Retek, accuser , soupçonner . (Roquefokt

[1445] SIXIÈME PARTIE, LIVRE Ier, xvi. 125

disant comment la gallee du cardinal s’estoit frapee en terre, si l’avoit convenu toute deschargier, et mesmes atachier toutes les autres gallees à la sienne pour le retraire dedensle flo,et que tousj ours les Turcz estoient demourez en battaille devant eulz; si estoit jour failly quant ils partirent de devant la ville de Triest. Et alors le seigneur de Wavrin dist que, en vérité , ce avoit esté grâce de Dieu la dite gallee estre frapee en terre : (( Car, se vous feussiés partis à l’heure prinse et venus aprez moy, les Turcqz eussent este au chastel furquant devant nous, lequel ilz eussent bien gardé et n’eussions ozé mettre pié à terre. »

En la gallee du cardinal, estoit le Gardien des Freres mineurs de Constantinoble, notable homme, docteur en théologie et bonne personne; lequel, aprez le parlement du dit seigneur de Wavrin de la gallee du cardinal, luy blasma fort ce que si yreusement et felonneusement il avoit parlé à luy , de quoy toute l’armee porroit bien de pis valloir; et que c’estoit esponge 1 d’un retardement de bien faire. Si fist lors tant le Gardien par ses parolles devers le cardinal, qu’il 1’ envoia devers le dit seigneur de Wavrin présenter, de par luy, malvisee, pain et bescuit, pour ce qu’il n’en avoit point en sa gallee. Et, adont, messire Régnault de Confide, voiant ce présent, dist : « Monseigneur le capittaine, je vois bien que la paix est' faite entre monseigneur le cardinalet vous : je m en retourneray avec monseigneur le Gardien, et diray au sire cardinal ce que m’avez conté, comment ce fut la grâce de Dieu que sa gallee frappa en terre. »