Scythie

94 CRONICQUES D’ENGLETERRE. [144SJ

à la bouche de laDunoue, quy est une merveilleusement grant riviere entrant en la Mer Majour , où ilz entrèrent; et tant firent qu’ilz arrivèrent au cliastel de Lycocosme, où ilz trouvèrent les Vallaques, ausquelz on demanda des nouvelles du roy de Hongrye et de la battaille, dont à la vérité ilz ne scavoient riens, ains en partaient en diverses maniérés, dont la plus part maintenoient que le dit roy estoit en Hongrye. Là eut le seigneur de Wavrin conseil qu’il mettroit à terre messire Pietre Yast et ceulz de sa gallee , avec eulz les Hongres esclaves : lesqueîz lui conseillèrent d’escripre unes lettres à Johannes Hoignacq, vaivode de Hongrye, en le invitant de faire nouvelle exercite de gens d’armes pour retourner en la Grece; promettant que, atout vi ou vii gallees, il enterroit en la Dunoue aussi avant qu’il seroit possible, pour se joindre avec eulz. Et bailla le dit seigneur de Wavrin à messire Pietre Vast son secrétaire, et ung gentil homme nommé Jacques Faucourt. Si fust lors advisé, par les Hongres et Vallaques , quel tempz le dit messire Pietre Vast pourroit mettre à faire ce voyage, et trouvèrent qu’il seroit bien ung mois avant qu’il peust retourner; pourquoy il fut conclu que le seigneur de Wavrin renterroit en la mer Majour et circuyroit toute la costiere d’ycelle, depuis où il estoit entrez jusques en Caffa 1 de la mer de la Tliane, et dedens ung mois, il retourneroient illec en une ville appelée Brelago2, pour atendre la revenue de messire Pietre Vast, sans nulle faulte.