DUDIT PAJOT AVEC GUILLEMETTE LE PAULMIER, SA NIECE
Honnorable femme Gabrielle Passart, femme de noble homme maistre JuUien Le Paulmier, docteur régent en la Faculté de médecine en TLIniversité de Paris, confesse, en faveur du mariaige d'entre noble homme Nicolas Pajot. trésorier et payeur de la compaignye de monsieur de Chaulnes, et Guillemette Le Paulmier, niepce dudict maistre JuUien Le Paulmier, et lequel mariaige autrement n'eust esté faict, avoir donné et par ces présentes donne en pur don audict Pajot, à ce présent et acceptant, la somme de six mil Uvres tournois, laquelle somme ladicte Passart veult estre payée par ses héritiers après son décez sur tous et chascuns ses biens meubles, acquestz et conquestz immeubles qui luy appartiendront au jour de son dict trespas, et icelle somme prinse par icelluy Pajot sur iceulx, avant toutes autres choses et veult ladictc Passart la présente donnation
valloir en la meilleure forme que faire se peult, soyt par disposition entre vifz et irrévocable que autre disposition ayant traict à mort, à la charge que sy du mariaige dudict Pajot et deladicte Guillemette Le Paulmier y avoit enffans, dont néanlmoins ledict Pajot joyra sa vye durant à sa caution juratoire, et où il n'y auroit enftans, ladicte somme retournera au prouffict de qui il plaira à ladicte Passart pour en joyr après la mort dudict futur espoux. Et le cas advenant que ledict Pajot déceddast auparavant ladicte future espouze, ladicte somme de six mil livres tournois sera employée en propres pour lesdicts enffans comme dessus, et du revenu en joyront lesdicts enffans et non ladicte Paulmier. Et pour insinuer la présente donnation lesdictes parties ont faict leur procureur irrévocable le porteur de la présente. Promettant etc., obligeant etc., renonçant etc.
Faict Fan mil cinq cens soixante sept, le douziesme jour d'apvril, signé Brigrand et Goguier et au bas est escript : Enregistré par Goguier. Et au doz a esté mis et escript l'insinuation ainsi qui s'ensuict.
L'an mil cinq cens soixante huict, le mecredi septiesme jour de juillet, le présent contract de donnation a esté apporté au greffe du Chastellet de Paris et icelluy insinué, accepté et eu pour agréable aux charges et conditions y apposées par maistre Jaques Favier comme procureur de honnorable femme Gabrielle Passart, donatrice, et par noble homme Nicolas Pajot en personne, donataire dénommés oudict contract de donnation, lequel esté enregistré au présent registre xxiiii'' volume des insinuations dudict Chastellet de Paris suivant l'ordonnance, ce requérant ledict Favier oudict nom, et ledict Pajot donataire, qui de ce ont requis et demandé acte à eulx octroyé et baillé ces présentes pour servir et valloir k icelluy donataire en temps et lieu ce que de raison. Et après ce ont esté lesdictes lectres rendues audict Pajot.
(Archives Nationales, Y. log fol. 19.)
i567 — 12 Avril.
DONATION l'AR JULIEN LE PAULMIER DE 200O ECUS d'oR ET DE
