er octobre

[1445] SIXIÈME PARTIE, LIVRE Ier, xvin-xix. 159

peu mieulx faire. Et lors, le plutost. qu’ilz peurent, pour la grant froidure, se tyrerent hors de la riviere de Dunoue : si entrèrent en la Mer Majour et s’en retournèrent à Constantinoble , où ilz arrivèrent lendemain du jour de la Toussains, qu’on fait commémoration de toutes âmes, en l’an mil quatre cens quarante et chincq ; ouquel lieu ilz furent honnourablement recheus par l’empereur de Constantinoble , quy leur fist grant chiere et reverence.

1120. Comment le cardinal de Venise et le seigneur de Wavrin prindrent congié de l’empereur de Constantinoble, et s’en retournèrent à Romme. XIX.

Ainsi, comme vous oez, furent le cardinal de Venise et le seigneur de Wavrin, qui aulcunement se respassoit 1 de sa malladie, reclieuz et festoiez honnourablement en la cité de Constantinoble, où l’ Empereur présenta de moult beaux et riches dons au dit seigneur de Wavrin, qui les refusa; mais il requist à l’Empereur, en considération du voyage et des entreprinses qu’il avoit faites pour lui et à sa cause, et qu’il veoit les choses non estre disposées pour alors besongnier aulcune chose en fait de guerre alenconlre des Turcqz , il luy voulsist donner aulcuns dignes joyauz ou saintuaires pour yceulz reporter en son pays , en commémoration de son dit voyage ; laquele requeste le dit Empereur luy ottroya voullentiers. Et, entre autres choses, luy donna une piecbe de la précieuse et sainte robe de nostre seigneur Jbesucrist, laquele la glorieuse Vierge, sa mere, avoit ouvree et