Londres, 25 décembre

(Orig. : Bibl. Nat, fr. 3ojj, p. 199-201. — Impr. : Le Grand, Op. cit.. t. III, p. 259-263. — Analyse : Brewer, Op. cit., vol. IV, part. 11, n» 5o63.)

Monseigneur, il a fallu que j'aye promis à monseigneur le légat que incontinent vous escriproye afin que fissiez donner quelque ordre aux postes de Picardie, car tous ceulx qu'il a dépeschez de deczà depuys quelque temps, tant gentilzhommes que courriers, se sont fort excusez de leurs longueurs sur la faulte de chevaulx qui est par les postes ; lesquelx postes leur ont dict quïlz n'y sçauroyent que faire pour ce qu'ilz ne recepvoyent ung soûl de leurs gaiges, disans que, encores si en brief on ne leur faict quelque provision, ilz seront contrainctz de tout abandonner. En quoy dict mondict seigneur le légat que grant difliculté adviendroit aux communs affaires, estant luy principalement suz les termes et propoz que par Thade vous ay escriptz ; pour ce me prye bien instamment incontinent vous en escripre, afin que d'autant plus tost y feust donné ordre que les affaires présens le requièrent. Dont, Monseigneur, ne vous feray plus longue harengue, car vous sçavez ce qu'en debvrez faire.

Depuys, Monseigneur, ce que vous escripviz par ledict Thade, n'est riens survenu deczà de nouveau. Toute la court s'est retirée à Grinvich, et se tient maison ouverte tant chiez le roy que chiez la royne, comme elle a acoustumé les aiiltres années. Aussi y est madamoiselle de Boulan ayant son cas à part, qui ne se trouvera comme je croy guèrez avec ladicte royne. Etsuys d'advis que les choses demoureront en ceste sorte jusques au retour de maistreBryant; et en ce propoz est le cardinal Campège, lequel me semble avoir bonne vou-

Guynier, chevaucheiir d'écurie à qui le Roi, par lettres du a'i décembre, fil remettre 6) I. t. 10 s. « pour ung voiage qu'il va présentement faire en dilligence et sur chevaulx de poste de la ville de Paris jusques en la ville de Londres, ou pais d'Angleterre, porter lectres dudict seigneur à monsieur de Bayonne illec ambassadeur touchans les affaires dépendans d'icelle ambassade et concernans l'entrelénement de l'amytié et alliance d'entre le Roy nostredit seigneur et le roy dudil pais d'Angleterre. » (Bibl. nat., fr. io4o6, f. 91 v''-92.)

Décembre i5a8]

lente en l'expédicioa de l'alTaire s'il trouve le Pape content. A ce que je voy, on luy changera lévesclié qu'il avoit en ce pays à celle de Diiresme, où il y a amendement de dix mil livres de rente. Il se dict qu'il a autant perdu à venir icy, pour une évesché de pareille valleur que le Pape luy avoit donnée en Espaigne, dont l'Empereur ne la voulu laisser jouyr et la donnée à ung aultre, dont à mon advis ledict cardinal n'est guèrez content.

Nos docteurs de Flandres, dont lung est seelleur de monsieur de Liège ('), l'autre ung Espaignol demeurant de long temps en Flandres (^), ont esté vers le roy, et n'ont failly de faire le commancement de leur harcngue par les propoz mesmes de ceulx qui y furent cest esté, disans s'esbahir de quoy ledict Seigneur veult laisser ses anciens amys pour ses anciens et mortelz ennemys qui ne cherchent aultre chose que le mectre bien avant en dissension avec lEmpereur pour en faire son prouflit et après le tromper. Il ne leur faillit de responce et n'oublya les grans ingratitudes et inhumanitez dont luy avoit usé ledict Empereur, ne d'aultre part la grant honnesteté et foy qu'il avoit trouvée au Roy, son frère, et leur feistbien par le menu ung grant nai'ré de toutes choses. De là vinsrent tomber suz ce mariage, où rondement il leur en déclara sa voulenté. Jusques à présent ilz n'ont aultre expédicion, et croy que, après quilz auront remonstré tous les poinctz qu'ilz sçavent au cardinal Campège, car à laultre ilz disent n'avoir charge de parler, ilz retourneront chez leurs parens, et qu'il ne se en fera par eulx aultre dispute. Cependant si l'opinion de voz gens est envoyée, elle sera la bien venue; aussi seral'esclarcissement, si aulcun en avez, des conspirations que sçavez.

A ceste heure ay entendu que hyer passa la mer l'évesque de Transsilvanye. Il n'est encores arrivé icy. Je me suys enquis sans faire semblant de rien de son voyaige aux Ostrelins ; je trouve qu'il ne sera possible de passer la mer que le mars, car avant ce temps là elle ne sera desgelée. Bien disentilz qu'on se peult embarquer à la fin de febvrier : car, avant

(1) Gilles de la Blekerie. Cf. supra, p. 48t>, n. 3.

(2) Louis Vives. Cf. supra, p. 486, n. 3.

[Dec. i528-Janvier i5a9

qu'arriver à la coste, qui est le lieu des gelées, il pourra passer quelque temps.

Aussi est arrivé pieczà le nouveau ambassadeur de Venise ('>, qui a esté vers monseig-neur le légat et est assigné pour le roy à dimanche. Desjà mondict seigneur le légat Ta ung peu salué de la matière de Ravenne et Servye. Il se loue fort du bon recueil qui luy a esté faict delà. L'aultre s'en ira bien tost après, auquel, Monseigneur, sera bien employé que faciez bon recueil, car je vous promectz que de ce qu'en ay peu cognoistre, il n'est possible de veoir deux personnes plus affectionnées au bien des affaires du Roy et à l'entre tènement de l'amytié de la Seigneurie envers luy que sont tant luy que le secrétaire qui s'en va avec luy.

Monseigneur, pour n'y avoir autre chose, feray fin à la présente, après que....

De Londres, le XXV<= jour de décembre.

Vostre....

J, DU Bellay, évesque de Bqj'onne.