LU

Mandement du comte de ChuroJah touchant la rénolulion priae par le duc de Bourgogne, son père, de marcher contre le Turc : 20 décembre 1 454.

Charles de Bourgongne, conte de Charrolois, seigneur de Chaslelbellin , gouverneur et lieutenant général , en l'absence de mon très-redoubté seigneur et père, de ses pais et seignouries de par deçà. Au souverain bailli de Namur, ou à son lieutenant , salut (1).

Comme, après la prinse de la cyté de Constantinoble et la conqueste , faite par le Turque, enneniy de la sainte foi chrestienne et du nom du benoît Sauveur et Rédempteur, de pluseurs contrées et marches voisines à ladite cyté, icellui Turques se soit enfforcié de mètre sus grant armée et puissance de gens, en intencion de mellre en subgession tous les roiaulmes et païs de chreslienté, mesmement le royaulme de Hongrie à lui voisin, et aultres païs à l'environ , et les faire à lui tributaires, en continuant et persévérant en son dampnable, desloyal et détestable propos et voulenté, tendant à la destruction entière de nostredite foy chreslienné et à la distraction du nom de Nostre-Seigneur Jhésu-Crist; et, pour à ce résisteir et obvier, et donneir soucours aux pririces chrestiens et à leurs royaulmes voisins, pronchains dudit Turque, lesquelz, à l'occasion de sa tirannye et puissance, sont en voye et taille d'estre perdus, se prestement provission n'y estoit advissée et miesse, ait esté tenue une jour-

(1) Le même mandement fui, sans aucun doute, envoyé dans toutes les provinces des Pays-Bas.

née, au lieu de Francfort, par les anibaxeurs de nostre saintpère le pappe, de l'Empereur, de mondit très-redoublé seigneur et père et de pluseurs autres princes , à laquelle journée ait esté conclud que tous lesdits princes chrestiens qui avoient envoie et qui estoient présens à celle journée, metteroient sus certain nombre de gens, et feroient une armée qui seroit preste en ceste pronchaine saison d'esté, et mesmement ait fait mondit seigneur déclarcir à celle journée, par ses ambaxadeurs qui y en ont esté, que son intention estoit de, en sa personne, atout tel nombre de gens qu'il pourroit avoir et fmeir, aler à ladite armée, en ensieuvant le veu par lui fait (1) , et ce qu'il mesmes avoit dit à la journée naguères tenue à Riensburg (2), à laquelle il a esté en sa personne avec aucuns princes des Allemaignes, qui desjà se préparent et mectent sus pour et alla fin dessusdite : lesquelles cboisses mondit seigneur nous at escript, et nous escript que, ensuivant ladite conclusion prinsse à icelle journée de Francford, et en accomplissant sondit veu, il s'est conclud, déterminé et délibéré de, au plaisir et ayde de nostre benoît Créateur, souverain acteur, disposseur et conduisseur de toute choisse, faire et accomplir, de sa part, ce que dit est, en mcctant sus le plus grant nombre de gens qu'il porra fineir, tant de ceulx qui de ceci ont fait veu pour l'ayde et defFensse de nostredite foy chrestienne, comme d'aultres qui aront dévocion d'y aleir et de pour ceste cause soy partir, pour faire ledit voyage, en sa personne, en proucbain printemps, en nous mandant que les cboisses dessusdites façons publier et signiffier par tous ses païs et seigneuries de par deçà :

Pourquoy nous, en obéissant et obtemprant au bon voloir

(1) Le vœu du Faisan, fait à Lille le 17 février 1434. Voy. Y Histoire des ducs de Bourgogne, par M. de Barante, édition de la Société typographique belge, t. II, p. 119.

(2) Ratisbonne.

et plaisir de mondit très-redoublé seigneur et peire, vous mandons, et expressément commandons et enjoingnons, que tantost, incontinent et à toute diligence, vous faictes crieir, publier et dénuncier, solempnèlement et à haulte vois, le contenu en ces présentes par toutes les bonnes villes et autres lieux de la conté de Namur où l'en a acoustumé faire, de par mondit seigneur, criz et publications, afin que ceulx qui, comme dit est, ont vouhé, et autres qui aront dévocion de aler avec lui audit saint voiage, en soyent advertis , et qu ilz se puissent melre sus [et] eulx appresteir, pour le accompaigner en ladite armée. Et nous certeffîez de ce que fait en aureiz. Donné à Bruges, le xx'^^jour de décembre, l'an de grasce mil quatres cens cincquante et quatre.

Par monseigneur le conte, gouverneur et lieutenant général:

Gros.

( Archives de TÉtat à Namur : registre aux minutes du souverain bailliage de 1448 à 1483, fol. 41 v.)

Lettre de Philippe le Bon et des chevcdiers de la Toison d'or à Charles VII, roi de France, servant de créance à Toison d'or, qu'ils lui envoient : 21 juin 44S6.

Nostre très-redoubté seigneur, tant et si très-humblement comme nous povons nous recommandons à vostre bonne grâce. Et vous plaise savoir, nostre très-redoubté seigneur, que nous envoyons présentement par-devers vous Toison, roy d'armes de l'ordre de la Thoison d'or, porteur de cestes, pour vous dire et exposer aucunes choses de par nous. Si vous supplions, nostre très-redoubté seigneur, que ledit Thoison d'or vous vueillez

bénic;nement oyr, et à ce quil vous dira et rapportera ceste ibyz, de par nous, adjouster plaine foy et crédence (I), et sur ce par lui, s'il vous plaist, nous signiffîer et faire savoir vostre bonne responce. Nostre très-redoubté sei2;neur, plaise vous adez nous mander et commander tous voz bons plaisirs et commandemens , pour iceulx faire et accomplir à nostre povoir très-volentiersetde bon cuer , comme raison est et tenuz y sommes : priant le bcnoit Saint-Esperit que, nostre très-redoubté seigneur, il vous ait et maintiengne en sa sainte garde, et vous doint bonne vie et longue, et acomplissement de voz très-baultz et nobles désirs. Escript à la Haye en Hollande, le xxi"® jourdejuing MCCCCLVI. Voz très-humbles et obéissans,

Phe, duc de Bourgongne; Chakles, conte de Charrolois ; Jehan, duc de Clèves; Jehan, conte d'Estampes ; Adolf de Clèves, S"" de Ravestain; Jehan de Coim- BREs; Frans de Borsselle, conte d'Ostrevant; An- TH0iNE,S'" DE Croy, conte de Porcien; âxthoine, bastart de Bourgongne; Jehan, S"" de Créquy; Jehan de Croy, S'' de Chimay; Pierre de Beffroimont, S"" de Charny; Jehan, S"^ d'Aucy; Henry de Borsselle, S' de la Vère; Jehan, S'' de Lanoy; Jehan, bastartdeSaint- Pol, S'"deHabourdin; Simon de Lalaing, S^'de Montigny; Baudot, S'' de Noielle;GuiLLEBERT de Lanoy, S*^ de Willerval , et Le Besgue de Lanoy, S"" de Molembais, chevaliers de l'ordre de la Thoison d'or.

Suscription : A nostre très-redoublé seigneur monseigneur le roy.

(Copie du temps, à la Bibliothèque impériale, à Paris, MS.Baluze 9675 B, fol. 20.)

(1) Nous ne trouvons rien, sur celle mission, dans VHistnire de la Toison d'or, par M. de ReifTenberg.

Déclaration d'Olivier de la Marche constatant le payement, fait par le bailïî de Gand, de 70 patards au geôlier du château de celte ville, pour la garde de deux prisonniers : 15 juillet 1469 (1).

Je, Olivier, S"^ de la Marche, chevalier, consellier et maistre (1 ostel de monseigneur le duc de Bourgoingne, certifie que j'ay fait payer et délivrer contant à Cateline, famnie de Jhan Anris, chepier du chaltel de Gant, la somme de soysante-dis patars, monnoye de Flandrez, par messire Loys des Cornez, chevalier, bally de Gant, et ce pour deux prisonniers mis ou chaltel de mondit seigneur, de par luy et sur sez despans, et dont ledit bally a fait prest à mondit seigneur d'icelle somme de lxx patars. Témoyen mon saing manuel cy-mis, le xni"^ jour de juUet mil llll-^ LXIX.