Jean du Bellay à Montmorency. [Londres, lo février

(Copie : Bibl. Nat., fr. 5499, fol. 54-56. — Analyse : Brewer, Op. cit., vol. IV,

part, m, app. n» 149-)

Monseigneur, si au long vous escripvis le sixiesme de ce mois qu'il nestoit possible de plus et me semble qu'estes demouré satisfaict de grand partye des affaires de deçà. Mais pour mieulx vous en esclaircir, samedy je fuz vers monseigneur le légat et vous supplie penser que ce peu que j'ay d'entendement je l'employé à le faire condescendre à ceste contribution. Mais vous sçavez. Monseigneur, que chacun en ce temps tient serré le plus qu'il peult. Si croy-je à la vérité que partie de ladicte serre vient du maistre et que mondict seigneur le légat a envye de y faire quelque chose. Peult estre que, s'il venoit nouvelle de la paix, ilz seroient bien aises de saulver ceste somme, aussi venant la guerre qu'ilz pensent qu'il fanldra jouer plus gros jeu et que cecy comme le moins principal demourera derrière et que sera autant gaigné. Une bonne lectre encores de vous, Monseigneur, y pourra servir, luy donnant à entendre que par mes lectres vous en ay mis en fort bonne espérance, qui sera bien selon l'asseurance qu'en avez donné. Yostre lectre du deuxiesme(') n'a esté baillée, dont ay eu grand regret, mais pource que me louyez du bon odice qu'avoys faict de l'adoulcir envers les Vénitiens, cela m'en a gardé, car vous sçavez. Monseigneur, que s'adoulcissant envers eulx ou faisant autre bonne chose, à luy seul en fault l'honneur comme il le mérite, sans y mectre participation d'autre.

Monseigneur, ce jour part le prothonotaire de Gambres et avec luy les docteurs Stephanus et Foucques qui portent entièrement la dépesche de toutes choses. Celle qui s'est faicte pour le faict du Pape, monseigneur le légat la m'a leue courant comme elle estoit minuttée. J'ay retenu lez

(i) Nous n'avons pas retrouvé cette lettre.

l52 JKAN DU BELLAY.

[Février i528

chefz qui sont telz en gros comme mieulx verrez par ce qu'ilz vous en communicqueront(0.

Premièrement que ces deux roys seront tenuz le restablir et entretenir en son estât envers tous et contre tous et nomméement luy ayderont à recouvrer les villes de Ravenne et Servye, Rège, Modène et estât de Florence.

Item qu ilz luy assisteront à se faire obéyr, si à lever et mectre quelque subside de ses subjectz y avoit rébellion.

Et que, là où il adviendroit qu'il seroit par force d'armes mis hors d'Italye et de son estât, en sorte qu'il n'y peust demourer, seront lesdictz roys tenuz luy pourveoir d'estat honneste en leurs royaulmes, tel qu'appartient à bomme tenant le lieu qu'il tient.

Item, que, s'il advient que le roy de France conquière le royaulme de Naples, il sera mis roy que nostre Sainct-Père aura agréable et par ce moyen l'investira, assignant pension honneste auquel qu'il vouldra de ses nepveux.

Et que, quant aux contractz et traictez faictz ou avec le duc de Ferrare ou autres contraires aux choses de cv-dessus, bailleront lesdictz roys une nonobstance révocatoire desdictz traictez en tant qu'ilz pourroient préjudicier au bien de nos tredict Sainct-Père.

Item, que quant au duc d'Urbin (2), ilz consentiront que la Seigneurie ne eulx ne l'aient plus en leur service et que, là où il vouldra par cy-aprcs le pugnyr des crimes et faultes par luy pei'pétrées, le trouveront bon et ne l'empescheront en cest affaire.

De sa part, il fera pour le bénéfice des deux roys que, si l'Empereur, à sa requeste, ne veult venir à la paix ne accepter les conditions qui luy ont esté offertes, incontinant et sans délay usera à l'encontre de luy de toutes rigueurs, comme de censures, interdictz, etc., et de toutes armes tant spirituelles que temporelles le poursuivra jusques à ce que soit ensuivye victoire ou paix, laquelle advenue, mectront à exé-

(i) Cf. les instructions données à Gardiner et à Fox, dans Bre\v'BR, Op. cit., vol. IV, part. II, n» 3913, in fine, p. 1^43.

(2) Francesco Maria délia Hovere, duc d'Urbin, généralissime des confédérés de Cognac en iSaG, à ce moment capitaine général de l'armée vénitienne.

Février 152SJ cution les deux roys ce quilz promectent, mais cependant

ne seront tenuz d'en riens s'en déclarer.

Et, là où nostredict Sainct-Père ne feroit ce que dessus ou qu'il viendroit à mener praticques secrettes à l'Empereur sans les en advertir, ilz ne seront tenuz aux conditions susdictes.

Tous cesdictz articles. Monseigneur, ont esté accordez par le roy d'Angleterre et en porte la dépesclie le docteur Stephanus, sinon deux : l'un est de l'assistance pour se faire obéyr aux subsides, l'autre des nonobstances. Toutesfoys m'a pryé monseigneur le légat le plus instamment du monde vouUoir escripre au Roy que de sa part il nen face difficulté. Et comme je luy disse que le vray moyen de ce faire estoit que luy premièrement l'accordast et que meilleur patron ne voulloit le Roy en toutes choses que luy, il me respondit que, quant à l'assistance, n'y avoit raison, pour estre si loing des terres du Pape qu'est le roy, son maistre ; quant aux nonobstances, aussy n'y avoit apparence, car veu que le roy, son maistre, n'a riens approuvé du faict de Ferrare, qui est le principal poinct où tendent les nonobstances, de user à cesie heure de nonobstances sur matière où il n'a riens passé seroit hors de propos. Et quant à ce qu'en a faict le chevallier Casai, ce a esté sans pouvoir ne commission. Mais quant au Roy, ce n'est pas de mesmes, car il a ratillié ce qui en estoit faict. En somme, il en demoura là-dessus comme plus au plain entendrez par ledict docteur Stephanus, lequel il prye estre incontinant dépesché, car ilz ont haste qu'il diligente sa charge.

Je voulloys que mondict seigneur le légat mist terme préfix à nostredict Sainct-Père de faire ces grans tonnerres qu'il proraect, veu qu'il pourra interpréter ce mot de « incontinant » comme il le vouldra, ainsi que a faict l'aulmosnier. Toutesfois je ne luy ay peu persuader. Il a dict que c'estoyt assez de préfixion, considéré encorcs que, jusqucs à ce que nostredict Sainct-Père ait faict ce qu'il promect, nous ne sommes à riens tenuz. Vous adviscrcz. Monseigneur, si, de vostre part, en sera bon faire à nostredict Sainct-Père instance. Et comme je luy débatisse ung peu que c'estoient de grandes promesses faictes à nostredict Sainct-Père, il m'a

l54 JEAN DU BELLAY.

[Février i5a8

respondu qu'il ne failloit diférer pour cela, car nous ne nous obligeons de riens faire jusques après la paix ou victoyre; cela advenu, nous les luy modifierons comme nous plaii'ra, car nous aurons moins affaire de luy et au contraire luy plus de nous que à ceste heure.

Et quant au faict de Ferrare et des Florentins, je luy ay remonstré. Monseigneur, le dangier où il nous mectoyt de les perdre. Il m'a dict que pour cela ne se perdront, ne nostredict Sainct-Père n'en demande que le seing des deux roys, qu'il promectra tenir secretz jusques à la fin et mesmes qu'il n'est d'advis que, le Roy l'accordant, autre le sçaiche que luy. Madame et vous, et ainsy m'a pryé le vous escripre pour le faire entendre au Roy; et il n'a voulu que l'escripvisse au Roy pour n'estre veues mes lectres par tout le Conseil, et que, de sa part, il ne vouldra que son ambassadeur mesmes, qui est vers vous, si aultrement se peult faire, en soyt adverty. Quanta Ravenne et Servye, c'est ung poinct Yuydé qu'il veult qu'on les rende. Il en a parlé à l'ambassadeur de la Seigneuryc rondement ; aussi a le roy, son maistre, comme vous ay dernièrement escript. Je croy que cela s'en yra facillement et espère que n'en am^ez le mal gré.

Mais, Monseigneur, quant aux promesses susdictes qu'il veult estre faictes à nostredict Sainct-Père, combien que ce seroit mal, veu la jeunesse où je suis, m'y estendre guières avant, si me ingéreray-je envers vous d'en dire ma fantaisie, qui est que, si venez à les luy accorder, je pense que ferez plus qu'autrement, car, si ne le faictes, sans poinct de doubte vous malcontenterez fort ceulx de deçà pour les raisons qu'entendez ; il me semble que debvriez faire, ou par difïicultez que mectrez au commencement ou par autres moiens, que le prothonotaii^e Cambres vienne à dire à plus de gens que vous pourrez, que, si le Roy n'accorde à nostredict Sainct-Père ce qu'il demande, il regardera de se pourveoir ailleurs et se retirer vers l'Empereur. Et de ma part. Monseigneur, je l'ay persuadé à mon advis en soi'te qu'il vous tiendra ces termes si luy faictes difiiculté de ce qu'il demande. Je le dis, Monseigneur, pource que, si par cy-après ne vouliez tenir ce que luy promectez, mesmes quant au duc de Ferrare, vous pourrez alléguer d'une part les menaces

Février iSaS]

dont il a usé envers vous telles et si griefves, le temps bien considéré et les affaires, qu'elles estoieut pour mouvoir ou ung roy ou le plus constant homme du monde. D'autre part, y a un mot en ce que passe à nostredict Sainct-Père le roy d'Angleterre, c'est qu'il promect vous faire ratiilier et approuver ce que dessus, qui seront deux choses estans par cyaprès monstrées qui pourront saulver la foy et honneur du Roy envers tout le monde si on l'en venoit à reprendre. Et, pour ce. me semble qu'il sera bon prendre un double autenticque dudict escript du roy d'Angleterre que vous monstrera Stephanus pour vous servir par cy-après en ceste matière, car avec l'autre excuse ceste-cy ne sera petite, dire que y avez esté comme contrainct par le roy d'Angleterre auquel, en tel temps que cestuy-cy, ne pouvez ne osez riens reffuser; et pourriez veoir. Monseigneur, si de ces deux poinctz sera bon incontinent faire ung acte ou protestation secrète. Quant à moy, je signeray bien que ledict de Gambres m'a très expressément usé desdictes menaces et que les propos de son maistre estoient telz que là où il luy fauldroit périr, comme de faict il [luy] faudroit si, par accorder à l'Empereur, il le faisoit dominateur de lltalye, si aymcroitil mieulx périr par cy-après que n'obtenir à présent ce qu'il demande. Ce que j'en dis, Monseigneur, je prcns que soit autant de papier perdu ; je sçay bien que n'este? pour le mal prendre.

Ce matin. Monseigneur, ay receu voz lectres du quatriesme qu'ay envoyées à monseigneur le légat pour l'asseurer de la santé du Roy que à grand peyne luy pouvoys persuader, parce que de quelque part on en avoit mandé au docteur Stephanus quelque mauvaise nouvelle. lime semble, Monseigneur, qu'il n'y aura mal, puisque Dieu luy a donné santé, qu'il se laisse veoir au plus tost qu'il pourra quelque coup à ce peuple d'ambassadeurs et estrangers et ne fust que en passant à quelque fenestre, car, sans poinct de doubte, on ne peult à aucuns par deçà et des plus grands, encores plus en Flandres, oster de la fantaisye qu'il ne soyt en tel estât qu'il luy est impossible jamais en résouldre. Encores s'est-il baillé en Flandres assez d'argent qu'il estoit mort. Je suis plus allé en une sepmaine par la ville que n'avoys en

l56 JEAN DU BELLAY.

IFévrier iSaS

deux mois pour leur monstrer que n'en portoys le dueil, qui leur a aydé à diminuer ceste fantaisye.

Aussi, Moaseigiiear, mondict seigneur le légat a trouvé bon que l'eschansson Marigny et le docteur Gervaise (">, qu'il congnoist l'un et l'autre, aillent en Allemaigue; le plus tost que pourrez envoyer ung double de leurs instructions sera le meilleur, car avant ne partira M<= Wallop,