Ceste histoire extraicte de la page 778. et 779. est

vraye, tesmoins m'en seront Messieurs Alexis (i) premier

(i) Alexis Gaudin, médecin des rois Charles IX et Henri III, et premier

Médecin de la Royne, le Feure (i) Médecin ordinaire du Roy, Violaine (2) Docteur en Médecine en la faculté de Paris, et le Brun, Chirurgien iuré à Paris, maistre Anthoine le Vieux, Christophe Maubeau, Barbiers et Chirurgiens demeurans aux faulxbourgs Sainct Germain : lesquels oculairement virent par deux fois les membranes de la matrice sortir par putréfaction de la largeur de la main et plus, dont à vne fois fut recogneu par iceux vn testicule d'icelle à l'une des pièces. Au reste, la femme ne mourut que trois ou quatre mois après d'vne pleurésie, ayant les poulmons tous purulents : laquelle estant ouuerte, ne luy fut trouuée sa matrice, ains vne callosité et durté que nature (comme grande ouurière) auoit en default d'icelle matrice fabriqué, taschant à reparer ce qu'elle auoit perdu. Or ce n'est chose nouuelle qu'vne femme aye perdu sa matrice : Silvius au liure des Mois commande la coupper estant pourrie. Paulus ^gineta. Langius Médecin très docte du comte Palatin en ses epistres en recite vne histoire, epistre 39. qu'en sa présence vn Chirurgien nommé Carpus, (3) extirpa la matrice d'vne femme en la ville de Bononie, (4) sans la mort de la femme.