Jean du Bellay à François I". [Londres, 26 novembre

(Copie : Bibl. Nat., fr. 5499, f. ii3 1" et v. — Analyse : Brewer, Op. cit., vol. IV,

part, m, app. n» 128.)

Sire, par Castillon vous escripvis au long du faict d'un Escossoys que le gentilhomme présent porteur vous meyne qui a icy attendu dix jours pour vous faire de service. Hier en parlay derechef à monseigneur le cardinal pour entendre ce qu'il lui plairoit que j'en fisse, car depuys trois jours le m'avoit baillé en garde. Et combien qu'il monstrast estre comme satisfaict de ce qui en estoit faict et qu'il voullust le surplus remettre en moy, m'en excusay tant qu'il me fut possible et du tout refTusay ce party d'autant plus instamment que je craignoys qu'il voulsist taster si je luy vouldroys favoriser ou pour la nation, ou pour ce que par sa confession il avoit dict avoir eu à Rome et en court à besongner en aucunes choses à mon frère. A la fin il me dict que doncques le vous envoyasse, vcu que c'estoit son chemin et aussi que ce vous pourroit estre contentement de l'ouyr confesser de ce que avoyt esté mis en avant, puis après ou le laisseriez retourner à ses afi'aires, ou en feriez ce qu'il vous plairoit. Je luy dis, pour cuyder taster de luy s'il auroit envye qu'il fust mal traicté, que mieulx ne pouvoyt il estre pugny de sa foUye que de l'envoyer au lieu où ayant cherché réputation se trouveroit en confusion si grande, principallement monsieur d'Albanye estant à la court, qui, pour

[Novembre iSaj

estre ennemy comme il estoji; du conte d'Angouys (') duquel cestuy cy est serviteur, luy pourroit pourchassesser (sic) quelque oultrage, qui seroit bien employé. Il me respondit qu'il ne vouldroytpas cela, veu, oultre les aultres raisons, qu'il monstre estre homme d'Église, qu'il me répéta par deux foys, mais qu'encores il voulloit qu'on le luy rendist et tout ce qui avoit esté arresté de ses besongnes. A la fin quand n'en peuz tirer autre chose, lui demanday s'il luy plaisoit pas vous en escripre. Il me dict que non et que seroit assez que vous mandasse ce qu'en avoys veu.

Puys me rentra sur le propos de ces bleds, faisant telles remonstrances que desjà vous ay escriptes et d'autant plus affectées qu'il veoit la nécessité augmenter ^^), qui est telle. Sire, que hier sortit une bande du peuple de la ville aux champs jusques à deux lieues d'icy destrousser ceulx qui amenoient du pain au marché, et une autre vint par force lever ce qui estoit desjà en la ville et rompit sacs et charrettes. Ce que j'en avoys chez le boulenger me faillut envoyer mes gens le garder, car par force le peuple le voulloit emporter, disant que plus tost se devoit lever celluy des Françoys qu'aultre, puysqu'ilz les avoient trompez.