Voy. ci-dessus, page 95, note

[1445] SIXIÈME PARTIE, LIVRE Ier, xvii-xvm. 141

l’eaue, quy estoit cruele chose à veoir à ceulz des gallees, quant ilz passèrent devant.

Atant vous laisseray le parler du dit filz de la Vallaquie, qui avoit adcomply le commandement de son pere , et parlerons de nos crestiens , à scavoir le cardinal et le seigneur de Wavrin, comment ilz se partirent de ce lieu pour aller assaillir ung chastel séant ou pays de Yulgarie, sur le bord de la riviere nommé Roussico *.

1119. Comment les turcqz boutèrent le feu au village et au chastel de Roussico, quant ilz veyrent venir les gallees. XVIII.

Aprez ce que le chastel de la Géorgie fut prins par les crestiens et restitué es mains du seigneur de la Vallaquie, auquel il devoit de droit apartenir, le dit seigneur des Vallaques, moult joyeux de ceste adventure, signifia ausdis cardinal et seigneur de Wavrin que, ou chemin de Nycopoly, montant contremont la riviere, y avoit ung chastel des Turcqz, assis sur le pays de Vulgarie, nommé Roussico, auques samblable au chastel Turquant. Et pour ce que la riviere, à l’endroit du dit chastel, estoit estroite, souvent les Turcqz la passoient et couroient en la Vallaquie, où ilz faisoient des maulz heaucop, et ancores plus feroient doresenavant, se on les laissoit , par vengance de la discipline sur leurs gens executee. Sy prioit et requeroit, ou nom de Dieu, doulcement qu’on voulsist aller devant et l’assaillir de bon visage ; car, se ainsi on le faisoit, ce seroit chose legiere de le prendre; disant