Jean du Bellay à Montmorency. Londres, 20 mai [iSaS

(Orig. : Bibl. Nat., fr. 3077, p. ii-i4- — Analyse : Brewer, Op. cit., vol. IV,

part. III, app. n« i63.)

Monseigneur, je rendz tel compte au Roy (i) de toutes choses qu'il me semble cela debvoir aussi satisfaire à voz lectres; et croyez. Monseigneur, suz mon honneur que je ne luy baille rien à la fin de mes lectres où je n'aye bien pensé et où je n'aye bons fondements, car je seray trop marry d'estre reprins de légèreté ou de foUye. Je ne vous diray pas, Monseigneur, que je faix le myeulx que je puys, car je croy que si le pensiez aultrement vous n'y prendriez plaisir. Si vous puys-je dire que, quant je fuz sabmedi (2) vers monseigneur le légat, je le trouvay en telle perplexité et fantasia que je ne pensoye pas en avoir si bonne yssue, et croy que Dieu m'ayda à luy faire ma responce et ne me vouldroye vanter de tousjours en povoir faire une pareille. Dieu soyt loué de tout !

(1) Lettre non retrouvée, (a) Le 16 mai.

AMBASSADES EN ANGLETERRE. ti^'J

Mai 1528]

Tant y a, Monseigneur, qu'il me semble les choses y aller bien et ne debvez doubler que de tout ce qui est jusques icy faict il ne soyt satisfaict et content. Je croy bien que, si on ne le veult croire de user de ceste ampliation d'articles comme il demande, il luy en faschera beaucoup et que, ne l'acceptant, ceste contribution passée pour ceste saison, il n'entreprendra aiséement de reprendre ce faix suz ses espaulles de l'aire redoubler à Tadvenir. Je diz, Monseigneur, notamment ce faix, car, sans poinct de doubte, c'est luy qui envers le roy, son maistre, le porte, lequel ne prent à grant plaisir de faire despence et desbourser argent et peu des siens le luy conseillent et la guerre encores mains, à quelque fruyct qui en peust venir. Advisez donc qa'ilz peuvent faire où ilz n'en actendent aulcun fruyct et croyez qu'il a fallu pour semer ceste persuasion de concurrence, que monseigneur le légat leur ayt mys en teste que jamais l'Empereur ne reffuseroyt les offres. Estant icy, vous en peustes veoir quelque chose. A ceste heure qu'ilz veoyent ce qu'il en est advenu, ilz crieroycnt voulentiers le meurtre suz luy s'ils osoyent, dont il n'est sans pensée, et sçay de vray qu'il mect aussi grant paine de leur justifier tous lez actes du roy qu'il est possible de faire.

Il m'a demandé pourquoy on vouloit envoyer ung gentilhomme ; je luy ay dict n'en sçavoir riens, si nestoyt pour luy faire bien entendre les causes pour quoy le Roy n'avoyt tous accepté ses articles, à fin qu'il n'en fust malcontent. Il en a ung peu secoué la teste, disant qu'il ne fault user de respectz envers luy et que plus je luy en feray entendre en une heure que ung gentilhomme en ung jour, considéré mesmes qu'ilz ne l'entendent poinct parler que par truchement. Je vous ay quelque foix mandé que, à mon advis, ilz ne prennent plaisir d'avoir souvent icy gentilshommes, s'il n'est bien nécessaire, car ce sont autant de présens ; je seroye bien marry que pensissiez qu'ilz me ennuyassent ; plus grant plaisir ne me peult advenir pour plusieurs raisons, mais je vous en diz rondement ce qu'il me semble.

Au demourant, Monseigneur, j'ay tousjours la teste rompue de ce chancellier et en ay plus de paine que n'ay des affaires du Roy, car, pom' dire vray, de luy ne me soubcye ne de ses

[Mai i528

grans chevaulx, car pis ne sçauroyt-il faire qu'il m'a faict et à mon frère, et sçay, Monseigneur, combien pis il eust faict si n'y eussiez mys la main si avant que à jamais vous en susmes esclaves et telz vous seron, tenez cela pour TÉvangile. Mais quelque foix on s'est estendu jusque s à me dire qu'on entend bien, quelque myne qu'il y ayt, qu'il sçayt bien l'intention du maistre et qu'il ne seroyt si foui de s'estendre si avant. Je le diz, Monseigneur, pour ce qu'il semble que, parlant à monsieur de Bade, il vueille la guerre ouverte à monseigneur le légat. Je vous diz, Monseigneur, que, s'il en faict guèrez de telles, il pourra faire telle playe que toute l'Auvergne ne toutes les herbes de la Limaigne ne saneroyent pas, car vous sçavez s'il a à faire à homme qui ayt le cueur en la manche. J'entendz bien que par ce chemin me feray tout d'or ; si n'y a-il remède. J'en escriptz quelque mot à la royne de Navarre, la supplyant de n'en faire grant cas, comme j'espère qu'elle ne fera. Je vous supplye, Monseigneur, que si en oyez parler, m'excuser à tout le mains de malice. Vous sçavez combien il y a que j'en suys enpaineet avant qu'eusse occasion de me plaindre de luy ; mais quant tout est dict, il en adviendra ce qu'il plaira à Dieu. J'ayme myeulx me mectre au hazard de n'estre à présent estimé guèrez saige que par cy-après, en advenant inconvénient, il feust dict qu'eusse failly de mon debvoiret que, voyant dangier en chose d'importance, eusse laissé, pour craincte ou faveur, d'en advertir. Et par Dieu, Monseigneur, s'il estoji; question de mon frère, là où je penseroye que par l'en privéement advertir il n'en feroyt aultre chose, j'aymeroye myeulx luy charger les espauUes que les myennes. C'est trop de ce propoz, mais la paine où j'en suys m'y faict estre prolix.

Aussi, Monseigneur, vous veulx bien advertir que quant m'advertiriez, ung peu avant la main, des choses, comme l'intention et bien du Roy esquelles passent, je n'y gasteroye rien. Je ne le vous diz sans cause et croy fermement que le faict de la contribution allast beaucoup myeulx, si j'eusse esté adverty que le Roy eust trouvé bonne la tresve. Pareillement de Testât des affaires d'Italie, comment il va des descentes, des secours, des délibérations, ce qui

AMBASSADES EX AXGLETERRE. 25q

Mai i3qS]

s'en peult dire, quant ordonneriez à Nicolas de m'en mander aulcunes foiz quelque chose, j'en feroye beaucoup plus aiséement ma charge et les affaires n'en empireroyent en rien. Mais ceulx de deczà saichans toutes choses et moy rien, comme tous les jours il advient, et estant remys à deviner, je ne puys respondre comme aulcunes foiz il seroyt besoing. Je ne le diz pas pour estre curieulx de nouvelles, car si j'estoye en ma maison je ne m'enquerroye, sinon si tout iroyt bien. Je vous supplye, Monseigneur, y vouloir ung peu penser et desjà avoye pryé monsieur de Morette et auparavant Castillon de le vous dire.

11 me semble qu'il seroyt bon que par vostre première lectre me maudissiez comment avez veu par mes lectres du Roy et de Madame que me faiz fort suz mon honneur que monseigneur le légat n'a mains en recommandation leurs affaires que les siens inesmes et qu'il n'est besoing dasseurance et que vous-mesmes y vouldriez obliger le vostre et aultres telz propoz. Je m'advanture de vous en dire ce qui m'en vient en la fantasie, car je sçay, Monseigneur, que prendrez tout de bonne part.

Il est icy venu nouvelles à monseigneur le légat que le Pape est content d'actendre encores pour Ravenne et Servye. Je l'ay dict à l'ambassadeur de Venise qui se recommande bien humblement en vostre bonne grâce, à lin que, quant le mariaige (0 se fera, il ne s'esmeuve rien.

On a envoyé les seigneurs par le pays et le duc de Nortfoch entre aultres, qui est en sa maison en grant dangier, comme on dict, de mourir d'ung caterre ; tous les capitaines, qui commençoyent à faire leurs roolles , sont contremandez.

De la responce de la tresve, j'actendz qu'on m'en ordonnera. Croyez, Monseigneur, que pour monsieur de Gueldres (')

(i) Le mariage d'Hercule, fils du duc de Ferrare, avec Renée de France, célébré le 28 juin suivant.

(a) Dans le projet de trêve, que Jean du Bellay avait soumis le 14 mai aux Anglais et aux Flamands, figurait l'article suivant relatif au duc de Gueldre : « Et a nommé ledict Roy très chrestien de sa part, pour être comprins en la présente tresve, monsieur le duc de Gueldres, lequel dedans trois sepmaines sera tenu envoyer lectres, par lesquelles acceptera ladicte compréhension, autrement, ledict terme passé, sera forclus du bénéfice d'icelle. ». (Bibl. nat., fr. 5499, f. i3-i4). Les Flamands ne voulaient à aucun prix de cet article. Us ne

a60 JEAN DU BELLAY.

[Mai i528

j'ay tra veillé ce que j'ay peu et pour l'article de rentrer aux biens C), mais pour dire la vérité, vous entendez bien que, à ce qu'ilz disent, y a quelque apparence. Ce que j'ay mis à la fin de la lectre du Roy n'est pour estre advocat de ceulx de deczà, mais pour ce qu'il me semble qu'il est besoing d'entendre, s'il est possible, de quel pied ilz marchent, à fin que vous puissiez régler là-dessuz et aussi qu'on m'en demandoyt par mes lectres. Au surplus. Monseigneur, si jusques icy avez ung peu poinct ceulx de deczà, bien, de par Dieu! mais je croy que c'est assez. Il n'est rien plus vray que monseignem* le légat n'a pas voulu que le roy l'ayt entendu au long et peult estre qu'il ne l'eust ti^op bien prins. Vous sçavez que à grant paine veulent-ilz jamais confesser qu'ilz ayent tort. Je ne diz pas que d'une touche y ayt eu mal, qui n'eust particularisé suz monseigneur le légat, car on s'en povoyt bien passer.

Monseigneur, hier tout le jour et jusques à ceste nuyct ay actendu le pacquet de monseigneur le légat qu'il m'avoyt requis faire, qui me guarde de si tost faire ma dépesche.

Je me recommanderay....

De Londres, le XX*^ de may.

Fermant mes lectres ay sçeu que, hier, l'ambassadeur de Venise fut vers monseigneur le légat (2), Je croy qu'il a bien

consentaient à comprendre le duc de Gueldre dans la trêve que s'il abandonnait les conquêtes par lui faites aux Pays-Bas. Cf. la lettre de Marguerite de Savoie à Wolsey, du 22 mai, dans Brewkr, Op. cit., vol. IV, part. 11, n" 4285.

(i) Ceci se rapporte aux articles suivants du projet de trêve du 14 mai : « Oultre ce, est accordé que les subjectz d'un coslé et d'aultre, qui ne joissent de leurs biens pour tenir le party contraire, retourneront à iceulx et y demourcront comme ilz faisoient et usoient devant l'intimation de la guerre, tant que la tresve durera. — D'autre part a esté accordé que, jaçoit que le temps de la présente abstinence de guerre fust expiré, néanmoins durera jusques à ce que l'un desdictz seigneurs aura signitîié ou faict signiffier aux autres qu'il ne la veult plus tenir, après laquelle signification durera encores quarante jours, afin que les marchans et autres subjectz d'un costé et d'aultre puissent retirer leurs personnes et biens en seureté, sans paier par lesdictz subjectz du roy d'Angleterre durant ladicte tresve autres coustumes, tailles, gabelles et autres exactions que n'estoit usé et se faisoit au temps d'un an auparavant icelle intimation de guerre. »

(2) L'entretien avait roulé naturellement sur la question de Ravenne et Cervia : à l'ambassadeur vénitien, exposant les raisons ([u'avait la Seigneurie de garder ces villes, Wolsey avait répondu assez longuement qu'il fallait les restituer au Pape. (Dépêche de l'ambassadeur vénitien, du 19 mai, dans Ma- RiNO Sanuto, Diarii, t. XLVIII, col. 32-33.)

Mai ID28]

parlé à luy ; il est tout désespéré, mais je feray qu'il ne se guastera riens.

Vostre.

J. DU Bellay, évesque de Bqj'onne.