Louise de Savoie à Wolsej. Saint-Germain-en-Laye

i6 mai iSaS.

(Orig. : Record Office. — Analyse : Bkkwek, Op. cit.., voL IV, part, ii, n' 4266.)

La fiance et seureté que j'ay prins en vous. Monsieur le cardinal, mon bon fils et père, me fera tousjours parler franchement avecques vous et pour ceste cause , je ne vous scelleray point que monsieur de Bathe, parlant ces jours passez des aflaires communs d'entre ces deux princes, a tenu des propos qui ont semblé estranges au Roy, mon seigneur et filz, comme de dire que le roy d'Angleterre, son frère et meilleur amy, n'estoit point tenu d'entreprandre la guerre actuelle contre l'Empereur jusques à ce que

Mai i328]

ledict Empereur eust rcffuzé tous les partiz et moyens de venir à la paix ; persistant ledict sieur de Bathe en aussi aultes condicions et demandes pour ledict Empereur, comme auparavant la despence qui s'est t'ete, tant pour le voyage de monsieur de Lautrech que pour le demourant de toute la Ligue.

Sur quoy. Monsieur le cardinal, mon bon fils et père, après avoir protesté que je tiens et extime l'amytié, alliance et fraternelle amour de cesdictz deux princes tant sollide, ferme et asseurée que, quelque chose que je oye et veoye, de ma vie je n'y feray double, car je pense que Dieu et l'amour naturelle d'entre eux deulx y a mis ung si cordial et indissoluble lyen que impossible seroit d'y veoir une seule macuUe de deffiance et souspeçon, je vous vueil bien ramentevoir vosti'e advis et bon conseil, dcsquelz j'ay fait loy et déerect, qui ont esté de me dire que, selon les effectz advantageux qui pourroient succéder par l'oppération de ladicte ligue et capitulacion faicte sous l'auctorité de cesdictz deux princes dont vous estes principal aucteur, que 1 on pourroit tirer l'ennemy à conditions plus raisonnables pour parvenir à l'actuelle restitucion de noz petitz cnlians et ne rendre inutille le labeur de vous et autres qui ont travaillé à réduyre les estatz dudict Empereur en l'extrémité où ilz sont. Pour ce, Monsieur le cardinal, mon bon fils et père, il me semble que estans lesdictz allaires de la ligue en la prospérité quilz sont, que vostre prudence sera bien d'oppinion que l'on se face valloir de telz effcctz et qu'il se doit tenir autre langaige que l'on n"a faict par cy-devant; toutesfoys, Monsieur le cardinal, mon bon lils et père, que, tout ainsy que je vous ay dit et que de vous-mesmes assez le savez, tout le désir et volunté que j'ay, c'est de venir à ladicte restitucion de nosdictz enffans et par conséquent au bien de ladicte paix, à laquelle il se congnoist clairement que les ennemys n'ont une seule scintille d'affection, mais plus tost veuUent par leurs ypocrizies et dissimulacions mener le temps et mallicieusement trouver le moyen de distraire cesdictz deux princes de la grande et parfaite coUégance et fraternité qu'ilz ont ensemble, à quoy vostre prudence sçaura très bien pourveoir et les contraindrez par

25o JEAN DU BELLAY.

[Mai iSaS

convenables expédiens de venir au point dont ilz ne se sçauront excuser, estans cesditz deux grans amys enTunyon, amy lié et perpétuelle alliance où je les veoy establiz par le mérite du vertueulx office que vous aurez tousjours fait de vray zélateur du bien de la chrestienté, aussi Taffection visçéralle que je sçay que vous portez à la conservation de leur réciproque amytié, de laquelle vostre affection et bonne volunté je suis asseurée comme de la bonté indefficiente de Nostre-Seigneur, qui me fera tousjours respondre de vostre intencion, encores que la fiance, quemondict seigneur et filz a en vous, soit de ce plus que souffisante.

Monsieur le cardinal, mon bon fils et père, le sieur de Morette <i), porteur de cestes, vous dira le demourant, vous priant ce néantmoins, comme prêtre de pitié et honneur, que vous vueillez sentir la rigueur dont a usé et use ledict Empereur envers noz petiz innocens et que, après qu'il a eu privé tous leurs serviteurs de leur veue et présence, il a conclud de les mectre en gallère et force, chose tant inhumaine que je ne le puis croire.

Et adieu, etc.

Escript de Saint-Germain-en-Laye. ce XVI« jour de may.

La plus que toute vostre bonne mère et fylle.