Nyule, nuage, brouillard

PIERRE DE CRESCENCE 115

fruitz sont tost meurs et les autres tard. Aucunes en ya qui perdent trop souvent leur fruit en fleur et les aultres non : et si est aussi aucunes vignes qui perdent leur fruit par bruine, et les aultres sen défendent bien. Et si en est qui sont légèrement rompues par le vent et les aultres se tiennent bien. Les aucunes doubtent pluye et les aultré^ ^grande sécheresse. Et aucunes qui ont gros neux espes* -et drus, et les aultres ont les neux loing lung de lautre. L.es aucunes font bien longs et gros mettons*, et les autres cours et menuz et si ont les aucuns grand moelle et les aultres petite. Les aucunes ont les feuilles moult entrëcisées et les aultres peu, et aultres qui les. ont rondes et continuées. Et font les aucunes grappes blanches «t les autres noires, et aultres qui les font rouges. Les aucunes font peu de bourjons et «grans : et les aultres assez et petis. Aucunes font leurs grains durs et les autres molz : et si ont les aucuns grains dure escorce* et les autres tendre et déliée. Et aussi aucunes vignes font beaulx grains et clers et les autres obscurs. Aucunes vignes portent grains moult doulx et les aultres agus* vers «t aigres. Et aucunes qui font vin bien gardable et les aultres vin qui est de léger corrompu. Et sont toutes ces différences cleres et manifestes aux hommes sages et expers en cest art.

Chap. IV. , — Des diverses espèces des vignes.

Lon trouve moult despeces de vignes et qui sont nommées par divers noms en diverses contrées et provinces. Mais pour ce que les aucunes dicelles sont meilleures que les aultres, je vueil premièrement traicter des meilleures, et escripre les noms et leurs bonnes conditions, et puis après sera traicte des aultres moins bonnes affin que ceulx qui en vouldront planter ou enter en aient congnoissance.