CR0NIC0UE5 D'ENGLETERRE

loit mettre entr'eulz et les forces des parties de Northumbelland, avec quy ilz avoient grant désir de eulz joindre , il s'adrescha, lui et son ost, devers la cyté d'Yorc , plainement déterminé de le rafreschir et advitaillier, et par cest chemin entrer en Lanchaschiere1, ouquel lieu, se ilz l'atendoient, résisterait à leur mallice. Si loga celle nuit en son chastel de Pontfret2, et lendemain , qui fut joesdy xxne jour dudit mois de march, arriva en sa cité d'Yorc, où il séjourna jusques au xxviejour, en establissant telesrigles et directions qui pourroient estre souffisans à avoir provisions de vivres à son dit ost , puis se tyra vers Lanchaschiere. Et là vindrent devers lui le seigneur de Strop, chevallier, portant la Jaretiere, sire Jehan de Commère3, Guillame Commère, le jeune Hyliard4 de Holdesnesse et autres, qui avoient grandement labouré , provocquié et esmeu le peuple esdites partyes contre le roy; lesquelz se vindrent froncement submettre en la bonne grâce etmercy du roy, lui suppliant très humblement l'ottroy de sa bénigne miséricorde ; et aussi, de leurs fronces voullentez, non constrains ne requis, confessèrent libéralement que des dites commotions faire ilz avoient esté exhortez et fort pressez par les rescriptions des dis duc et conte, et parleurs propres familliers messages, et avoir devers yceulz mené la plus grant puissance qu'ilz eussent peu, adfin de rencontrer et destrousser le roy et sa

\. Lancashire.