L'ASSEMBLÉE DES BERGERS

0 belle et désirable saison de l'aage d'or ! non pas pour ce que les rivières couloient de laict, et que par tout le miel distilloit des arbres; non par ce que la terre volontairement et sans main mettre produisoit toute sorte de fruits, que les serpens doux et bénins couroient sans venin; non pour ce que l'air n'estoit point alors obscurcy de tristes nuages, ou qu'un printemps continuel, qui maintenant s'alume et puis se gelé aussi tost, faisoit tousjours rire le Ciel par sa seraine douceur, et moins encor pour ce que les vaisseaux estrangers ne portoyent de pays en autre ny guerre ny marchandise; mais seulement pour ce que ce vain nom et sans suget, cet idole d'erreurs et de tromperie, qui fut depuis surnommé honneur par le peuple ignare, ce cruel ennemy de nostre nature, n'avoit point encore meslé son poison parmy les gaves délices d'Amour, et sa dure loy n'estoit pas encor recette entre ces bien heureuses âmes, nourries en toute