ACTE I, SCENE II 3g

tins-je neantmoins je ne sçay quoy de ceste grandeur, et mon pipeau n'estoit plus enroué comme il souloit, mais, d'un son plus hautain et plus harmonieux, imitant les trompettes , il faisoit retentir les forests d'alentour. Et Mopse, qui m'oiïit si bien sonner, en fut envieux, et me regarda d'un mauvais œil, dont je devins plus enroué que jamais, et fuz long temps muet, les bergers ayans opinion que j'avois veu le loup; mais c'estoit Mopse qui estoit le loup. Je t'ay bien voulu dire cecy, afin que tu cognoisses combien ces paroles sont dignes de foy ; et pourtant je te dy encore une fois que tu dois bien espérer pour cela seulement qu'il veut que tu désespères.

AMIXTE.

Je suis merveilleusement consolé d'avoir oui ce que tu m'en as dit, et remets, au reste, ma vie entre tes mains.

TIKSIS.

Je penseray à tes affaires, et ce pendant treuve-toy icy dans demie-heure.