Voir ci-dessus, page 89, note

[1445] SIXIEME PARTIE, LIVRE Ier, xvi. 95

1117. Comment messire Pietre Vast et les Hongres allèrent en Hongrye; et le seigneur de Wavrin s’en retourna, atout ses deux gallees, en la Mer Majour. XVI.

Aprez que le dit seigneur de Wavrin eut baillié ses lettres à messire Pietre Vast et chargé d’aller en Hongrye , ilz prindrent congié l’un de l’autre. Si s’en retourna le dit seigneur de Wavrin, atout ses deux gallees, en la Mer Majour, sur ses adventures, pour trouver les turcqz et combattre à eulz. Sy arriva, ung jour, à ung port appelé Moncastre *, où il y a ville et chasteau apartenans aux Jennevoix; là où il trouva beaucop de navires estans à ceulz de Trapesonde et auz Hermins 1 2. Si encquist fort se les turcqz avoient quelque armee sur la mer-, lesquelz dirent que non, et que le Turcq avoit deffendu que nulz turcqz n’allaissent par mer, pour ce que, d’efficace, luy avoit esté reporté les gallees des crestiens estre ancores waucrans sur la Mer Majour : et si dirent nouvelles comment ilz avoient veu trois gallees du duc de Bourguoigne vers Trapesonde ; parquoy le dit seigneur de Wavrin entendoit qu’il ne trouveroit quelque rencontre des turcqz. Si prinst le droit chemin pour aller à Caffa, quy est la fin de la Mer Majour, espérant de trouver lesdites trois gallees que, comme dit est, il avoit envoiees en la costiere de Turquie, allant au dit Caffa : et trouva en son oivre 3 trois navires turquoises chargiés de bledz, lesqueles il prinst : si les mena à Caffa, Auquel lieu il trouva deux de ses gallees, messire Re-

1. Moncastro ou Monchastro des cartes clu moyen âge; aujourd’hui Akkerman.