ID

(Orig. : BibL Nat., fr. So^i;, p. 6r-63. — Analyse : Brewer, Op. cit., vol. IV,

part, m, app. n- ijj.)

Monseigneur, j'escriptz au Roy (") bien au long de Testât où sont les choses, qui me guardera vous en faire guèrez de redicte. Aussi je faictz responce à messieurs du Conseil qui estoyent demourez à Paris à ce qu'ils avoyent escript à monsieur de Morette et à moy, pensans qu'il deust encores estre deczà. Vous verrez en quelz termes en susmes. J'espère que vendredi ou sabmedi (2) au plustost auray de voz nouvelles. Cependant je feray le myeulx que je pouiTay.

Il me semble. Monseigneur, que à ce cartel (3) on doibt

(i) Lettre non retrouvée.

(2) Le la ou le i3 juin.

(3) Le cartel dans lequel François I" provoquait Charles-Quint en combat singulier. Après l'avoir fait lire, lors de l'audience de congé de Granvelle, il l'envoya à l'Empereur par le hérault Guyenne, qui le remit le 8 juin. Cf. Gh. Weiss, Papiers d'État du cardinal Granvelle, 1. 1, p. 335-356.

Juin 1528]

bien penser. Ceulx de deezà ont suspendu le leur à estre baillé jusques à ce qu'on ayt veu que pourra prouffitcr le voyaige de niessire Silvestre. Il semble à monseigneur le légat, oultre les aultres raisons, que l'ung et l'autre doivent se bailler ensemble ; dict davantaige qu'il seroyt d'advis qu'on deust fermer les yeulx à toutes choses jusques à ce qu'on ayt messeigneurs les enfans, puys après qu'on fera merveilles, et quant à luy qu'il monstrera bien à l'Empereur qu'il n'a le cueur en la manche et qu'il n'aura rien gaigné de s'attacher à luy par injures.

Il est en grant paine de leur affaire vers le Pape et monsiem* de Bade luy escripvoyt (') qu'il luy envoioyt lectres du docteur Stephen qu'il n'a trouvées en son pacquet et le surplus du pacquet monslroit d'avoir esté crochetté. Il dict ledict pacquet avoir esté entre voz mains et d'aultres ; je luy ay bien respondu de vous. Soyez seur, Monseigneur, que s'il sappercevoji; une foix qu'on usast de ceste sorte les choses iroyent terriblement mal.

Il m'a dict aussi que Grégoire de Casai est en grant souspeçon du Pape, si les lansquenetz se rapprochent, qu'il ne prenne l'autre party. Il est icy venu nouvelles d'Anvers qu'il est desjà secrètement accordé à l'Empereur et le marquis de Mantue aussi. Toutesfoiz on ment souvent en ce quartier-là. Mais je vous supplye. Monseigneur, penser ung peu au propoz que vous manday cest yver de Gambre, que, là où le Roy ne luy accorderoyt ce qu'il demandoyt, principalement pour Ravenne et Servye, il se donneroyt plus tost au plus grant ennemy qu'il eust que de n'y trouver remède, et le disoyt quasi en forme de proteste. Il me dist aussi à quelque propoz que, quant au marquis de Mantue. il estoyt seur qu'il fcroyt entièrement ce que le Pape luy diroyt, et à ceste heure vous voyez qu'il a soufl'ert estre levez par ses parens et en ses pays gens de guerre pour les ennemys. Pensez ung peu aussi les paroUes de Jehan Lalemand, qu'il reprend par deulx foix en ses lectres, qu'on verra ceste année de grandes choses en Italie et ailleurs. Ce n'est pas si

(I) Cf. Breweb, Op. cit., vol. IV, part. 11, n« 45.38, Clerk et Taylor à Wolsey, 7 juin ; et la réponse de VVoIsey aux précédents, 12 juin dans .State Fapers,

t. vu, p. ;3.

[Juin i528

grant chose que une descente de lansquenetz pour tant menasser. Ce que je vous en diz. et par advanture ung peu sottement, je suys seur que le prendrez de bonne part. Mais voyant le Pape que de Ra venue et Servye, Florence, Ferrare et toutes ses aultres prétentions il n'est pour en avoir raison si le Roy demoure maistre en Italie, je nesçay quel conseil y prendra et si en luy on se doibt guèrez fyer. Les Véniciens en parlent ung peu plus avant, mais je croy bien que c'est par affection. Je sçay bien que à tout cela vous ne dormirez pas et que y sçaurez bien penser, mais je ne me puys guarder de souvent penser aux parolles de Gambre qui estoyent terriblement haultes, que par advanture Pistoye voulut rabaisser depuys, voyant qu'il n'obtenoytses demandes, pour ne désespérer les choses et à fin que, vous tenant en bon espoir, le Pape peust ailleurs dresser ses affaires, voyant que continuant ces termes on eust peu se saisir ou de ses estatz ou de sa personne. Quant audict Pistoye, vous sçavez qu'il est bon impérial ; aussi sont de [ce] costé-là assez d'aultres.

Au demeurant, Monseigneur, il faut que faciez ung peu de bonne chière à monsieur de Bade. Je vous asseureque, de ce qu'en ay peu appercevoir, il n'a tant guasté ou empiré les choses que vous pensez. Bien m'a dict monseigneur le légat que vous-mesmes vous estez ung peu aygri et altéré, quant il a esté question de débattre les articles de paix, plus qu'il n'eust pensé, veu la fiance qu'il a en vous. Toutesfoiz, tout est bien abillé. Il fault d'icy en avant. Monseigneur, qu'on leur monstre amytié ouverte et fiance, comme monsieur de Morette vous aura dict. Vous sçavez de quel metz il les fault servir. Je croy que ne leur fauldrez et je vous asseure bien que trouverez monseigneur le légat tel que le demandez.

Monseigneur, quelque asseurance que m'aiez baillée, je n*ay nouvelles d'avoir encores receu ung escu, et par ma foy la despence m'augmente tous les jours d'autant plus que mes cognoissances croissent, et croiez que j'en suys à l'extrémité, dont il me fasche bien vous importuner, mais je ne sçay que y faire. A vostre parlement, m'offristez que, s'il vaquoji; quelque chose, que le vouldriez demander pour moy ; je vous en merciay et vous diz que, n'ayant faict service au Roy, ne le

Juin i3a8]

vouldroye importuner de requestes, A ceste heure. Monseigneur, que je voy les deniers si cours que je ne doibs avoir espérance d'estre bien traicté et que mon bien n'y sçauroyt satisfaire à beaucoup près et que je doibz à Dieu et au monde, je ne sçay si je doibz changer de propoz et demander. Toutesfois, quant j'auroye ceste délibération, encores croy-je que je perdroj'e temps ; car, estant absent, il n'y aura personne qui advertisse et qui demande pour moy. Je remeetz, Monseigneur, cela en vostre discrétion pour le bien que monstrez me vouloir ; et, si voyez que ne l'ust chose desraisonnable de me faii'e changer mon éveschc à une meilleure, quant elles vaquent, et me fissiez ceste avance, je ne vous en diz aultre chose sinon que la despendroye et tout le surplus au lieu et en la forme et manière que l'ordonneriez. En somme, je me remectz en voz mains et me recommande....

De Londres, le X= de juing.

Monseigneur, jusques à ce jour ay actendu les lectres de monseigneur le légat, qu'il me debvoit envoyer pour le faict de messire Silvestre. Ce soir, s'est advisé et a envoyé homme exprès pour sçavoir qu'est devenue la lettre de Stephen, dont il est en grantpaine, et pense luy avoir osté tout souspeçon de vous.

Au demourant, depuys le matin jusques à ceste heure, qu'il est deux heures après minuyt, avon débattu en ce lieu de Hemptoncourt avec ceulx de madame Marguerite. A la fin, avon accordé soubz la forme que vous ay envoyée par monsieur de Morette , sinon que tant a esté tiré qu'ilz ont passé la carrière quant aux biens en la forme que vous envoyé; et, par ma foy, Monseigneur, monseigneur le légat y a incrédiblement traveillé plus qu'on ne sçauroyt dire. Il y a aussi quelque spécification de tresves de mer, qui est en substance qu'elle durera en toutes ces mers deczà les confins et portz d'Espaigne. Monseigneur, par ce moyen vous pourrez faire la guerre aux Espaignolz dedans leui's portz et eulx poinct à vous ne en voz portz ne en vostre mer, et tiens la chose pour avantageuse. Hz n'ont voulu signer, que demain matin n'eussent tout monstre à leur ambassadeur à Londres. A midy doibvent estre de retour et signer ; incontinent vous

agù. JEAN DU BELLAY.

[Juin i528

envoiray tout. Je ne sçay que c'est, mais onc ne viz gens si froictz qu'eulx en ceste matière.

Bien à haste le XIIP.

Vostre....

J. DU Bellay, éçesque de Baj'onne.