Chetivotsoiv, captivité

[1445] SIXIÈME PARTIE, LIVRE Pr, xvm. 145

les gallees v jours à aller jusques là, où les Turcqz, qui scavoient leur venue, affusterent au dehors de la ville, en une place sablonneuse , plusieurs canons et bombardes ; dequoy ceulz des gallees se doubtoient bien, pour laquele cause ilz avoient mis es prônes 1 des vaisseaulz leur artillerie. Et quant les gallees passoient , il n est pas a dire l’horribleté que c’estoit de oyr gecter les engiens, tant d’un costé comme d’autre , ja n’y eust il de la part des Turcz, en ceste place, sinon ceulz qui gouvernoient les engiens; mais, par la grâce de Dieu, les gallees passèrent sans grant dommage, sinon que trois en y eut rompues, mais non pas en lieu périlleux.

Ceulz des gallees, doncques, en gectant d’engiens contre leur annemis, et sonnant trompettes et clarons, passèrent devant la ville de Nycopoly, dont les Hongres avoient esté déboutez. Si s’en allèrent ancrer devant une grosse tour ronde, avironnee de murailles en maniéré de brayes, laquele tour seoit sur le rivage de l’eaue, en terre de la Vallaquye. La dite ville de Nycopoly est longue et estroite, séant en montaigne , . à ung fort chastel dessus; et, à deux costez de la ville, y a deux grans pans de murs, en descendant dudit chastel jusques à la riviere ; lesquelz murs sont bien garnis de grosses tours rondes ; et n’y avoit que une grande pallisade de bois en la riviere , qui alloit de l’un pan de mur jusques à l’autre; et, là, il y avoit vi gallees que galliottes, que les Turcqz avoient effonsees en l’eaue joignant la pallisade : si ne veoit on que les pupes dehors. Et en ceste nuitié que les gallees furent arrivées devantNicopoly, le seigneur de