Aujourd’hui la Mer d’Azov

92 CRONICQUES D’ENGLETERRE. [1445]

Grece ou de Turquye. Les turcqz leur estoient trop puissans par terre, et à eulz estoient les gailees trop puissantes, toutes ensamble, par mer; et ainsi estoit impossible que, licitement, les turcqz et les crestiens peussent combatre les ungz aux autres; car ce que les gailees povoient prouffiter sur terre, c’estoit de descendre au desceu des turcqz , et prendre hastivenient ce qu’ilz povoient happer, et puis retourner es dites gailees.

Les conclusions furent agréables à tous ceulz de Farmee. Si tindrent, le seigneur de Wavrin et tous ceulz de sa compaignie, la sollempnité de Pasques 1 en la ville de Perre, devant Constantinoble ; puis, incontinent les festes passées, les seigneurs de Wavrin et sire Pietre Yast montèrent chascun sur une gallee, avec eulz ceulz de Hongrye qui avoient esté prisonniers, et montèrent ou entrèrent en la Mer Majour. Si errerent tant , qu’ilz vindrent au cliastel de Messemble ouquel ilz envoyèrent pour avoir vitailles et rafreschissemens : et là , ung seigneur Grecq , capitaine dudit chastel de par l’Empereur, quant il sceut que c’estoit le seigneur de Wavrin, il vint devers luy, si luy fist aporter vitailles, ce qu’il en povoit finer, et lui dist que, depuis deux mois, estoit venu en son chastel ung Hongre eschapé des mains des turcqz; lequel il avoitrecoeilli et celle, si lui pryoit qu’il levoulsist recoeillier et recepvoir en ses gailees; car il ne l’osoit plus tenir, de paour que les turcqz ne le venissent assegier.

Quant les autres Hongres, qui estoient esdites gal-

1 Pâques tombait celte année (J 445) le 28 mars.

[4445] SIXIÈME PARTIE, LIVRE Ier, xv. 93

lees, oyrent ces nouvelles, ilz pryerent d’aller quérir le dit Hongre, car ilz avoient en leur ymagination que ce porroit estre leur roy ; mais ilz trouvèrent que non ; ains estoit ung gentil homme du pays, lequel ilz amenèrent avec eulz es dites gallees. Lendemain, se partirent de là nos crestiens : si eurent bon vent, et arrivèrent à ung port appelé Panguala *, lequel estoit bien estrange; et maintient on que Panthasilee, royne d’Amazonnes, le fîst faire aprez que Hercules et Theseus eurent entrez ou dit royaulme celeement, et combatu Ypolite et Menalipe; lequel port est d’une grant muraille, quy est en la mer, quy est bien de xxx ou xl piedz de large, et est la mer et le port entre la muraille et la terre ; et, ou tempz passé, nulz ne povoit entrer ou royaulme de Amazonnes par mer, qui maintenant est dit, autrement, le royaulme de Sycie2, qu’il n’entrast entre la muraille et la terre, quy duroit bien xx lieues francoises. Mais, de présent, la dite muraille est degastee et abatue en moult de lieux : sicque, maintes fois, plusieurs baleaulz, par fortune de tempeste, se vont là rompre ; mais on voit bien ancores la situation comment la muraille et le port estoient ; et dist on que , à l’autre costé du royaulme, à terre ferme, il est avironné de si haultes montaignes que bonnement nulz n’y povoit entrer, sinon à grant dangier.

Lendemain se partyrent nosdis seigneurs crestiens de là : lesquelz errerent tant par mer qu’ilz vindrent

4. Pans gala ou Pangallia des cartes du moyen âge; aujourd’hui Mankalia.