Voy. ci dessus, page 100, note

[1445] SIXIÈME PARTIE, LIVRE Ier, xvm. 149

estoit le connestable de France, et là se tenoit le duc Jelian, » qui estoit contre une grosse tour ronde, laquele, comme il disoit, le dit duc Jehan avoit* fait miner, sy estoit toute estagié pour y bouter le feu, le jour que nouvelles vindrent de la battaille : disant, oultre, que lors estoit serviteur au seigneur de Coucy, quy tousjours voullentiers retenoit vers lui les gentilz compaignons Vallaques qui scavoient les aguez du pays de lurquye. Et prisoit ledit gouverneur grandement le seigneur de Coucy ; lequel, comme il lui dist, avoit, le jour devant la battaille, rué jus bien vin) Turcqz quy estoient venus en intencion de sourprendre les fourrageurs crestiens. Et, pour habregier, il conta au seigneur de Wavrin toute la maniéré de la battaille, et comment il fut prisonnier auz Turcqz, vendu esclave aus Genevois, ou il avoit aprins le languaige qu’il par— loit. Sy veoit et oioit voullentiers le seigneur de Wavrin ce que le dit gouverneur lui monstroit et disoit. Et, endementiers que le Vallaque parloit à luy, il entendy ceulz des gallees qui cryoient : « Veez cy les Hongres quy viennent. » Pourquov, tout prestement, ledit Vallaque se party du seigneur de Wavrin pour aller vers son maistre, quy devoit aller devers les seigneurs de Hongrye.

Quant les seigneurs de Hongrye furent arrivez et logiés sur le rivage , Johannes Hoignacq, vaivode de Hongrye, incontinent qu’il fut descendu à pié, il entra en ung batel et vint veoir le seigneur de Wavrin, tout arme de plain harnas, ale mode de Hongrye, avecques lui messire Pietre Vaast; et, pour ce que son harnois estoit large par dessoubz, il ne polt entrer en la chambrelte dudit seigneur de Wavrin. Si se party tantost

m CRONICQUES D’ENGLETERRE. L1445l

de là , et alla tantost veoir le cardinal , disant qu’il revenroit veoir le capittaine quant il seroit désarmé, comme il fist. Et lui entré en sa chambrette , monstra samblant d’avoir grant compassion de sa malladie et de la doulleur que il lui veoit souffrir : et, apres qu il l’eut bien regardé en manniant ses membres, il lui fist dire par son truceman, quy parloit bon francois, qu il se voulsist resconforter, car autresfois il avoit veu gens samblablement mallades, qui tantost aprez revenoient en bonne santé. Quant lesdis seigneurs se furent une espace ensamble devisez par advocat, messire Pietre Vaast fist aporter de l’apoticairie de son maistre, dont sa gallee estoit bien sortye : c’est à scavoir plain grandes tasses de vert gingembre, de dragiés, espiceset de diverses maniérés de drogueries ; et là fist on faire collace au dit Vaivode , et luy aporta on de la bonne malvisee pourboire. Et, adont, ledit Vaivode prinst une cloclie du gingembre, si le présenta au capittaine, en lui priant qu’il le voulsist mengier pour l’amour de lui; lequel, non obstant qu’il se doubtast assez que ce luy deust plus faire de mal que de bien , toutesfois ne luy endura il à refuser , anchois lui acorda ; et lors , le Vaivode, voiant que ledit capittaine ne povoit lever les mains, lui boutta dedens la bouche; si l’avalla. Et aprez qu’il eut ce mengié, lui prya le dit Vaivode qu’il voulsist boire de la malvisee, quy moult lui estoit contraire : ce que, toutesfois, il fist pour luy complaire ; et ce fait , le Vaivode luy dist que le vert gingembre et la malvisee luy estoient très bons, quoy qu’on lui deist. Puis , tost aprez, il prinst congié et retourna en son logis, et prinst conclusion avec le seigneur de la Vallaquie que toute dilligence se feroit d’assaillir et pren-

[J 445] SIXIÈME PARTIE, LIVRE I«r, xvm. 4 51

dre ladite tour, comme on avoit fait les autres places. Si firent faire pletité de fagotz, et yceulz gecter dedens les faulses brayes , avec grant quantité d’autre bois , aussi hault comme il sambla bon : ce que les Turcqz ne povoient deffendre ; car les culvriniers et arballestriers crestiens deffendoient auz Turcqz qu’ilz ne se osoient tenir ne monstrer auz barbacannes, si ne povoient résister qu’on ne boutast le feu dedens le bois quy estoit gecté encontre la tour. Et quant le feu fut esprins de tous costez, pour ce que la tour estoit toute ronde le feu ne faisoit que balluer environ la tour, si ne faisoit quelconcque grief à ceulz de dedens; car il ne montoit pas contremont : parquoy on vey et parcheut assez que, par ce moyen, la tour ne seroit pas prinse. Voyant ceste chose les seigneurs Hongres et Vallaques, ilz conclurrent ensamble qu’ilz mineroient lesdites brayes quy environnoient la tour, si les abateroient ; lesquelz comme ilz le conclurrent le firent, pensant que ceulz de la tour, quant ilz verroient leurs brayes abatues, qu’ilz se renderoient. Mais non firent, anchois se monstrerent aussi orguilleux comme par avant; et se monstroient les Turcqz, journelement, en grant puissance au dessus de Nicopoly.

Nos seigneurs crestiens, voians que on metteroit longuement avant que l’en peust avoir prinse la dite tour, car on y avoit ja esté empeschié bien xv jours (si aprochoit la saint Michiel, que le ternpz requeroit de passer la riviere pour donner battaille auz Turcqz, qui le devoit faire ceste annee), ilz conclurrent tous ensamble qu’on separtiroitdelà, et tirroit on contremont l’eaue, jusques on venroit à une riviere quy descendoit de la Transilvane dedens la Dunoue ; en laquele ri-

152 CROMCQUES D’ENGLETERRE. [1445]

\iere le Vaivode avoit fait faire et assambler plusieurs plas bateaulz, pour passer ses gens et baguages.

Lendemain , doncques , aprez ceste conclusion prinse, les gallees se desancrerent et firent voille, puis tyrerent contremont la riviere : et les Hongres et Vallacjues chevaulch oient selon ycelle, avec leur puissance, à la droite main; et les Turcqz à l’esclenche1, à grant effort, en cbincq battailles ; et se monstroient beaucop plus grant nombre que les crestiens. Si advint qu’en ceste nuit se logèrent Hongres et Vallaques es grans prayeries sur la riviere, où ilz mettoient leurs cbe va u lz paistre; et les Turcqz se logèrent à l’opposite d’eulz , sur l’autre rivage. Mais quant ce vint du vespre, qu’on dist entre chien et leu, à l’heure que communément on sonne les pardons parmy le pays de France , les Vallaques et aulcuns Hongres, qui avoient mis leurs chevaulz paistre es dites prayeries, où ilz estoient logies tous ensamble, gecterent ung grant cry et hideuz ; et sambloit à oyr que les Turcqz se feussent frapez dedens eulz. Pourquoy ceulz des gallees, oyans ce bruit, cryerent à l’arme , et que chascun descendist à terre ; car ilz estoient ancrez au plus prez de la rive : nonobstant laquele chose les seigneurs Hongres et Vallaques avoient ordonné de signifier ledit cry à ceulz des gallees par aulcuns de leurs gens, qui très petitement s’en acquiterent ; car, au primes, y venoient ilz aprez cop, ne pas n’estoient ancores arrivez; mais cryoient de loingz, quant le bruit s’esleva : « Ce n’est riens, ce n’est riens. » Et quant ilz furent entrez es gallees, ilz