Poille, pèle; de Poiller, ùter la peau, l’écorce, peler

3. Bacicole ou bachicol, construction. Voyez dans Roquefort (TU, 34) les mots Bachicoi.lé et Bacicollement.

HG CRONICQUES D’ENGLETERRE. [144S]

grandes allées d’aisselles 1 de bois , duquel bacicol se deffendoient fort les turcqz ; et par derrière estoit la basse court, qui avironnoit les trois pans de mur et la tour, et y avoit grans fossez et pallis de bois entour ycelle , laquele , nonobstant, fut prinse comme vous avez oy, de venue , au très villain reboutement des turcqz, lesquelz furent si radement poursievys qu’ilz n’eurent pas loisir de le deffendre, de haste d’eulz enfuyr dedens les dis tour et chastel.

On ne scavoit comment le chastel assaillir, pour l’empeschement de la dite tour, qui tant fort deffen— doit les murailles d’ycellui ; car les turcqz qui estoient dedens le bacicol et allées de bois , ruoient grans pierres et mairiens, telement que nulz ne les ozoit aprochier -, et, pourtant, le seigneur de Wavrin envoia quérir vin canons, quy estoient esdites gallees : si les fist affuster alencontre du bacicol et allées quy estoient par dehors; aussi fist il, celle part, arrengier cullevriniers , arballestriers et archiers, où chascun tyra si raddement, qu’il n’y avoit layans turcq si hardy quy s’i ozast tenir. Et lors, incontinent, on assailly le dit chastel vigoreusement, atous les quatre pans de mur ; et fut prins generalement, excepté la dite grosse tour. Et quant on fut entré dedens, trouva la montée de bois toute couverte de plures d’arbres, laquele fut prestement tyree jus; car on crombioit 2 les fers des lances à crochés, dequoy on sacquoit tout par terre, et n’avoient les turcqz autre deffense en la dite tour