Loejr, louer, approuver , conseiller. (Ruquefokt

156 CRONICQUES D’EINGLETERRE. [J 445]

ne nulz Turcqz sur le rivage, comme l’en avoit acouslumé de veoir, qu’il ne fut bien quatre heures aprez disner, que lors ilz s’estoient recoeilliés et mis en ordonnance de battaille sur ung destroit de la riviere, où ilzavoient affuslé foison canons et serpentines, quy gectoient aprez les gallees. Mais tous les crestiens par terre et par eaue, buoient et escharnissoient 1 merveilleusement aprez eulz, par maniéré de ramprosne, pour leur villaine fuite nocturnele. Et, la nuit de saint Michiel2, les gallees arrivèrent à l’entree de la bouche de la dite riviere de Transilvane en la Dunoue, où estoient les bateaulz Hongrois, dont dessus a esté faite mention, lesquelz ilz avoient illec amassez pour leur passage.

Au lez de la riviere de Dunoue, devers les Turcqz, avoit une petite ville, assise sur le rivage, quy estoit abatue et ruynee dès le tempz que l’empereur Sigmond d’Allemaigne et le duc Jehan de Bourguoigne eurent la battaille auz Turcqz, devant Nycopoly. Nos crestiens , doncques, illec venus , ilz prindrent tous ensamble conclusion que les arcbiers, arballestriers, canonniers et culvriniers des gallees, atout leurs engiens et trait, descenderoient dedens ceste dite place ruynee , où il avoit ancores de la muraille plenté droite, et là leurs engiens affustez tirroient contre les Turcqz, entandis que les Hongres et Vallaques passeroient ; lesquelz, à mesure qu’ilz passèrent, se fortiffioient contre la dite place, tousjours gens de trait premiers. Si misrent deux jours et deux nuitz à