Muley Xeque

94 CROiMCQUES D'ENGLETERRE. [1471]

atout ung penon blancq en signe de paix , offrir au roy, luy suppliant qu'il les laissast vivre en paix et labourer leurs terres , en luy paiant son tribut : ce que le roy leur accorda, et les retint pour ses hommes.

Le bultin futexstimé à ung milyon de ducas, sans ce quy n'estoit pas venu à congnoissance et sans deux grans trésors qui furent aprez trouvez soubz terre , quy furent à Jacquelaires et à Morlegliet ; lesquelz furent descouvers au roy par le lieutenant du capittaine de la ville ; et , en guerredon de ce service , le roy luy donna ses femmes et enfans, et tous ses biens qui là furent trouvez en grant quantité; car on afferma qu'il avoit assez de vivres pour v ans.

Le roy donna la capittainerie de la dite ville d'Azille au conte1, quy paravant fut capittaine d'Alcacer; et celle d'Alcacer à dom Fernant, frère d'ycelluy conte. Et le mardy ensievant, vindrent trois Sarrazins devers le roy, quy luy contèrent comment les habittans de Tangere, sitost qii'ilz sceurent que la ville d'Azille estoit prinse, qu'ilz tenoient estre imprenable, ilz osterent à grant baste tout quancques ilz avoient en la ville, avec leurs femmes et enfans; sy tyrerent vers la montaigne, en prenant le pays de Fez, et demouroit la ville toute seulle , les portes ouvertes : à quoy le roy ne voult point adjouster foy. Et le merquedy, qui fut lendemain au matin, vindrent quatre autres Sarrazins de cheval, par saulfconduit, parler au roy, qui luy aporterent samblables nouvelles, mettant leurs testes en guaige s'il le trouvoit autrement. Et jà le roy plus asseuré , envoia tantost dom Jehan , filz au duc