Jean du Bellay à Montmorency. Londres, i5 mai

(Orig. : Bibl. Nat., fr. 3076, p. 145-146. — Analyse : Brewer, Op. cit., vol. IV,

part, m, app. n' 168.)

Monseigneur, à la lectre du Roy O ne sçauroye guèrez adjouster. Je vous prye me faire dépescher la responce. One n'euz tant de paine à me deffcndre de presser les choses que j'euz hier. Vous verrez oii en demourasmes. Qui ne l'accordera ainsi, monseigneur le légat ne sei'a content. Toutesfoiz je seray d'adviz qu'on en usast comme j'escriptz au Roy.

Croyez que illustre seigneur Don Diego (2) de Mandosse feist bien hier le brave, et sembloyt que la compagnye feust bien

(1) Non retrouvée.

(a) Don Diego est un lapsus. Il faut lire : Don "Ynigo.

Mai i528]

tenue à luy de son assistence ; et Dieu sçayt s'il sçavoyt mectre bien hault l'Empereur en ses faietz et en sa cause. Je luy protestay tousjours que ne vouloye disputer et qu'il n'estoyt temps de ce faire, veu qu'il se sçavoyt assez en quelz termes estoyt la dispute avec les maistres. Il confondoyt tout le monde de ses lansquenetz. Monseigneur le légat remonstrant aux secrétaires de madame Marguerite que, s'ilz n'accordoyent la tresve selon mes articles, le Roy voyant le succès de monsieur de Lautrec, dont mesmes j'avoye nouvelles plus fresclies qucmadépesche, s'en pourroyt retirer, et me disant que je comptasse ce qu'en avoye receu, je ne m'y voulus espargner, et quant j'euz passé ce poinct du marquis del Guasto et des Espaignolz de troys à quattre mil des meilleurs hachez en pièces, l'illustre seigneur, enllammé du feu de sainct Mathelin. se print à bruyre et tourmenter à luy mesmes ; nous pension qu'il feust sorty hors du sens, comme de faict il estoyt, et ne m'en bailla poinct mains, combien que n'eusse parlé à luy, que, si nous estions hors de là, il me bailleroyt tel coup que je m'en sentiroye. Je ne sceuz sinon rire et luy demander si ce seroyt de sa crosse ou de sa marotte. Quelque temps après, je demanday audience et loy do parler et luy respondiz ce qu'il m'en sembla. Il devint le plus honneste homme du monde, car après que jeux faict mon protest à monseigneur le légat et ung peu harengué là-dessuz ledict ambassadeur, il me laissa dire, sans qu'il le prinst de mauvaise part, qu'il m'avoyt ne bien, ne honnestement parlé, ne en homme de bien et d'honneur et que, encores là où il ne se meclroyt en effort d'exécuter sa menasse, je ne le tcnoye pour gentilhomme, ne homme de bien et que, la voulant exc" cuter, j'espéroye de le frotter le myeulx qu'il fut en sa vie. J'avoye faict mon protest que ne parloyene comme évesque, ne comme ambassadeur, puys que luy estoyt sorty et des termes de sens et raison et d'évcsque et d'ambassadeur. Ses chancclliers respondircnt pour luy, en sa présence, que parlant d'un coup et ne saicliant bien la propriété du langaige françoys, il cntendoyt d'ung coup de langue. Je diz me contenter de cela puysqu'il se desdisoyt : la paix fut cryée entre messieurs. C'eust esté bel esbat, Monseigneur, de nous veoir combattre crossez et mitrez : je croy qu'eussiez voulentiers

[Mai 1528

veu ce passe-temps. Au commencemeut ses cliaacelliers, me voulans rapaiser, me prioyent ne le prendre mal et que c'estoyt la nature des seigneui'S d'Espaigne d'avoir ainsi le sang chault. Somme, Monseigneur, il fut jugé ung très bon foui etencores archifoul; et combien que, durant l'escarmouche, monseigneur le légat se mist en très grand paine d'estaindre les choses et ne me vouloyt donner audience, au partir il me dist avoir esté très aise de ce qu'avoye faict et que n'eusse faict mon debvoir aultrement. Voylà, Monseigneur, comment se gouvernent les ambassadeurs à Londres.

Je vous supplye faire au plus tost dépescher ma responce et que je soy bien instruict de ce qu'auray à faire en toutes choses.

A tant me recommanderay....

De Londres, le XV* de may.

Ce matin dépeschent ceulx de madame Marguerite comme moy et promectent d'avoir incontinent responce. Si n'eust esté ceste difiiculté nous gagnion ung moys ou à tout le moings demy-moys. Je n'ay osé passer le commandement que j'avoye si exprès.

Vostre....

J. DU Bellay, évesque de Baj^onne.