Jean du Bellay à Montmorency. Londres, 12 mars

(Orig. : Bibl. Nat., fr. 3076, fol. 93. — Copie (minute) : Bibl. Nat., fr. 5499, fol. 56 et 56 v°. — Analyse : Brewer, Op. cit., vol. IV, part, m, app. n' i54.)

Monseigneur, si le sieur de Castillon, présent porteur, ne vous rend bon compte de son voyage, je veulx qu'on le me reproche, et croyez que ce qu'il est possible de faire il l'a faict, de sorte qae j'ose dire que sa venue a porté grant prouflît et avancement aux affaires du Roy. Quand monsieur de Bade (^) ira vers vous, vous debvrez efforcer de luy faire bonne chière ; et seroyt bien faict, incontinent qu'aurez bien entendu toute la charge de Castillon, de le renvoyer au devant de luy pour luy dresser son chemin par hacquenées, car il ne peult aller en poste (^h Je croy que monsieur de Morete ne peult estre guèrez ioing d'icy ; si luy mandez qu'il demoure en mon lieu, vous ferez belle aulmosne ; il me semble, Monseigneur, qu'il fera bien ceste charge.

Aussi, Monseigneur, suys d'adviz que incontinent me dépeschiez ung pacquet et que me mandiez bien que facze toute instance de faire descendre ces mil Angloys pour ayder à divertir l'effort de Ferdinand qu'il veult faire en Italie, et aussi à fin qu'il aille aux oreilles de l'Empereur que la guerre se commence et que par cela il perde la vaine espérance qu'il a que de deczà n'aura poinct de trouble, dont les Espaignolz et Flamens ne cessent de se vanter; qui sera ung poinct qui plus que chose du monde fera entendre lEnipereur aux nouveaulx articles qu'on veult envoyer, si, aussi tost ou plus tost que lesdictz articles, lui vient nouvelles que c'est à bon escient. Ceste lectre. Monseigneur, m'aydera bien à les presser en la sorte que je désire faire. Et pour ce, Monseigneur, que tout le surplus entendrez par ledit sieur de Castil-

(i) .lohn Clerk, évèque de Bath, fut dépêché le 24 mars. Cf. la lettre de Henry VIII à Montmorency pour le lui recommander, Windsor, a4 mars (Bibl. nat., fr. 298a, f. i4).

(a) La minute, dont le ms. 5499 contient la copie, porte : « car le bien contenter peut beaucoup servir pour le lieu que vous sçavez qu'il tient envers monseigneur le légat. »

AMBASSADES E\ A^'GLETERRE. I77

Mars 1528]

Ion, plus avant ne m'y estendray, mais me recommandant très humblement....

De Londres, le xii^ de mars.

Je n'ay esté d'advis que Gastillon actendistplus ses lectres, car desjà les avoyt actendues deux jours; seront lectres de rien; je les enverray après luy par la première poste.

Vostre....

J. DU Bellay, éçesqiie de Baj'onne.

71. — « Double d'une lettre baillée au capitaine général de l'armée de mer du roj' d'Angleterre. » Londres, le i3 mars i528.

(Copie : Bibl. Nat , fr. 5499, fol. i55.)

Nous Jehan du Bellay, évesque de Bayonne, ambassadeur pour le Roy très chrestien vers le roy d'Angleterre, son bon frère et perpétuel allyé, certifiions à tous ceulx qu'il appartiendra que le voulloir et intention du lloy, nostredict seigneur, est que tous maistres, chefz ou cappitaines de navires, tant françois que aultres ses subgectz, ayent à incontinent se désister de faire la guerre à Flamens, Espaignolz et aultres marchans quelzconques allans ou venans par ceste mer et au long de ceste coste d'Angleterre jusques à tant que aultrement en soyt ordonné, comme a peu clairement à chacun apparoir par ce qui a esté faict et publié à Boullongne, Dieppe, Sainct- Valéry et aultres portz estans en la subgection du Roy. nostredict seigneur. Si prions à tous les susdictz cappitaines, chefz ou maistres de navires que totallement ilz se vueillcnt désister pour ceste heure, et jusques à ce que aultrement leur soit ordonné, de faire guerre, arrest ou empcschcmcnt à tous les susdictz navires damans , espaignolz ou aultres quelzconques allans ou venans par ceste dicte mer pour le faicl de leur marchandise; les advisant, en oultre, que le voulloir du Roy, nostredict seigneur, est que, après qu'estans par nous advcrtiz, comme il nous a très expressément chargé et commandé de faire,

jng JEAN DU BELLAY.

' [Mars i5a8

ceulx qui ne se retireront ou désisteront totalement de faire la guerre aux susdictz navires, qui présentement sont pour le bénéfice commung des deulx roys amis, alliez et perpétuellement confédéré/ envoyez de la part de très haut et très puissant prince le roy d'Angleterre pour estre et voguer sur la mer et au long de la coste susdicte, ilz ayent à leur faire par toutes voyes et manières observer la susdicte intention du Roy, nostredict seigneur, jusques à les y contraindre par force d'armes là où il sera besoing. Et ainsi nous a très expressément chargé leur donner à entendre.

Par quoy, pour plus grande approbation avons bien voulu bailler la présente, signée de nostre main et scellée de nostre petit sceau à monseigneur...., admirai dudict seigneur roy d'Angleterre (^\ pour la faire monstrer et exhiber à tous ceulx qu'il appartiendra par ses visadmiraux, lieutenans ou aultres chefz et cappitaines de navires telz qu'il lui plaira ordonner ou depputer pour cest affaire.

Faict à Londres, le treiziesme de mars, l'an mil cinq cens vingt sept [anc. st.].