LOYSE

93. — « Mémoyre au sieur de Morette, le secund volage qu'il fut envoyé vers le roy d'Angleterre (^) » [16 mai 1628].

(Copie : Bibl. Nat., fr. 5499, foL 23 v-25. — Analyse : Breweb, Op. cit., vol. IV,

part, m, app. n* 169.)

Morette, l'un des gentilshommes de la Chambre du Roy, lequel ledict seigneur envoyé par devers son très cher frère, cousin, allié et confédéré perpétuel le roy d'Angleterre, son bon compère, et aussi par devers son très cher et grand amy

(1) Voir les lettres de recommandation écrites à Wolsey, en faveur du sieur de Morette, par Marguerite de Navarre et Montmorency, dans Brewer, Op. cit., vol. IV, part, u, n" 4a6j-4268.

AMBASSADES EN ANGLETERRE. a5l

Mai i52S]

le cardinal d'Yorth, légat, etc...., baillera les lettres de créance que ledict seigneur leur escript, et après avoir faict à sondict bon frère les très affectueuses recommandations dudict seigneur dira ce que s'ensuyt.

C'est assavoir que ledict seigneur a offert à l'Empereur pour le bien de la paix et pour recouvrer messeigneurs ses enfans plus qu'il ne devoit. tellement que, dès lors que ledict seigneur roy d'Angleterre entendit icelles offres, les trouva excessives; néanmoins ledict Empereur ne les a voulu accepter, ains sur icelles a faict une responce incertaine, cauteleuse et captieuse, sur laquelle ne se peult prendre fondement certain. A ceste cause, les ambassadeurs desdictz seigneurs roys, ensuyvant ce qui avoit esté entre eulx accordé, intimèrent la guerre audicl Empereur. Et d'aultant que l'aulmosnier, l'un des ambassadeurs dudict seigneur roy d'Angleterre, diféra à faire icelle signification de guerre, le roy d'Angleterre, son maistre, fut mal content de luy et fut escript au Roy très chrestien qu'il en seroit chastié ; de sorte que iceliuy seigneur Roy très chrestien n'espéroit autre chose sinon que de présent la guerre se deust faire en Flandres, ensuyvant les traictez sur ce faictz et jurez ; et à ces fins avoit envoyé quérir des lansquenetz qu'il a faict souldoyer pour ung mois, afin que de sa part tint promesse.

Toutesfoys, l'évesque de Bathe est venu par devers ledict seigneur Roy très chrestien pour l'admonester et persuader de la part d'icelluy roy d'Angleterre d'essayer encores d'avoir la paix avec l'Empereur et accorder les moiens qu'il a baillez audict sieur pour y parvenir et recouvrer messeigneurs les enfans. Ledict seigneur luy a respondu qu'il n'y avoit personnage en la chrestienté qui aict plus de cause de désirer la paix que luy, tant pour se mettre hors delà grosse despence où il est que aussi pour recouvrer mesdictz seigneurs ses enfans. et que à luy ne tiendra qu'il n'y aict paix ; mais que les moiens d'icelle se trouvent lelz qu'il [est à craindre que il] ne demeure déçeu et la guerre, en lieu d'estrc estainte, soit plus enfiammée que jamais et ledict seigneur Roy despouillé de ce qu'il tient pour contrcgaige de messeigneurs ses enfans et les frais et mises par luy faictes perdues, ses amys

[Mai i528

et confédérez hors son alliance et amytié et ses enfans non restituez, ce qui pourroit advenir facillement si plusieurs des ouvertures baillées par ledict évesque de Bathe audict seigneur estoient mises en avant et acceptées par ledict Empereur.

Et pour ce que ledict évesque a fort pressé ledict seigneur Roy très chrestien de vouloir avoir agréables tous iceulx articles d'ouvertui'es, disant et voulant soustenir que, là où ledict seigneur Roy très chrestien ne les auroit agréables, icelluy seigneur roy d'Angleterre ne seroit tenu luy assister à la guerre qu'il veult faire à l'encontre de l'Empereur, et, sur ce, a mis en avant aucuns argumens esquelz se peult facillement respondre, comme se pourra veoir par les responces baillées audict Morette; et voiant ledict seigneur que ledict évesque de Bathe persistoit entièrement esdictz moyens et argumens, tellement qu'il sembloit plus estre ambassadeur de l'Empereur que de sondict bon frère, luy a dict et remonstré qu'il ne pensoyt que sondict bon frère luy eust donné telle charge, et, si n'eust esté pour l'amour de luy, ne se fust déclaré offert ne accepté ce que ledict seigneur a offert et accepté et peult estre que, quand icelluy Empereur eust faict icelles ouvertures, eust beaucoup moins demandé que icelluy seigneur n'offre, attendu mesmement Testât en quoy sont de présent les affaires. Et est records ledict seigneur que, quand les nouvelles de la prinse d'Alexandrie, le Bosq(i) et Gennes vindrent, luy estant pour lors en Picardie où estoit aussi monsieur le légat d'Angleterre, ledict sieur légat ne voulsist les offres, qui depuis ont esté reffusées, estre envoyées, espérant gaigner quelque chose, moyennant lesdictcs prinses ; à ceste cause furent seuUement escriptes lectres missives par lesquelles l'on otfroyt trop moins que par icelles offres. Sy, a conquis depuis icelluy seigneur Roy très chrestien Pavye et quasi tout le royaulme de Naples en grand labeur, frais, mises et despence, lesquelles choses raisonnablement doyvent servir à icelluy seigneur à recouvrer messeigneurs ses enfans à trop moindre

(i) Le Bosco, près d'Alexandrie, dont Lautrec s'était emparé au début du mois d'août iSaj.

Mai 15281

pris que u'a esté oflert, attendu que icelluy F^mpereur a esté cause de la dicte guerre et frais faictz en icelle, pour le reffuz qu'il feit, estant le Roy à Coignac(i), d'accepter les offres qu'il luy envoya, lesquelles estoient trop plus grandes que de raison ne debvoient. Et dès lors, quand ledict seigneur se veit refuzé, délibéra d'avoir la paix et messeigneurs ses enfans par la guerre, laquelle depuis il a jusqucs à présent continuée. Par ainsy est bien raison, quand la paix se fera, qu'on y aict esgard.

Et les choses susdictes remonstrées audict seigneur roy d'Angleterre, luy dira que le Roy le prie bien fort d'y avoir bon regard et aussi aux traictcz entre eulx faictz et jurez ; et que, jaçoit que la guerre se deust faire en Flandres, qui estoit chose fort aisée audict seigneur pour [avoir] sur les confins une partye de sa gendarnierye, l'artillerye. pouldres, boulletz et charroy à ce nécessaires, et que les lansquenetz estoient à demy portez, néanmoins, pour complaire à sondict bon frère et pour éviter les murmures de son peuple, a esté et est content que icelle guerre se face en Espagne et que les tresves telles qu'il a escript audict seigneur se facent avec les Flamens. Et sur ce insistera ledict Morette ; et où il trouveroit ledict roy d'Angleterre n'y voulloir entendre, luy dira que ledict seigneur sera content, en luy fournissant chacun moys l'argent que luy coustera la guerre qu'il convenoit faire en Flandres, de faire icelle guerre en Italye contre le nouveau secours que l'Empereur y envoyé, parmy ce que l'armée de mer desdictz seigneurs yra sur la coste d'Espagne faire la guerre aux Espagnolz. Et est celle dudict seigneur toute preste. Et où il dényeroit ainsi le vouloir faire, ce que ledict seigneur ne peult croire, actendu l'amour très cordiale qui est entre eulx , lui dira que le peuple de France murmurera et ne sera content du tribut du sel 12) promis audict roy d'Angleterre à prendre sur ce royaulme et autres choses en contemplation de ladicte guerre.

(1) Allusion aux conférences qui, en mai i52(j, eurent lieu dans cette ville entre François I" et Charles de Lannoy.

(a) Par le traité du 3o avril iSa;, François I" s'était engapé à fournir annuellement à Henry VIII pour i5,ooo écus (à 35 sous tournois l'écu) de sel.

[Mai 1538 Et finablement fera et dira ledict Morette en tout et partout ainsi qu'il verra estre à faire pour le mieulx (0.

94. — Jean du Bellay à [^Marguerite de Navarre], Londres, 19 mai [iSaSJ.

(Orig. : BibL Nat., fr. 3o;6, p. i55-i56.)

Madame, si toutes les foix que monseigneur le légat m'a pryé vous faire ses recommandations, je ne m'en suys acquitté, je croy que n'en estes mal contente, car j'estime que la principale que demandez est qu'il ayt les affaires du Roy en affection, ce que je voy, Madame, qu'il a et demoure en ceste ferme créance. Et si quelque chose part aulcunes foiz de luy qui semble estre au contraire, je croy que c'est pour le grant désir qu'il a de conduyre la paix jusques à l'effect qu'il a entreprins et de la délivrance de messeigneurs les enfants que pour aultre chose ; laquelle délivrance tiendra tousjours ceulx de deczà tant en suspens, craignans les inconvéniens qui peuvent survenir, qu'ilz ne penseront jamais estre bien asseurez jusques à ce qu'elle soyt advenue.

Et quant aux termes, Madame, où a esté monseigneur le légat par les lectres de monsieur de Bade et ceulx où il est de présent, ne vous en ennuiray pour ce que le pourrez veoir par les lectres du Roy. Ce qui plus le tourmentoyt estoyent les paroUes de monseigneur le chancellier à monsieur de Bade : qu'il ne cuydast pas qu'on n'entendist bien ce qu'on a à faire et à quoy ceulx de deczà sont obligez et que l'on l'entendoyt aussi bien qu'eulx et que, là où ilz ne feroyent ce qu'ilz ont promis, on ne leur tiendroyt le traicté de paix perpétuelle et que, si monseigneur le légat estoyt là présent, il [le] luy diroyt bien à son visaige et aultres paroUes

(i) Le jour même où François I" dépêchait Ch. de Morette en Angleterre, l'évêque de Bath écrivait à Silvestre Darius pour le presser de partir sans attendre l'envoyé de M"' Marguerite, dont le sauf-conduit n'était pas encore arrivé, et l'instruisait de ce qu'il aurait à dire, au cas où cet envoyé, pour une raison ou pour une autre, ne pourrait se rendre en Espagne.

AMBASSADES EX ANGLETERRE. a55

Mai iSaS]

semblables tendantes, comme dict mondict seigneur le légat, manifestement à picque, comme si ce feustà luy qu'on en voulsist et qu'on cherchast de s'attacher (•) à luy par quelque mauvaise sorte.

Madame, je n'ay rien voulu en mander au Roy, ne à Madame, pour ne me mectre trop avant en la patenostre et aussi qu'on eust peu présumer que l'eusse faict par affection, pour ce que depuys quelque temps mondict seigneur le chancellier a, comme j'ay entendu, voulu brouiller mon frère (2), si ne luy eussiez esté en ayde. Mais, j'ai pensé, Madame, que. puys que de rien m'avez faict ce peu que je suys, vous ne vouldriez estre cause que je retournasse à ce rien ; pour ce m'a semblé m'en povoir deschargeren la franchise et sauveguarde de vostre bonté, à fin que estant à présent la playe guérye envers monseigneur le légat, si voyez y estre encores envers monsieur de Bade demouré quelque racine de mal qui peust espandre ses branches jusques icy et qu'il y fust besoing de quelque médecine, suyvant ce que desjà Madame en a faict au singulier contentement de mondict seigneur le légat, puyssiez adviser ce qui en seroj't de faire, à fin que les choses ne se renvenimassent, que j'ay eu paine à rabiller beaucoup plus que je ne diz ; ce que pourriez. Madame, d'autant plus facilement faire que ledict sieur de Bade vous a en telle estime, comme deczà ay congneu à ses propoz, que voz parolles n'auront peu de poix en son endroict.

Et pour m'estendre à en dire. Madame, ce qu'il m'en semble, débattant affaires on peult bien se passer de s'attacher particulièrement aux personnaiges mesmement plains de telle magnanimité que celluy à qui vous avez à faire et vous asseure qu'il y auroit dangier que à guèrez continuer on s'en trouvast bien mal ; et ne croy poinct que le Roy ne Madame en soyent cause, comme bien je l'en ay asseuré et estoyt

(i) S'attaquer.

(a) Guillaume du Bellay avait en ce moment même des démêlés fort vifs avec le chancelier Duprat, à la mauvaise volonté duquel il attribuait le» retards que subissait le paiement de pensions et allocations à lui accoidées par le Roi. Il en avait appelé à Montmorency et à Louise de Savoie. Dans une longue lettre à Marguerite de Navarre il fait un tableau complet et très sombre de sa situation. Cf. Bibl. nat., fr. 5i5a, f. iS-i; (copie). Le différend se poursuivit jusqu'en juillet et nous en ignorons l'issue.

[Mai ID28

besoing que je le fisse. Il se peult, Madame, débattre contre

luy et roide et aigrement sans rien guaster autant que contre

homme que vistez onc, dont monsieur de Morette et aultres,

qui ont puys naguèrez esté deczà, vous pourroyent tesmoigner,

mais il y a moyen es choses.

Madame, si je parle ung peu franchement et par advanture trop imprudemment, je vous supplye prendre ma conception comme partant de voulenté necte et entière, sans estre aulcimement en cest endroict maculée d'affection que je ne fusse content avoir au dernier instant de ma vie.

Madame, je requiers Nostre-Seigneur....

De Londres, le X1X« de may.

Vostre très humble....

J. DU Bellay, évesqiie de Bayonne.